ନୂଆପଡା ଜିଲ୍ଲା କୋମନା ପଞ୍ଚାୟତ ସମିତି ଡିଗ୍ରୀ ମହାବିଦ୍ୟାଳୟରେ ନେହେରୁ ଯୁବ କେନ୍ଦ୍ର ତରଫରୁ ଯୁବ ସମ୍ବାଦ କାର୍ଯ୍ୟକ୍ରମ ଆୟୋଜିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ଅଧ୍ୟକ୍ଷ ଡିଗ୍ରୀ ମହାବିଦ୍ୟାଳୟ ପ୍ରଭାଷ କୁମାର ପଣ୍ତା ସଭାପତିତ୍ବ କରି ଥିବା ବେଳେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ସଭ୍ୟ ଅବନୀ ମୋହନ ଯୋଶୀ ଯୋଗଦାନ କରି ଥିଲେ । ରିସୋର୍ସ ପର୍ସନ ଭାବେ ଅଧ୍ୟାପକ ଡ.ଦୀପକ କୁମାର ଦାସ,ଅଧ୍ୟାପକ ରାଜକୁମାର ସୁନାନୀ ଓ ବରିଷ୍ଠ ସାମ୍ବାଦିକ ମାୟାଧର ସରାଫ ଯୋଗଦାନ କରି ପ୍ରଧାନମନ୍ରୀ ନରେନ୍ଦ୍ର ମୋଦୀଙ୍କ ଯୁବକଙ୍କୁ ନେଇ ଥିବା ସ୍ବପ୍ନର ଭାରତ ସଂପର୍କରେ ଆଲୋଚନା କରି ଥିଲେ । ପଞ୍ଚ ପ୍ରାଣ ସଂପର୍କରେ ଆଲୋଚନା ହୋଇ ସମାଜ ପ୍ରତି ଗାଁ ପ୍ରତି ଦେଶ ପ୍ରତି ଯୁବକଙ୍କ ଭୁମିକା ସଂପର୍କରେ ବିଷଦ ଆଲୋଚନା ହୋଇ ଥିଲା । ପରେ ଛାତ୍ରଛାତ୍ରୀଙ୍କ ମଧ୍ୟରେ ନୢତ୍ୟ ଓ ବକୢତା ପ୍ରତିଯୋଗୀତା ହୋଇ ଥିଲା । ନେହେରୁ ଯୁବ କେନ୍ଦ୍ରର ଜିଲ୍ଲା ସଂଯୋଜକ ପ୍ରସନ୍ନ ମେହେର ଧନ୍ୟବାଦ ଜ୍ଞାପନ କରି ଥିଲେ । ସହଆୟୋଜକ ରୟାଲ କ୍ଲବ ଗନିଆରିର ସଭାପତି ଟିକେଶ୍ବର ହଂସ କାର୍ଯ୍ୟକ୍ରମ ପରିଚାଳନା କରି ଥିଲେ ।