ଦଶହରା ଲାଗି ଚଳଚଞ୍ଚଳ ପାପଡାହାଣ୍ଡି,
ରାଜସ୍ଥାନର ଜୈନ ଭଵନକୁ ଥାଇଲାଣ୍ଡର ଡ୍ରାଗନ ଟେମ୍ପୁଲ ତୋରଣ
ପାପଡାହାଣ୍ଡି,21/10, — ଚଳିତ ବର୍ଷର ଦଶହରା ଲାଗି ଚଳ ଚଞ୍ଚଳ ହୋଇଉଠିଛି ନବରଙ୍ଗପୁର ଜିଲ୍ଲାର ପାପଡାହାଣ୍ଡି ସହର | ଲୋକଙ୍କ ଲାଗି ମୁଖ୍ୟ ଆକର୍ଷଣ ରହିଛି, ବସଷ୍ଟାଣ୍ଡର ସାର୍ଵ ଜନିନ ପୂଜା କମିଟିର 
ରାଜସ୍ଥାନର ଜୈନ ଭଵନକୁ,ନୀଳକଣ୍ଠେସ୍ୱର ମନ୍ଦିର ପ୍ରାଙ୍ଗଣରେ ଥିବା ଶ୍ରୀ ଶ୍ରୀଦୁର୍ଗାପୂଜା କମିଟିର ଥାଇଲାଣ୍ଡର ଡ୍ରାଗନ ଟେମ୍ପୁଲ ତୋରଣ | ଡ୍ରାଗନ ଟେମ୍ପଲ ତୋରଣର ଉଚ୍ଚତା 70 ଫୁଟ ଥିବା ବେଳେ ଚଉଡା 80ଫୁଟ ରହିଛି |ଏହି ତୋରଣ ତିଆରି କରିବାକୁ କୋଲକତାର କାରିଗର 
ମାନେ ଆସିଛନ୍ତି | ଲାଇଟ ସାଜ ସଜ୍ଜା ପାଇଁ କଲିକତା କାରିଗର ମାନେ ଆସିଛନ୍ତି | ସେହିପରି ବସଷ୍ଟାଣ୍ଡ ରାଜସ୍ଥାନ ଜୈନ ଭଵନ ତୋରଣ ଉଚ୍ଚତା 70 ଓ ଚଉଡା 85ଫୁଟ ରହିଛି | କୋଲକତା କାରିଗର ମାନେ ଆସିଥିବା ବେଳେ ଲାଇଟ ଲାଗି ଜଳେଶ୍ଵର କାରିଗର ମାନେ ଆସିଛନ୍ତି | ଉଭୟ ପୂଜା କମିଟି ତରଫରୁ ବସଷ୍ଟାଣ୍ଡ ଛକରୁ ଭୈରବ ମନ୍ଦିର ପର୍ଯ୍ୟନ୍ତ ଲାଇଟ ସଯାଯାଇଛି | ଉଭୟ ପୂଜା କମିଟି 
ତରଫରୁ ଦଶହରାରେ ରାବଣ ପୋଡି କାର୍ଯ୍ୟକ୍ରମ ରଖା ଯାଇଛି | ଅରକେଷ୍ଟ ସହ ଦେଶିଆ ନାଚର ମଧ୍ୟ ଆୟୋଜନ କରାଯାଇଛି | ପ୍ରତି ବର୍ଷ ପରି ଚଳିତ ବର୍ଷର ଦଶହରା ଲାଗି ଅଭିଭକ୍ତ କୋରାପୁଟ ସହ କଳାହାଣ୍ଡି, ଛତିଶଗଡ଼ ଅଞ୍ଚଳର ଲୋକ ମାନେ ଆସିଥାନ୍ତି | ଉଭୟ ପୂଜା କମିଟି ତରଫରୁ ଶାନ୍ତି ପୁର୍ଣ ଦଶହରା ଲାଗି ଆଲୋଚନା ହୋଇଛି | ଲୋକଙ୍କ ମନରଞ୍ଜନ ଲାଗି ମିନା ବଜାର ଓ ସହରର ମୁଖ୍ୟ ରାସ୍ତାର ଉଭୟ ପାର୍ଶ୍ୱ ରେ ଉଠାଦୋକାନୀଙ୍କ ପସରା ଲାଗିଲାଣି | ଶୁକ୍ରବାର ଷଷ୍ଠି ପୂଜା ଅନୁଷ୍ଠିତ ହୋଇଯାଇଛି | ଚଳିତ ବର୍ଷ ଲକ୍ଷା ଧିକ ଭକ୍ତଙ୍କ ସମାଗମ ହେବାର ସମ୍ବାବନା ରହିଛି | ଏଥି ଲାଗି ଯାନ ବାହାନ ପାର୍କିଂ ଲାଗି ପାପଡାହାଣ୍ଡି ମ୍ୟୁଜିଅମ, ତଣ୍ଡାଗୁଡା, ଦଳେଇଗୁଡା ଓ ସୁନା ଡଙ୍ଗରି ରାସ୍ତା ନିକଟରେ ସ୍ଥାନ ନିରୂପଣ ହୋଇଛି | ବସଷ୍ଟାଣ୍ଡ ସାର୍ବ ଜନିନ ପୂଜା କମିଟିର ସଭାପତି ବି ଜଗନ ମୋହନ ରାଓ ଓ ଶ୍ରୀଶ୍ରୀ ଦୁର୍ଗା ପୂଜା କମିଟି ର ସଭାପତି ଜି ଅନନ୍ତ ମୂର୍ତ୍ତି କମିଟି ସଭ୍ୟ ମାନଙ୍କୁ ନେଇ ପୂଜା କିପରି ଶାନ୍ତି ଶୃଙ୍ଖଳା ସହ ପାଳନ ହେବ ସେ ନେଇ ଲାଗି ପଡିଛନ୍ତି | ଦଶହରା ଲାଗି ବର୍ତମାନ ଠାରୁ ପାପଡାହାଣ୍ଡିrରେ ଭିଡ଼ ଜମିବାରେ ଲାଗିଛି | ବସଷ୍ଟାଣ୍ଡ ସହ ଜାତୀୟ ରାଜପଥ 26 ର ଉଭୟ ପାର୍ଶ୍ୱରେ ଦୋକାନ ବସିବାରେ ଲାଗିଛି | ଦଶହରା ଦିନ ରାବଣ ପୋଡିରେ ଏକ ଲକ୍ଷ ରୁ ଉର୍ଦ୍ଧ ଲୋକଙ୍କ ସମାଗମ ହେବାର ରହିଛି | ସେହିପରି ବ୍ଲକର ତୁମର୍ଲା ଓ ମଇଦଲପୁର ଠାରେ ବି ଦୁର୍ଗା ପୂଜା ଅନୁଷ୍ଠିତ ହେଉଛି |
ସ୍ବପ୍ନ ଜିତ ପଟ୍ଟନାୟକ ଙ୍କ ରିପୋର୍ଟ୍
ପ
