ଭବାନୀପାଟଣା ତା : 11.08.2023 – ଓଡିଶା ରାଜ୍ୟ ଚେସ ସଂଘ ତରଫରୁ କଳାହାଣ୍ଡି ଜିଲ୍ଲା ଚେସ ସଂଘ ଓ ମହାବୀର ସାଂସ୍କୃତିକ ଅନୁଷ୍ଠାନ ର ମିଳିତ ତତ୍ତ୍ବାବଧାନ ରେ ଆଜି ସ୍ଥାନୀୟ ମହାବୀର ସାଂସ୍କୃତିକ ଅନୁଷ୍ଠାନ ପରିସରରେ 15 ବର୍ଷ ରୁ ନିମ୍ନ ବୟସ ଖେଳାଳୀ ମାନଙ୍କ ମଧ୍ୟରେ ଚେସ ପ୍ରତିଯୋଗିତା ଆରମ୍ଭ ହୋଇଅଛି । ଅତିରିକ୍ତ ଜିଲ୍ଲାପାଳ , କଳାହାଣ୍ଡି ଶ୍ରୀ ତନ୍ମୟ କୁମାର ଦରୱାନ ଅନୁଷ୍ଠିତ ସଭାରେ ମୁଖ୍ୟ ଅତିଥି ରୂପେ ଯୋଗ ଦେଇ ପ୍ରଦୀପ ପ୍ରଜ୍ଵଳନ କରି ଚେସ ପ୍ରତିଯୋଗିତାକୁ ଉଦ୍ଘାଟନ କରିଥିଲେ ଓ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ସଭାରେ ସମ୍ମାନିତ ଅତିଥି ରୂପେ ମହାବୀର ସାଂସ୍କୃତିକ ଅନୁଷ୍ଠାନ ସଭାପତି ଶ୍ରୀ ଶାନ୍ତାନୁ କୁମାର ବେହେରା , ସମ୍ପାଦକ ଶ୍ରୀ ସତ୍ୟ ପ୍ରସାଦ ସିଂହ, ଜିଲ୍ଲା ଚେସ ସଂଘ ସଭାପତି ଶ୍ରୀ ରବୀନ୍ଦ୍ର ସାହୁ , ଡି.ଆଇ.ପି.ଆର.ଓ. ଶ୍ରୀ ମନୋଜ ବେହେରା, ରାଜ୍ୟ ଚେସ ସଂଘ ଆର୍ବିଟର ଶ୍ରୀ ଜ୍ୟୋତି ଶଙ୍କର ନନ୍ଦ ପ୍ରମୁଖ ଯୋଗ ଦେଇଥିଲେ । ବକ୍ତାଗଣ ଚେସ ଖେଳର ମହତ୍ଵ ତଥା ଖେଳାଳୀମାନଙ୍କୁ ଚେସ ପ୍ରତି ଆନ୍ତରିକତା ଓ ଖେଳୁଆଡ ପ୍ରଦର୍ଶନ ମନୋଭାବକୁ ବଜାୟ ରଖିବା ପାଇଁ ଉତ୍ସାହିତ କରିଥିଲେ । ଏହି ଚେସ ପ୍ରତିଯୋଗିତା ପାଇଁ ୮ଟି ଜିଲ୍ଲା ବଲାଙ୍ଗିର, କଟକ , ଢେଙ୍କାନାଳ , ଗଞ୍ଜାମ , ଯାଜପୁର , ଖୋର୍ଦ୍ଧା , କୋରାପୁଟ , ପୁରୀ ରୁ ଖେଳାଳୀ ମାନେ ପହଞ୍ଚିଛନ୍ତି । ସଭାଟିକୁ ପରିଚାଳନା କରିବାରେ ଓକିଲ ସଂଜୀବ ସିଂ ସହଯୋଗ କରିଥିବାବେଳେ ମହାବୀର ସାଂସ୍କୃତିକ ଅନୁଷ୍ଠାନର କର୍ମକର୍ତ୍ତା ତଥା ଜିଲ୍ଲା ଚେସ ସଂଘ କର୍ମକର୍ତ୍ତା ସହଯୋଗ କରିଥିଲେ ।
ମସିହା ନିୟୁଜ୍ ସର୍ଭିସ୍
