ବେଢ଼ାବନ୍ଧରେ ବୁଡି ପୁଣି ଜଣେ ମୃତ
ପାପଡାହାଣ୍ଡି/7/10, ମନିସ – ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୋକିଆ ବେଢ଼ାବନ୍ଧରେ ବୁଡି ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛନ୍ତି । ମୃତ ହୋଇଥିବା ବ୍ୟକ୍ତି ଜଣକ ହେଲେ ଗ୍ରାମର ଦେବ ସିଂ ହରିଜନ । ସୂଚନା ପ୍ରକାରେ ଗତ ଗୁରୁବାର ଦିନରୁ ସେ ନିଖୋଜ ରହିଥିଲେ । ବହୁ ଖୋଜାଖୋଜି କରିବାରେ ମଧ୍ୟ ପରିବାର ଲୋକ ଦେବି ସିଂ ଙ୍କ ସନ୍ଧାନ ପାଇ ନ ଥିଲେ । ଶନିବାର ସକାଳୁ ବେଢା ବନ୍ଧରେ ତାଙ୍କ ଶବ ଭାସୁଥିବା ସ୍ଥାନୀୟ ଲୋକେ ଦେଖି ପାପଡାହାଣ୍ଡି ଥାନାକୁ ଖବର ଦେଇଥିଲେ | ପୋଲିସ ପହଞ୍ଚି 
ଶବକୁ ଉଦ୍ଧାର କରିଥିଲେ । ଘଟଣା ସ୍ଥଳରେ ପାପଡାହାଣ୍ଡି ଆଇଆଇସି ଦୀପକ ଜେନା,ଏସଆଇ ଶିଵଜି ପଣ୍ଡା, ସରପଞ୍ଚ ଜଗତ ଜୀବନ ନାୟକ, ପୂର୍ବତନ ସମିତି ସଭ୍ୟ ଯୁଗଳ ବିଶୋଇ ପ୍ରମୁଖ ପହଂଚିଥିଲେ । ଶବ ଉଦ୍ଧାର ପରେ ପରିବାରକୁ ହରିଶ୍ଚନ୍ଦ୍ର ଯୋଜନାରେ 3 ହଜାର ଟଙ୍କା ପରିବାରକୁ ପ୍ରଦାନ କରାଯାଇଛି | ସୂଚନା ଥାଉକି ଗତ ଗୁରୁବାର ଦିନ ଗାଧୋଇବାକୁ ଯାଇ ହେମ ଭତ୍ରା ନାମକ ଜଣେ ମହିଳାଙ୍କ ମୃତ୍ୟୁ ହୋଇଥିଲା ।
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
