ଢେ଼ଙ୍କାନାଳ ଜିଲ୍ଲା ୱେବ୍ ମିଡ଼ିଆ ସାମ୍ବାଦିକ ସଙ୍ଘ ର କାମାକ୍ଷାନଗର ଉପଖଣ୍ଡ ସ୍ତରୀୟ ବୈଠକ ଅନୁଷ୍ଠିତ
କାମାକ୍ଷାନଗର (ମନିସ )21/9/23 // ଢେ଼ଙ୍କାନାଳ ଜିଲ୍ଲାରେ ଡିଜିଟାଲ ମିଡିଆରେ କାର୍ଯ୍ୟରତ ସାମ୍ବାଦିକ ମାନଙ୍କୁ ନେଇ ଢେ଼ଙ୍କାନାଳ ଜିଲ୍ଲା ୱେବ ମିଡ଼ିଆ ସାମ୍ବାଦିକ ସଙ୍ଘ ଗଠନ କରାଯାଇଛି I ଏହି ସଙ୍ଘର ସରକାରୀ ସ୍ୱୀକୃତି ନମ୍ବର DKL- 6940/2023-24 ଅଟେ I ଢେ଼ଙ୍କାନାଳ ଜନ ସାଧାରଣଙ୍କ ସମସ୍ୟା ସମାଧାନ କରିବାରେ ଏହି ସଙ୍ଘ ବେଶ ଆଦୃତ ଲାଭ କରିଛି I ତୃଣମୂଳ ସ୍ତରରୁ ଲୋକଙ୍କ ସହିତ ରହି ଜନହିତକର 
କାର୍ଯ୍ୟକ୍ରମ କରିଆସୁଛି I ଗତ 20/09/2023 ତାରିଖ ଦିନ କାମାକ୍ଷାନଗର ଉପଖଣ୍ଡ ସ୍ତରୀୟ ବୈଠକ ଅନୁଷ୍ଠିତ ହୋଇଥିଲା I ଏଥିରେ ପରଜଙ୍ଗ, କାମାକ୍ଷାନଗର, କଙ୍କଡ଼ାହାଡ଼, ଭୁବନ ବ୍ଲକରେ ଦାଇତ୍ୱ ବହନ କରିଥିବା ସାମ୍ବାଦିକ ମାନେ ଉପସ୍ଥିତ ରହି ନିଜ ଅଂଚଳର ସମସ୍ୟାକୁ ଆଲୋଚନା କରିଥିଲେ I ସ୍ୱାସ୍ଥ୍ୟ, ଶିକ୍ଷା, ଗମନାଗମନ ସୁବିଧା, ଜନସାଧାରଙ୍କୁ ସରକାରୀ ସୁବିଧା, କୃଷି, ଜଳସେଚନ ଇତ୍ୟାଦି ସୁବିଧା ଅସୁବିଧା ବିଷୟରେ ବ୍ଲକ ପ୍ରତିନିଧି ମାନେ ଆଲୋଚନା କରିଥିଲେ I ଆଲୋଚନା ପରେ ସବୁ ସମସ୍ୟାର ସମାଧାନ ପାଇଁ ଢେ଼ଙ୍କାନାଳ ଜିଲ୍ଲାପାଳଙ୍କୁ ଭେଟି ସମସ୍ୟାର ସମାଧାନ କରାଯିବାର ପ୍ରତିଶୃତି ସଙ୍ଘ ସଭାପତି ଧବଳ ପ୍ରସାଦ ସାହୁ ଦେଇଥିଲେ I ଏହି ବୈଠକରେ ସଙ୍ଘ ଉପସଭାପତି ପ୍ରବୀଣ ନାଏକ, ସମ୍ପାଦକ କିଶୋର ପାଳ, ସଂଯୋଜକ ପ୍ରହ୍ଲାଦ ମୁଦୁଲି, ସଙ୍ଘ ବ୍ଲକ ପ୍ରତିନିଧି ଅକ୍ଷୟ ନନ୍ଦ, ପର୍ଶୁରାମ ମହାଭୋଇ, ସୁମିତ୍ରା ମିଶ୍ର, ସରୋଜ ନାୟକ, ଏବଂ ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ରହିଥିଲେ I
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
