ପାଟଣାଗଡ଼ ଅନ୍ୱେଷା ହଷ୍ଟେଲରେ ଅତିରିକ୍ତ ସୁପରିଟେଣ୍ଡେଟଙ୍କ ମନମୁଖୀ ଶାସନ, ଛାତ୍ରଛାତ୍ରୀଙ୍କୁ ନିମ୍ନମାନର ଖାଦ୍ୟ ବଣ୍ଟନ ପ୍ରତିବାଦରେ ଅଭିଭାବକ ସମ୍ମିଳନୀ ।
୧-ପାଟଣାଗଡ଼ ଅନ୍ୱେଷା ହଷ୍ଟେଲ ଅତିରିକ୍ତ ସୁପରିଟେଣ୍ଡେଟଙ୍କୁ ଅନ୍ୟତ୍ର ବଦଳି
୨-ଖାଲି ଥିବା ସମସ୍ତ ଷ୍ଟାଫ ନିଯୁକ୍ତି
୩-ଛାତ୍ରଛାତ୍ରୀ ଅନୁପାତରେ ବିଜ୍ଞାନ, ଗଣିତ ଓ ଇଂରାଜୀ ଟ୍ୟୁସନ ଶିକ୍ଷକ ନିଯୁକ୍ତି
୪-ଛାତ୍ରଛାତ୍ରୀଙ୍କ ସଂଖ୍ୟା ଦୃଷ୍ଟିରୁ ଅଧିକ ସ୍କୁଲ ବସ
୫-ଛାତ୍ରଛାତ୍ରୀ ଙ୍କୁ ନିୟମିତ ସ୍ୱାସ୍ଥ୍ୟ ପରୀକ୍ଷା ସହ ସାନିଟାଇଜ ପେଡ଼ ପ୍ରଦାନ ।
ଉପରୋକ୍ତ ଦାବୀ ନେଇ ଆଜି ପାଟଣାଗଡ଼ ରାମପାଲି ଦୁର୍ଗା ମଣ୍ଡପ ଠାରେ ଜିଲ୍ଲା ଆଦିବାସୀ କଲ୍ୟାଣ ସଂଘର ଯୁଗ୍ମ ସମ୍ପାଦକ ଗିରିରାଜ ଭୋଇଙ୍କ ଆହ୍ୱାନ କ୍ରମେ ଆନନ୍ଦ ସିଂ ବରିହା ଙ୍କ ସଭାପତିତ୍ୱରେ ଅନ୍ୱେଷା ଅଭିଭାବକ/ଅଭିଭାବିକା ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା ।
ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଦିବାସୀ/ଏସ.ସି ଛାତ୍ରଛାତ୍ରୀଙ୍କ ଗୁଣାତ୍ମକ ଶିକ୍ଷା ପାଇଁ ଷ୍ଟାଣ୍ଡ।ର୍ଡ଼ ସ୍କୁଲରେ ନିଶୁଳ୍କ ପାଠ ପଢିବା ପାଇଁ ଅନ୍ୱେଷା ଯୋଜନା କରିଛନ୍ତି । କିନ୍ତୁ କିଛି ଅସାମାଜିକ, ଲୁଟେରା ଅଧିକାରୀ ମାନଙ୍କ ଅବହେଳା,ବେପାରୁଆ ମନୋବୃତି ଓ ବାଟମାରଣା ଯୋଗୁଁ ଆଦିବାସୀ/ଏସ.ସି ଛାତ୍ରଛାତ୍ରୀ ଙ୍କ ଭବିଷ୍ୟତ ଅନ୍ଧାର ଆଡ଼କୁ ଗତି କରୁଛି । ଯେତେ ଯୋଜନା କଲେ ମଧ୍ୟ ସବୁ ମାଟିରେ ମିଶି ଯାଉଛି ।
ପ୍ରକାଶ ଥାଉକି ହଷ୍ଟେଲ ସୁପରିଟେଣ୍ଡେଟଙ୍କ ମନମାନି ଶାସନ ଓ ବେପାରୁଆ ମନୋବୃତି ଯୋଗୁଁ ଗତ ତା.୨୧.୦୮.୨୩ ରିଖରେ ନିମ୍ନମାନର ଖାଦ୍ୟ ଓ ବାସୀ ଖାଦ୍ୟ ଖାଇ ୪୭ଜଣ ଛାତ୍ରଛାତ୍ରୀ ଅସୁସ୍ଥ ହୋଇ ପାଟଣାଗଡ଼ ଡାକ୍ତରଖାନାରେ ଚିକିତ୍ସିତ ହୋଇଥିଲେ ।
ଉପରୋକ୍ତ ଦାବୀକୁ ଜିଲ୍ଲାପାଳ ମହୋଦୟ ଦୃଷ୍ଟି ଦେଇ ଯଥା ଶୀଘ୍ର ସମାଧାନ କରିବାକୁ ଜିଲ୍ଲା ପ୍ରଶାସନ ପାଖରେ ଦାବୀ କରାଯାଇଛି । ଆଜିର ବୈଠକରେ ମମତା କୁମ୍ଭାର, ଶଙ୍କର ମୁଦୁଲି,ମାଧୁରୀ ଭୋଇ,ବୀଣା ତାଣ୍ଡି, ଲେକ୍ରୁ ଧରୁଆ, ବନମାଳୀ କୁମ୍ଭାର ,ହୃଷିକେଶ ଭୋଇ,ଘନ ଭୋଇ,ଗୋରେଖ ନାଥ ବରିହା, ଗନ୍ଧର୍ବ ବରିହା ପ୍ରମୁଖ ଉଦବୋଧନ ଦେଇଥିଲେ । ସଭାକୁ ଯୁଥପତି ମାଝୀ ପରିଚାଳନା କରିଥିବାବେଳେ କସ୍ତୁଭ ମାଝୀ ଧନ୍ୟବାଦ ଅର୍ପଣ କରିଥିଲେ ।
ବଲାଙ୍ଗୀର ରୁ ଦୁର୍ଯ୍ୟୋଧନ ବର୍ଗେ ଙ୍କ ରିପୋର୍ଟ
