ଚାଉଳ ଓ ଟଙ୍କା ଆତ୍ମସାତ କଲେ ପ୍ରଧାନ ଶିକ୍ଷକ, ଗ୍ରାମବାସୀ କଲେ ଅଭିଯୋଗ
ବାଲେଶ୍ଵର,୦୮/୯/୨୩- ଆଜିର ପିଲା କାଲିର ଭବଷ୍ୟତ ସେଥି ପାଇଁ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ତରଫରୁ ସର୍ବଶିକ୍ଷା ଅଭିଯାନରେ ପିଲା ମାନଙ୍କର ଉଜ୍ଜ୍ବଳ ଭବିଷ୍ୟତ ପାଇଁ କୋଟି କୋଟି ଟଙ୍କା ମଞ୍ଜୁର କରାଯାଉଅଛି । ଓଡିଶା ସରକାର 5T ମାଧ୍ୟମରେ ଶିକ୍ଷା କ୍ଷେତ୍ରରେ ଉନ୍ନତି ଆଣିବା ପାଇଁ ବିଦ୍ୟାଳୟର ରୂପ ରେଖ ପରିବର୍ତ୍ତନ କରିଚାଲିଛନ୍ତି । ପିଲା ମାନଙ୍କର ଶିକ୍ଷାର ମାନ ବୃଦ୍ଧି କରିବା ପାଇଁ ଜୋତା, ବହି, ପୋଷାକ ଠାରୁ ସାଇକେଲ ଓ ଖାଦ୍ୟ ମଧ୍ୟ ଯୋଗେଇ ଦେଉଛନ୍ତି, କିନ୍ତୁ ଏହାର ବ୍ୟତିକ୍ରମ ଦେଖିବାକୁ ମିଳିଛି ବାଲେଶ୍ବର ଜିଲ୍ଲା ଜଳେଶ୍ଵର ବ୍ଲକ କାଳିକ ପଞ୍ଚାୟତର ହାତୀଗଡ ଉଚ୍ଚ ବିଦ୍ୟାଳୟରେ । ହାତୀଗଡ଼ ଉଚ୍ଚ ବିଦ୍ୟାଳୟଟି ୧୯୬୫ ମସିହାରେ ସ୍ଥାପିତ ହୋଇଥିଲା ଓ ଏଠାରେ ଅଷ୍ଟମ ଠାରୁ ଦଶମ ଶ୍ରେଣୀ ପର୍ଯ୍ୟନ୍ତ ମୋଟ ୨୦୭ ଜଣ ଛାତ୍ରଛାତ୍ରୀ ପଢୁଛନ୍ତି । ଏହି ବିଦ୍ୟାଳୟଟି 5T ସ୍କୁଲରେ ସ୍ଥାନ ପାଇଛି କିନ୍ତୁ ଏଠାରେ କାର୍ଯ୍ୟରତ ପ୍ରଧାନ ଶିକ୍ଷକ ବଂଶୀଧର ବାରିକ୍ ୨୦୨୧-୨୨ ଆର୍ଥିକ ବର୍ଷରେ କୋଭିଡ ୧୯ ସମୟରେ କୋଭିଡ ଯୋଗୁ ସରକାରଙ୍କ ତରଫରୁ ସମସ୍ତ ବିଦ୍ୟାଳୟ ଛୁଟି ଘୋଷଣା କରାଯାଇଥିଲା ଓ ପିଲା ମାନଙ୍କର ଏମ୍. ଡି. ଏମ୍ ବାବଦକୁ ଚାଉଳ ପ୍ରତି ପିଲା ପିଛା ୧୦କେଜି ୫୦୦ଗ୍ରାମ ଏବଂ ୨୦୧୯ ଟଙ୍କା ଦିଆ ଯାଉଥିଲା । କିନ୍ତୁ ୨୦୨୧/୨୨ଆର୍ଥିକ ବର୍ଷରେ ପଢୁଥିବା ୪୦ଜଣ ପିଲା ଏ ପର୍ଯ୍ୟନ୍ତ ଟଙ୍କା ପାଇବାରୁ ବଞ୍ଚିତ ଅଛନ୍ତି, ପିଲାଙ୍କୁ 2 ହଳ ଡ୍ରେସ ଦେବାର ନିୟମ ଥିଲେ ମଧ୍ୟରେ ଏକ ହଳ ଡ୍ରେସ ପିଲାଙ୍କୁ ମିଳିଛି ଓ ସେହି ପିଲା ମାନେ ଏବେ ଦଶମ ଶ୍ରେଣୀ ରେ ପାଠ ପଢୁଛନ୍ତି, ପିଲା ମାନଙ୍କ ପାଇଁ ଆସୁଥିବା ଡ୍ରେସ୍, ଜୋତା ମଧ୍ୟ ମିଳିପାରି ନାହିଁ ଓ ପିଲାମାନଙ୍କ ପାଇଁ ପ୍ରସ୍ତୁତ ହେଉଥିବା ମଧ୍ୟାହ୍ନ ଭୋଜନ ଅତି ନିମ୍ନମାନର ହେବା ସହିତ ଅଧିକାଂଶ ଶନିବାର ମଧ୍ୟାହ୍ନ ଭୋଜନ ବନ୍ଦଥାଏ । ସବୁଠାରୁ ବଡ଼ କଥା ପ୍ରତ୍ୟେକ ପିଲା ମାନଙ୍କଠାରୁ ଅସ୍ଥାୟୀ ଶିକ୍ଷକ ପାଠ ପଢ଼ା ପାଇଁ ଓ ପରୀକ୍ଷା ବାବଦକୁ ମାସକୁ ମୋଟା ଅଙ୍କର ଅର୍ଥ ରାଶି ମଧ୍ୟ ଆଦାୟ କରାଯାଉଅଛି ବୋଲି ଅଭିଭାବକ ମାନେ ଅଭିଯୋଗ ଆଣିଛନ୍ତି । ଏହି ସବୁ ଅର୍ଥ ପ୍ରଧାନ ଶିକ୍ଷକ ନିଜେ ଆତ୍ମସାତ କରିଛନ୍ତି । ଏ ବିଷୟରେ ପ୍ରଧାନ ଶିକ୍ଷକଙ୍କୁ ପଚାରିବାରୁ ସେ ପିଲା ଲମ୍ବା ହୋଇ ଥିବାରୁ ସେ ଏକ ହଳ ଡ୍ରେସ ଦେଇଥିବା କଥା ପ୍ରଧାନ ଶିକ୍ଷକ ଶ୍ରୀ ବାରିକ କହିଛନ୍ତି, ଅନ୍ୟ ଅଭିଯୋଗ ଭିତ୍ତି ହିଁନ ବୋଲି କହିଛନ୍ତି । ହାତୀଗଡ ହାଇସ୍କୁଲର ପ୍ରଧାନ ଶିକ୍ଷକଙ୍କୁ ପରିଚାଳନା କମିଟି ଏବଂ ଗ୍ରାମବାସୀ ଘେରିବା ପରେ ଘଟଣାର ତଦନ୍ତ ପାଇଁ ABEO ସୁଶାନ୍ତ ଜେନାଙ୍କ ସହିତ ଅନ୍ୟ ପାଞ୍ଚ ଜଣ ପହଂଚି ଥିଲେ, ଛାତ୍ରଛାତ୍ରୀଙ୍କ ପାଇଁ ଆସିଥିବା ଚାଉଳ ଓ ଟଙ୍କା ଆତ୍ମସାତ କରି ଥିବା ସତ୍ୟ ଅଟେ, ପିଲା ମାନଙ୍କୁ ଜୋତା ନଦେଇ ଅଫିସ ରୋମରେ ରଖିଥିବା, ଅଫିସ ରୁମକୁ ରୋଷଇ ରୋମ କରି ରଖିବାର ଦେଖିଲୁ l ଏ ସମ୍ପର୍କରେ ଜିଲ୍ଲା ଗୋଷ୍ଠୀ ଶିକ୍ଷା ଅଧିକାରୀଙ୍କୁ ଲିଖିତ ଅଭିଯୋଗ କରିବା ସହିତ ସାତଦିନ ଭିତରେ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି କହିଥିଲେ ।।