ବିଭିନ୍ନ ଦାବିକୁ ନେଇ ଶିକ୍ଷକ ଓ ଶିକ୍ଷୟିତ୍ରୀ ଙ୍କର କଳା ଵ୍ୟାଚ ପରିଧାନ
କାମାକ୍ଷାନଗର (ମନିସ )9/9/23 // ଓଡ଼ିଶା ଆଦର୍ଶ ବିଦ୍ୟାଳୟ ସଂଗଠନ ଗତ ୨୦୧୬ ମସିହାଠାରୁ ଆରମ୍ଭ ହୋଇଅଛି । ଏହା ମାନ୍ୟବର ମୁଖ୍ୟମନ୍ତ୍ରୀ ଙ୍କର ଏକ ଆଦର୍ଶ ଶିକ୍ଷା ଯୋଜନା ଯେଉଁଥରେ ଦୀର୍ଘ ୭ ବର୍ଷ ମଧ୍ୟରେ ପାଖାପାଖି ୪୦୦୦(ଚାରି ହଜାର) ରୁ ଉର୍ଦ୍ଧ୍ଵ ଶିକ୍ଷକ ନିଯୁକ୍ତି ହୋଇଛନ୍ତି । ଷଷ୍ଠ ରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ପ୍ରତ୍ୟକ ବିଦ୍ୟାଳୟରେ ପାଖାପାଖି ୫୦୦ ରୁ ୬୦୦ ଛାତ୍ର-ଛାତ୍ରୀ ଏଠାରେ ଅଧ୍ୟୟନରତ । ବିଗତ ବର୍ଷ ମାନଙ୍କରେ ସର୍ବ ଭାରତୀୟ ସ୍ତରରେ ସରକାରୀ ଇଂରାଜୀ ମାଧ୍ୟମ ବିଦ୍ୟାଳୟ ଭାବରେ ଦେଶରେ ଶ୍ରେଷ୍ଠ ୧୦ନଂ ତାଲିକାରେ ଓଡ଼ିଶା ଆଦର୍ଶ ବିଦ୍ୟାଳୟ ର ସ୍ଥାନ ରହି ଆସୁଛି । ଓଡ଼ିଶା ଆଦର୍ଶ ବିଦ୍ୟାଳୟର ଛାତ୍ର-ଛାତ୍ରୀ ମାନେ NEET, JEE ପରୀକ୍ଷାରେ ବିଶେଷ ସଫଳତାର ସହ କୃତକାର୍ଯ୍ୟ ହେଉଛନ୍ତି ।
ମାତ୍ର ଦୁଃଖ ଓ ପରିତାପର ବିଷୟ ଶିକ୍ଷକ ମାନଙ୍କୁ କୌଣସି ପ୍ରକାର ସୁବିଧା ସୁଯୋଗ ମିଳିପାରି ନାହିଁ । ଓଡିଶା ଆଦର୍ଶ ବିଦ୍ୟାଳୟ ପତ୍ର ସଂଖ୍ୟା ନଂ.୦୪ ତା ୨୩.୧୧.୨୦୧୫ ରିଖ ଓ ପତ୍ର ସଂଖ୍ୟା ୬୬୧ ତା ୦୨.୦୩.୨୦୧୯ ରିଖ ଅନୁସାରେ ଆଦର୍ଶ ବିଦ୍ୟାଳୟ ଶିକ୍ଷକ ନିଯୁକ୍ତି ନିୟମ ରେ ସମସ୍ତ ସରକାରୀ ସୁବିଧା ସୁଯୋଗ ମିଳିବାର ବ୍ୟବସ୍ଥା ରହିଥିଲେ ସୁଦ୍ଧା ଦୀର୍ଘ ୭ ବର୍ଷ ପରେ ମଧ୍ୟ ଏଯାବତ ତାହା ଲାଗୁ ହୋଇପାରିନାହିଁ । ଚାକିରୀ ସର୍ତ୍ତାବଳୀ ଓ କ୍ୟାଡର ନୟମାବଳୀ ପ୍ରସ୍ତୁତି କରିବାରେ କେଉଁ କାରଣରୁ ଏଥରେ ବିଳମ୍ବ ଘଟୁଛି? କେବେ ଆଦର୍ଶ ଶିକ୍ଷକମାନେ ସେମାନଙ୍କର ଉକ୍ତ ଆଧିକାରମାନ ପାଇପାରିବେ ଏବଂ ସରକାରୀ ଶିକ୍ଷକ ରୂପେ ମାନ୍ୟତା ଲାଭକରି ପାରିବେ? ପଦୋନ୍ନତି ପ୍ରକ୍ରିୟା ର ଶତକଡ଼ା ୫୦ ପ୍ରତିଶତ ସ୍ଥାନ କାର୍ଯ୍ୟରତ ଶିକ୍ଷକ ମାନଙ୍କ ପାଇଁ ସଂରକ୍ଷିତ ଥିଲେ ମଧ୍ୟ ତାହା ଏ ପର୍ଯ୍ୟନ୍ତ କାର୍ଯ୍ୟକାରୀ ହୋଇପାରି ନାହିଁ । ଏଥ୍ ନିମନ୍ତେ ସରକାରଙ୍କର ଭବିଷ୍ୟତ ଦୃଷ୍ଟିକୋଣ କ’ଣ ରହିଛି ?ଏସବୁକୁ ବିରୋଧ କରି ଓଡିଶା ଆଦର୍ଶ ବିଦ୍ୟାଳୟ କାମାକ୍ଷାନଗରର ସମସ୍ତ ଶିକ୍ଷକ ଶିକ୍ଷୟିତ୍ରୀ ଆଜି କଳା ବ୍ୟାଜ୍ ପରିଧାନ କରିଥିଲେ ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
