ଲୋକକଳା ସାଂସ୍କୃତିକ ଦଳ ଚୟନ ଓ ବ୍ଲକ ସ୍ତରୀୟ ସଂସାଧନ ସଭ୍ୟଙ୍କ ପ୍ରଶିକ୍ଷଣ ଶିବିର ଉଦଘାଟିତ
କଲ୍ୟାଣସିଂହପୁର, :-ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସମିତି କାର୍ଯ୍ୟାଳୟ ପରିସରରେ କଳା ସଂସ୍କୃତି ସଂଘ ପକ୍ଷରୁ ଲୋକକଳା ସଂସ୍କୃତିକ ଦଳ ଚୟନ ଓ ବ୍ଲକ ସ୍ତରୀୟ ସଂସାଧନ ସଭ୍ୟଙ୍କ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ବ୍ଲକ କଳା ସଂସ୍କୃତି ସଂଘର ସଭାପତି ତଥା ବିଡ଼ିଓ ସୁନିଲ ଖରା ଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଶୁଭ ଉଦଘାଟନ କରିଥିଲେ । ଜିଲା କଳା ସଂସ୍କୃତି ସଙ୍ଘର ଉପସଭାପତି ସନ୍ତୋଷ କୁମାର ବଚ୍ଛ। , ବରିଷ୍ଟ କଳାକାର ରେଡ଼ିଓ କଣ୍ଠଶିଳ୍ପୀ ତଥା ଜିଲା ସ୍ତରୀୟ ତାଲିମ ପ୍ରାପ୍ତ ସଂସାଧନ ସଭ୍ୟ ଗଗନ ବିହାରୀ ସ୍ୱାଇଁ , ସହକାରୀ ଯନ୍ତ୍ରୀ 
ସବ୍ୟସାଚୀ ନାୟକ, ସାମାଜିକ ସୁରକ୍ଷା ଅଧିକାରୀ ଅଧିକାରୀ ବିଶ୍ୱଜିତ ସିଂ ମଞ୍ଚାସିନ ରହିଥିଲେ ।ଏଥିରେ ବ୍ଲକର ବିଭିନ୍ନ ପଞ୍ଚାୟତରୁ କଳାକାର ମାନେ ଆସି କାର୍ଯ୍ୟକ୍ରମରେ ଯୋଗଦେଇ ଥିଲେ ।ଏହି କଳାକାର ମାନଙ୍କୁ ନେଇ ଦଳ ଚୟନ କରାଯାଇଥିଲା । ଓଡିଶା ସରକାରଙ୍କ ସୂଚନା ଓ ଲୋକସମ୍ପର୍କ ବିଭାଗ ଓ ଓଡ଼ିଆ ଭାଷା ସାହିତ୍ୟ ସଂସ୍କୃତି ବିଭାଗର ମିଳିତ ଉଦ୍ୟମ ରେ ସୂଚନା ,ଶିକ୍ଷା ଓ ଯୋଗାଯୋଗ ଉପକ୍ରମରେ ଲୋକକଳା ର ପ୍ରୟୋଗ ମାଧ୍ୟମରେ ସରକାରଙ୍କ ଜନହିତ ଯୋଜନା ଗୁଡିକ ପ୍ରଚାର କରିବା ସହ ଲୋକକଳା କଳାକାର ଙ୍କ ଆର୍ଥିକ ଅଭିବୃଦ୍ଧି କରିବା ଏହାର ମୁଖ୍ୟ ଉଦ୍ଧେଶ୍ୟ। ଆଜିର ଉଦଘାଟନି ଦିବସରେ ମଞ୍ଚାସିନ ଅତିଥି ମାନେ ଏହି ପ୍ରଶିକ୍ଷଣ ଶିବିରର ଉଦ୍ଧେଶ୍ୟ, ଲକ୍ଷ୍ୟ ଓ ଏହାର କାର୍ଯ୍ୟକାରିତା ଉପରେ ବିସ୍ତୃତ ଭାବେ ଜଣେଇଥିଲେ। ଶେଷରେ କଳାକାରଙ୍କ ଦ୍ଵାରା ପ୍ରସ୍ତୁତ ସଚେତନତା ବାର୍ତ୍ତା ଭିଡ଼ିଓ ପ୍ରଦର୍ଶିତ ହୋଇଥିଲା।ଏହି ଶିବିରକୁ ସାମାଜିକ ସୁରକ୍ଷା ଅଧିକାରୀ ଦୟାନିଧି ଭତ୍ରା ପରିଚାଳନା କରିଥିଲେ।
ରାୟଗଡା ରୁ ଗୌରୀ ପଟ୍ଟନାୟକ ଙ୍କ ରିପୋର୍ଟ୍
