ପ୍ରତିବାଦ
ମୋ–ମୋର ପ୍ରତିବାଦ ତୁମକୁ ହେ ପ୍ରଭୁ
ଦେବ ଯଦି ଦୁଃଖ ଦିଅ,
ଦୁଃଖର ସଗାରେ ଭସାଇ ଦିଅ ହେ
ଲଙ୍ଘିବି ପାର୍ଥିବ ମୋହ ।
ର– ରକ୍ତ ମାଂସ ଅସ୍ଥି ଶରୀର ଦେଇଛ
ଅଧା ସୁଖେ ଅଧା ଦୁଃଖେ ,
ବସୁଧା ସରଗ ଅଧରେ ଝୁଲୁଛି
ଅଧା ଶୋ6କ ଅଧା ଭୋକେ ।
ପ୍ର–ପ୍ରତିବାଦ ତୋତେ ଅଧା ଗଢା ଦିଅଁ
ଅଧାରେ ପାଏ ମୁଁ କଷ୍ଟ ,
ଅପୂର୍ଣ୍ଣ ସାନ୍ତ୍ୱନା ଅପୂର୍ଣ୍ଣ ଲାଞ୍ଛନା
ଅଧା ମୋ ଉଦୟ ଅସ୍ତ ।
ତି–ତିରସ୍କାର ଯଦି ଦବୁ ଭଗବାନ
କାନ୍ଦିତୋ ଧରିବି ପାଦ,
ପୁରସ୍କାର କିମ୍ପା ଅଳ୍ପ ରଖୁ ପ୍ରଭୁ ସେଥିପାଇଁ ପ୍ରତିବାଦ ।
ବା–ବାଟତୁ ଦେଖାଉ ଅବାଟରେ ନେଉ
ବାଟେ ମୁଁ ପଡଇ ଝୁଣ୍ଟି ,
ଜୀବନ ପଥରେ ଉଚ୍ଛ ଢ଼ିପ ଖାଲ
ସବୁ ଦେଇଛୁ ସାଉଁଟି ।
ଦ–ଦର୍ଶନ ଚାହିଁଲେ କାହିଁ ଲୁଚିଯାଉ
ଅଧା ସୂର୍ଯ୍ୟ ଅଧା ଚାନ୍ଦ ,
ମୁଁ କାନ୍ଦିଲେ ତୋର ହସ ଫୁଟିଉଠେ
ସେଥିପାଇଁ ପ୍ରତିବାଦ।
ରବୀନ୍ଦ୍ର କୁମାର ବେହେରା
ଶିଖରପୁର, କଟକ
