ରାଇଘର (କିରଣ ପଟ୍ଟନାୟକ ) ଛତିଶଗଡରୁ ହାତୀପଲ ଓଡ଼ିଶା ସୀମାନ୍ତରେ ପ୍ରବେଶ କରିବା ସହ ଏକର ଏକର ମକା ଫସଲ ନଷ୍ଟ କରିବା ଆରମ୍ଭ କରିଛି | ଗତ ଦୁଇ ଦିନ ପୂର୍ବରୁ ଛତିଶଗଡ ଅନ୍ତର୍ଗତ ଖଲାରୀ ଜଙ୍ଗଲରେ ଏହିି ହାତୀପଲ ଚଳପ୍ରଚଳ ରହିଥିଲା କିନ୍ତୁ ରାତି ଠାରୁ ଓଡ଼ିଶା ସୀମାନ୍ତରେ ପ୍ରବେଶ କରିବା ଆରମ୍ଭ କରିଛି 
ପ୍ରଥମ ଦିନରେ ଓଡ଼ିଶା ସୀମାନ୍ତ ଜଂଗଲରେ ଚଳପ୍ରଚଳ କରି କୁନ୍ଦେଇ ର ସମ୍ବଲପୁର ଅଂଚଳରେ ପ୍ରବେଶ କରି ଚାଷ ହୋଇଥିବା ମକା ଫସଲ ପ୍ରାୟ ୧୦ ରୁ ୧୫ ଏକର ମକା ଗଛ ନଷ୍ଟ କରିଥିବା ଜଣାପଡିଛି | ସେହିଭଳି ଶୁକ୍ରବାର ରାତି ରେ ଭୁରୁଖାମହୁଲି ଅଂଚଳରେ ପ୍ରାୟ ୩୦ ରୁ ଉର୍ଦ୍ଧ୍ବ ହାତୀ ପ୍ରବେଶ କରି ମକା ଫସଲ ନଷ୍ଟ କରିଥିବା ଜଣାପଡିଛି | ସେମରଡିହି ଅଂଚଳରୁ ଆରମ୍ଭ କରି ସମ୍ବଲପୁର ପର୍ଯ୍ୟନ୍ତ ପ୍ରାୟ ୩ ରୁ ୪ କିଲୋମିଟର ପରିସରରେ ଏହିି ହାତୀପଲ ଚଳପ୍ରଚଳ କରିଥିବାର ଦେଖୁବାକୁ ମିଳିଛି |ଆଜି କୁନ୍ଦେଇ ବନ ବିଭାଗ ହାତୀ ପ୍ରବେଶ ଅଞ୍ଚଳକୁ ଯାଇ ପରିଦର୍ଶନ କରିଥିବାର ଜଣାପଡ଼ିଛି |
ପ୍ରକାଶ ଥାଉକି ପ୍ରତିଦିନ ଏହି ହାତିପଲ ସନ୍ଧ୍ୟା ୩ ଟା ଠାରୁ ଛତିଶଗଡ ଜଂଗଲରୁ ଓଡ଼ିଶା ଅଭିମୂଖେ ବାହାରି ଥାଆନ୍ତି l ରାତିରେ ଓଡ଼ିଶାର ବିଭିନ୍ନ ସ୍ଥାନରେ ମକା ଫସଲ ଖାଇବା ଉଦ୍ଦେଶ୍ୟରେ ଘୁରି ବୁଲନ୍ତି ରାତି ସାରା ଓଡ଼ିଶାରେ ରହି ସକାଳ ୪ଟା ସମୟରେ ପୁଣି ଥରେ ଛତିଶଗଡ ଜଂଗଲକୁ ଫେରି ଯାଉଛି ବୋଲି ଅଂଚଳ ବାସୀ ଆତଙ୍କିତ ରହୁଥିବା ପ୍ରକଶ କରିଛନ୍ତି l
