ଉତ୍କେଲା,୨୧/୦୩,ନିପ୍ର, ସୋମବାର ଦିନ ଦିବା ୧୨ଘଣ୍ଟା ସମୟରେ କେସିଙ୍ଗା ସେକ୍ସନ ଅନ୍ତର୍ଗତ ଜାମଯୋର ବନ ସୁରକ୍ଷା ସମିତିରେ କେସିଙ୍ଗା ବନାଞ୍ଚଳ ଦ୍ଵାରା ଆମ ଜଙ୍ଗଲ ଯୋଜନା କାର୍ଯ୍ୟକ୍ରମ ମାଧ୍ୟମରେ ବନରକ୍ଷୀ ଶ୍ରୀଯୁକ୍ତ ବିଘ୍ନରାଜ ପୋଢ଼ ଓ ବନ ସୁରକ୍ଷା ସମିତି ର ସଭାପତି ଶ୍ରୀଯୁକ୍ତ ମଧୁସୂଦନ ଶବରଙ୍କ ତତ୍ତ୍ଵାବଧାନରେ ଏକ ଗୋଷ୍ଠି ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ଜାମଯୋର୍ ଗ୍ରାମବାସୀ ଓ ବନବିଭାଗ କର୍ମଚାରୀ ଆମ ଜଙ୍ଗଲ ଯୋଜନାର ବିକାଶ ଅଧିକାରୀ ଶ୍ରୀଯୁକ୍ତ ଧିରୋଜ କୁମାର ଦାଶ ଓ ଇନ୍ଦ୍ରମଣି ମାଝୀ ଏବଂ ଦଳପତି ହେମନ୍ତ କୁମାର ସାହୁ ଉପସ୍ଥିତ ଥିଲେ । ଶ୍ରୀଯୁକ୍ତ ହେମନ୍ତ କୁମାର ସାହୁ ବୈଠକ କୁ ପରିଚାଳନା କରି ଜଙ୍ଗଲର ଆବଶ୍ୟକତା ଓ ଉପଯୋଗୀତା ସମ୍ବନ୍ଧରେ ଅବଗତ କରିଥିବା ବେଳେ ପରିବେଶବିତ୍ ଶ୍ରୀଯୁକ୍ତ କୁବେର ବୁଡେକ୍ ଜଙ୍ଗଲରେ ନିଆଁ ଲାଗିବା ଦ୍ଵାରା ପରିବେଶ ପ୍ରଦୂଷଣ ହେବା ସହ ବନ୍ୟ ଜନ୍ତୁ ମରିଯିବା ଓ ମୃତ୍ତିକା କ୍ଷୟର ଭୟାବହତା ସମ୍ବନ୍ଧରେ ଅବଗତ କରାଇ ଜଙ୍ଗଲକୁ ନିଆଁ ଦାଉରୁ ରକ୍ଷା କରିବା ପାଇଁ ଜନସାଧାରଣଙ୍କୁ ସଚେତନ କରିବା ସହ ଜଙ୍ଗଲ ରେ ନିଆଁ ନ ଲାଗିବା ପାଇଁ ସତର୍କ ରହିବା ପାଇଁ ପରାମର୍ଶ ଦେଇଥିଲେ । ଅର୍ଜୁନ ପୋଡ଼ ଙ୍କ ରିପୋର୍ଟ।
