ରାଜ୍ୟ ସରକାରଙ୍କ ଦ୍ଵାରା କାରଖାନା କତ୍ତୃପକ୍ଷ ଙ୍କ ପାଖରେ ମଜଦୁର ସଭା ର ଦାବି ଉପସ୍ଥାପିତ
ରାଉରକେଲା/ରାଉରକେଲା ଇସ୍ପାତ କାରଖାନା ର ଅଭିବୃଦ୍ଧି ଓ ଇସ୍ପାତ ଶ୍ରମିକ କର୍ମଚାରୀଙ୍କ ସୁବିଧା ସୁଯୋଗ ନେଇ ରାଉରକେଲା ମଜଦୁର ସଭା ଏହାର ନିରନ୍ତର ପ୍ରୟାସ ଜାରି ରଖିଛି। କାରଖାନା ର ଉତ୍ପାଦନ କ୍ଷମତା ବୃଦ୍ଧି ପାଇଁ ଏହାର ସଂପ୍ରସାରଣ ଓ ଆଧୁନିକ କରଣକୁ ନେଇ ପ୍ରସ୍ତାବିତ ଯୋଜନାକୁ ତ୍ବରାନ୍ବିତ କରିବା ପାଇଁ ସେଲ୍ କତ୍ତୃପକ୍ଷ, କେନ୍ଦ୍ର ସରକାରଙ୍କ ପାଖରେ ଦାବି ଉପସ୍ଥାପନା କରିବା ସହ ଏଥିନେଇ ରାଜ୍ୟ ସରକାର ଆବଶ୍ୟକ ସହାୟତା ପ୍ରଦାନ କରିବା ପାଇଁ ରାଉରକେଲା ମଜଦୁର ସଭା ପକ୍ଷରୁ ଓଡ଼ିଶା ର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ଅନୁରୋଧ କରାଯାଇଥିଲା। ଗତ ତା ୧୧/୦୩/୨୦୨୩ ରିଖରେ ମୁଖ୍ୟ ମନ୍ତ୍ରୀ ଙ୍କ କାର୍ଯ୍ୟାଳୟ ତରଫରୁ ରାଉରକେଲା ଠାରେ ହେଇଥିବା ଜଣଶୁଣାଣି କାର୍ଯ୍ୟକ୍ରମରେ ମଜଦୁର ସଭା ର ଏକ ପ୍ରତନିଧି ମଣ୍ଡଳୀ ସଭାପତି ଶଶଧର ନାୟକ ଓ ସାଧାରଣ ସମ୍ପାଦକ ଅକ୍ଷୟ କୁମାର ନାୟକ ଙ୍କ ନେତୃତ୍ୱ ରେ ୫-ଟି ସଚିବ ଶ୍ରୀ ଭି.କେ.ପାଣ୍ଡିଆନ ଙ୍କୁ ସାକ୍ଷାତ କରି ମୁଖ୍ୟ ମନ୍ତ୍ରୀ ଙ୍କ ଉଦେଶ୍ୟ ରେ ଏକ ସ୍ମାରକପତ୍ର ପ୍ରଦାନ କରିଥିଲେ। କାରଖାନାର ଆଧୁନିକୀକରଣ ଓ ସଂପ୍ରସାରଣ ସହିତ କାରଖାନାରେ ସ୍ଥାନୀୟ ଲୋକଙ୍କୁ ନିଯୁକ୍ତି, କାରଖାନା ର ନିଜସ୍ଵ ଜମିରେ ଏକ ଗୃହ ନିର୍ମାଣ ପ୍ରକଳ୍ପ, ସହରାଞ୍ଚଳ ରେ ଥିବା କାରଖାନାର ବ୍ୟବହୃତ/ଅବ୍ୟବହୃତ କ୍ୱାର୍ଟର ଗୁଡିକ କୁ ସେବା ନିବୃତ କର୍ମଚାରୀ ଙ୍କୁ ସବ୍ ଲିଜ ଭିତ୍ତିରେ ପ୍ରଦାନ କରିବା ଓ ସୁପର ସ୍ପେସିଆଲିଟୀ ହସ୍ପିଟାଲ କୁ ଇସ୍ପାତ କର୍ମଚାରୀ ଓ ସାଧାରଣ ଜନତା ଙ୍କ ସ୍ବାର୍ଥ ରେ ଉପଯୋଗ କରିବା ପାଇଁ ଏହାର ପରିଚାଳନା ରାଜ୍ୟ ସରକାର ନିଜ ହାତକୁ ନେବାନେଇ ୫ ଦଫା ଦାବି ଉପସ୍ଥାପନ କରାଯାଇଥିଲା। ରାଜ୍ୟ ସରକାର ଉପରୋକ୍ତ ପ୍ରସଙ୍ଗକୁ ବିଚାର କୁ ନେଇ ଆବଶ୍ୟକୀୟ ଅନୁଧ୍ୟାନ କରି ନିଜ ତରଫରୁ ମଜଦୁର ସଭା ର ୫ ଦଫା ଦାବି କୁ ନେଇ ରାଉରକେଲା ଇସ୍ପାତ କାରଖାନା କତ୍ତୃପକ୍ଷ ଙ୍କୁ ଅବଗତ କରାଇଛନ୍ତି ଓ ଆବଶ୍ୟକୀୟ ପଦକ୍ଷେପ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି। ଉପରୋକ୍ତ ପ୍ରସଙ୍ଗକୁ ଗୁରୁତର ସହ ବିଚାର କରି ରାଜ୍ୟ ସରକାର ଆବଶ୍ୟକୀୟ ପଦକ୍ଷେପ ଗ୍ରହଣ କରିଥିବାରୁ ରାଉରକେଲା ମଜଦୁର ସଭା ପକ୍ଷରୁ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ,୫-ଟି ଅଧ୍ୟକ୍ଷ ଭି.କେ. ପାଣ୍ଡିଆନ, ରାଉରକେଲା ବିଧାୟକ ତଥା ରାଜ୍ୟ ଶ୍ରମମନ୍ତ୍ର ସାରଦା ପ୍ରସାଦ ନାୟକ, ରଘୁନାଥ ପାଲ୍ଲୀ ବିଧାୟକ ସୁବ୍ରତ ତରାଇ ଓ ସୁନ୍ଦରଗଡ଼ ଜିଲ୍ଲାପାଳ ଙ୍କ ପାଖରେ କୃତଜ୍ଞତା ଜଣାଇବା ସଙ୍ଗେ ସଙ୍ଗେ ଇସ୍ପାତ କତ୍ତୃପକ୍ଷ ତୁରନ୍ତ ଏଥିନେଇ ବିହିତ ପଦକ୍ଷେପ ଗ୍ରହଣ କରିବେ ଆଶା ପ୍ରକାଶ କରିଛି।