କୌଶିକ ବାବା ଡ଼ିଗ୍ରୀ କଲେଜରେ ମେରୀ ମାଟି ମେରା ଦେଶ୍ କାର୍ଯ୍ୟକ୍ରମ
କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ତେରେସିଂହା ଗ୍ରାମର କୌଶିକ ବାବା ଯୁକ୍ତ ତିନି ମହାବିଦ୍ୟାଳୟ ଠାରେ ଜାତୀୟ ସେବା ଯୋଜନା ତରଫରୁ ମେରୀ ମାଟି ମେରା ଦେଶ୍ ଅମୃତ କଳସ ଯାତ୍ରା ଅନୁଷ୍ଠିତ ହୋଇଯାଇଛି l ଜାତୀୟ ସେବା ଯୋଜନା ସଂଯୋଜକ ତଥା ରାଜନୀତି ବିଜ୍ଞାନ ଅଧ୍ୟାପକ ରବି ମାଝୀଙ୍କ ତତ୍ତ୍ଵାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ କଲେଜ ଅଧ୍ୟକ୍ଷା ଶ୍ରୀମତୀ ଲିପ୍ସାମୟୀ ଦୁବେ, ଅଧ୍ୟାପକ ସମୀର ପ୍ରଧାନ, ମାନସ ରଞ୍ଜନ ବାଗ, ବସନ୍ତ କୁମାର ସାହୁ, ଭୂପିନ୍ଦର ରଣା ପ୍ରମୁଖ ଯୋଗ ଦେଇଥିଲେ l ସ୍ଵେଚ୍ଛାସେବୀ ମାନେ ନିଜ ନିଜ ଗ୍ରାମରୁ ମାଟି ଆଣି କଳସ ରେ ପୂର୍ଣ୍ଣ କରିଥିଲେ l ଏଥିରେ ଚମ୍ପୁଲାଲ ରଣା, ଡଳେଶ୍ୱର ରଣା ସହଯୋଗ କରିଥିଲେ l