ଢେଙ୍କାନାଳ ସ୍ଵାଧିନତାର ୭୫ ବର୍ଷ ପୂର୍ତ୍ତି ଅବସରରେ ଓ କ୍ରାନ୍ତି ଦିବସ ଉପଲକ୍ଷେ ସାରା ଭାରତ ବର୍ଷ ଅମୃତ ମହୋତ୍ସବ ପାଳନ କରୁଅଛି । ଘରେ ଘରେ ଜାତୀୟ ଧ୍ଵଜା ତ୍ରିରଙ୍ଗା ଉଡାଇବା ପାଇଁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ଅନୁରୋଧ ଓ ଏହାକୁ ୧୫ ତାରିଖ ଯାଏ ସାରା ଭାରତରେ ପାଳନ କରିବାକୁ ଆହ୍ଵାନ ଦେଇଛନ୍ତି । ତେଣୁ ଆଜି ସ୍ଥାନୀୟ ଅଳସୁଆ ହାଟଠାରୁ ଏକ ବିଶାଳ ତ୍ରିରଙ୍ଗା ଯାତ୍ରା ସକାଳ ୧୦.୩୦ ସମୟରେ ବାହାରିଥିଲା । ପରେ ଏହା ସ୍ଥାନୀୟ ବାଜି ଚୌକ ଦେଇ ଗଣେଶ ବଜାର ଦେଇ ବଳରାମ ମନ୍ଦିର, ଷ୍ଟାଡିୟମ ଓ ବସ୍ ଷ୍ଟାଣ୍ଡ ଦେଇ କଲେଜ ବାଇପାସ ପାଖ ବିଜେପି ଅଫିସ୍ରେ ପହଞ୍ଚିଥିଲା ।ଏହି କାର୍ଯ୍ୟ କ୍ରମରେ ରାଷ୍ଟ୍ରୀୟ କାର୍ଯ୍ୟ କାରୀଣୀ ସଦସ୍ୟ ଯୁବ ମୋର୍ଚାର ରାଜୁ କାଲାରା, ଯୁବ ମୋର୍ଚା ରାଜ୍ୟ ସଂଯୋଜକ ରାଣା ପୃଥିରାଜ ସିଂ, ରାଜ୍ୟ ସଂଯୋଜକ ଆଶୁତୋଷ ବେହେରା ,ଢେଙ୍କାନାଳ ଜିଲ୍ଲା ସଭାପତି ନରେଶ ଚନ୍ଦ୍ର ମହାପାତ୍ର, ରାଜ୍ୟ କୃଷକ ମୋର୍ଚା ଉପ- ସଭାପତି ରାମଚନ୍ଦ୍ର ପାତ୍ର, ଜିଲ୍ଲା ଉପ ସଭାନେତ୍ରୀ ଭାରତୀ ସ୍ଵାଇଁ , ଜିଲ୍ଲା ସାଧାରଣ ସମ୍ପାଦକ ସୁନିଲ ଶର୍ମା, ଜିଲ୍ଲା ଯୁବମୋର୍ଚା ସଭାପତି ଏମ୍ ଜେ ମହିମା, ନଗର ମଣ୍ଡଳ ସଭାପତି ଧୃବ ଚରଣ ସ୍ଵାଇଁ , ନଗର ସାଧାରଣ ସଂପାଦକ -ବିକାଶ ସାହୁ ଓ ଲକ୍ଷ୍ମୀଧର ଦଳେଇ, କାଉନସିଲର ସୂର୍ଯ୍ୟ ପ୍ରତାପ ରାଉତ ଓ ବଳରାମ ପୃଷ୍ଟି, ନଗର ଉପ ସଭାପତି ଅଶୋକ କୁମାର ଦାଶ, ପୂର୍ବତନ ଜିଲ୍ଲା ମୋର୍ଚା ସଭାପତି ଅଞ୍ଜନ ପାଣି, କାର୍ଯ୍ୟ କର୍ତ୍ତା ଅକ୍ଷୟ କୁମାର ସାହୁ ଓ ସମସ୍ତ କାର୍ଯ୍ୟ କର୍ତ୍ତା ଙ୍କ ଉପସ୍ଥିତିରେ ଏହି ତ୍ରିରଙ୍ଗା ରାଲି ସଂପୂର୍ଣ୍ଣ ହୋଇଥିଲା ।
ଢ଼େଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀ ଙ୍କ ରିପୋର୍ଟ୍
