ବାଲେଶ୍ଵର,୧୫/୮/୨୩-ବାଲେଶ୍ଵର ଜିଲ୍ଲା ଖଇରା କଲେଜ ନିକଟ ବଣପାରିଆ ଛକ ଠାରେ ୭୭ ତମ ସ୍ବାଧୀନତା ଦିବସ ଉପଲକ୍ଷେ ଉଦଘାଟନ ହେଲା ନୂତନ କଂଗ୍ରେସ କାର୍ଯ୍ଯାଳୟ । ଏଥିରେ ବରିଷ୍ଠ କଂଗ୍ରେସ କର୍ମୀ ନବକିଶୋର କର, ଗଜେନ୍ଦ୍ର ସେଠୀ, ବେଣୁଧର ରାଉତ, ପ୍ରଶାନ୍ତ ପାତ୍ର, ଶତ୍ରୁଘ୍ନ ଦାସ, ବାବୁଲି ପାଢୀ, କାର୍ତ୍ତିକ ଓରଫ ବସନ୍ତ ପାତ୍ର, କମଳା ପାଣିଗ୍ରାହୀ, ସନାତନ ବେହେରା, ପ୍ରଶାନ୍ତ ଦାସ, ନରେଶ ବିଶ୍ବାଳ, ତପନ ଦାସ ଓ ବାବୁଲି ଜେନାଙ୍କ ସମେତ ଖଇରା – ସିମୁଳିଆ ବ୍ଲକର ଶତାଧିକ କଂଗ୍ରେସ କର୍ମୀ ଯୋଗ ଦେଇଥିଲେ ।
ଏହି ଅବସରରେ ସିମୁଳିଆ ନିର୍ବାଚନ ମଣ୍ଡଳୀର ନୂତନ ବିଧାୟକ ପ୍ରାର୍ଥୀ ହିମାଂଶୁ କୁମାର ବେହେରାଙ୍କ ଆହ୍ୱାନ କ୍ରମେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା । ଏଥିରେ ସଭାପତିତ୍ବ କରିଥିଲେ ବ୍ଲକ କଂଗ୍ରେସ ସଭାପତି ଶରତ ଚନ୍ଦ୍ର ଦାସ । ଉକ୍ତ ସମ୍ମିଳନୀରେ ଅତିଥି ଭାବେ ପୂର୍ବତନ ସାଂସଦ ଏବଂ କଂଗ୍ରେସ ଦଳର ବରିଷ୍ଠ ନେତା ଅନନ୍ତ ପ୍ରସାଦ ସେଠୀ, ବାଲେଶ୍ଵର ଜିଲ୍ଲା ସଭାପତି ସଞ୍ଜୀବ ଗିରି, ବିଧାୟକ ପ୍ରାର୍ଥୀ ହିମାଂଶୁ ଶେଖର ବେହେରା ଓ ସିମୁଳିଆ ନିର୍ବାଚନ ମଣ୍ଡଳୀର ଯୁବ କଂଗ୍ରେସ ସଭାପତି ନିରଞ୍ଜନ ପରିଡ଼ା ପ୍ରମୁଖ ମଞ୍ଚାସୀନ ହୋଇ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ । ରାଜ୍ୟ ଓ କେନ୍ଦ୍ର ସରକାରଙ୍କ ବିରୋଧରେ ବିଷୋଦଗାର କରିଥିଲେ ଅତିଥି ମାନେ। ମୁଖ୍ୟତଃ ଭତ୍ତା, ଚାଷ, ବିଦ୍ଯୁତ୍, ଜଳସେଚନ, ଶିକ୍ଷା, ଗମନାଗମନ, ଆବାସ ଯୋଜନା, ରାସନ ଏବଂ ନିଯୁକ୍ତିକୁ ନେଇ ରାଜ୍ୟ ଓ କେନ୍ଦ୍ର ସରକାରଙ୍କ ଉପରେ ଅତିଥି ମାନେ ପ୍ରବଳ ବର୍ଷିଥିଲେ । କଂଗ୍ରେସ ଦଳରୁ ଜିରୋରୁ ହିରୋ ହୋଇ ମନ୍ତ୍ରୀ ହେଲେ କିନ୍ତୁ ନିଜର ସ୍ବାର୍ଥ ହାସଲ ପାଇଁ ଦଳକୁ ବେଇମାନ କରିଥିବା ପଦ୍ମଲୋଚନ ପଣ୍ଡାଙ୍କୁ ଅତିଥିମାନେ ସମାଲୋଚନା କରିଥିଲେ । ଶ୍ରୀ ପଣ୍ଡା ନିଜର ସ୍ବାର୍ଥ ହାସଲ ପାଇଁ ରାଜନୀତି କରିଥିଲେ କିନ୍ତୁ ଖଇରା-ସିମୁଳିଆ ବାସୀଙ୍କ ପାଇଁ କିଛି କରିନଥିଲେ । ଯାହାବି କରିଥିଲେ ନିଜ ପରିବାର ପାଇଁ କରିଥିଲେ । କଂଗ୍ରେସ ଦଳକୁ ବେଇମାନ କରିଥିବା ଏଭଳି ଦଳବିରୋଧୀ ନେତା କୌଣସି ଦଳରୁ ଜିତିବା ସମ୍ଭାବନା ନାହିଁ । ତେଣୁ ତାଙ୍କୁ ଭୋଟ ନ ଦେଇ ହିମାଂଶୁ କୁମାର ବେହେରାଙ୍କୁ ଭୋଟ ଦେବାକୁ ସମସ୍ତଙ୍କୁ ଅନୁରୋଧ କରିଥିଲେ । ଶ୍ରୀ ବେହେରା ଲୋକ ମାନଙ୍କ ପାଇଁ କିଛି କରିବାର ଆଶା ନେଇ ଆସିଛନ୍ତି କିନ୍ତୁ କିଛି ନେବା ପାଇଁ ନୁହେଁ । ନିର୍ବାଚନ ମଣ୍ଡଳୀର ସର୍ବାଙ୍ଗୀନ ଉନ୍ନତି ତଥା ବିକାଶ ଏକାନ୍ତ କାମ୍ଯ ବୋଲି କହିଥିଲେ ନୂତନ ପ୍ରାର୍ଥୀ ଶ୍ରୀ ବେହେରା ସାମ୍ବାଦିକ ମାନଙ୍କ ଆଗରେ ପ୍ରକାଶ କରିଥିଲେ । ଏଥିରେ ବ୍ଲକ ଏବଂ ଜିଲ୍ଲା ସ୍ତରୀୟ ସାମ୍ବାଦିକ ମାନେ ଉପସ୍ଥିତ ଥିଲେ । ଶେଷରେ ଜିଲ୍ଲା ସଭାପତି ଶ୍ରୀ ଗିରି ଏବଂ ଶ୍ରୀ ସେଠୀ ସମସ୍ତ ସାମ୍ବାଦିକ ମାନଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
