ନବରଙ୍ଗପୁର ଜିଲ୍ଲାରେ ଭାଷା ବୃତ୍ତି ରେ ଟପର ଛାତ୍ରୀ ନିହାରିକା ବିଶୋଇଙ୍କୁ ପୁରସ୍କୃତ କଲେ ମୁଖ୍ୟମନ୍ତ୍ରୀ
ଡାବୁଗାଁ, ୧୮/୧୧(ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଳକ ନୋଡାଲ ପଞ୍ଚାୟତ ଉଚ୍ଚ ବିଦ୍ୟାଳୟର ଦଶମ ଶ୍ରେଣୀ ବୋର୍ଡ ପରୀକ୍ଷାରେ ଛାତ୍ରୀ ନିହାରିକା ବିଶୋଇ ଓଡ଼ିଆରେ ୯୪ ମାର୍କ ରଖି ଜିଲା ସ୍ତରରେ ଟପର ହୋଇଥିଲେ | ଉକ୍ତ ଛାତ୍ରୀ ଡାବୁଗାଁ ତଥା ନବରଙ୍ଗପୁର ଜିଲା ସହ ରାଜ୍ୟ ସ୍ତରରେ ନାମ ଟେକ ରଖିଛି, ସେଥିନେଇ ସବୁରି ମହଲରୁ ପ୍ରସଂଶା ର ସୁଅ ଛୁଟିଛି l ଝିଅ ହେବ ତ ଏମିତି l ଭାଗବାନ ଉକ୍ତ ଝିଅ କୁ ଦୀର୍ଘାୟୁ ଦେବା ସହ ଉତ୍ତରୋତ୍ତର ଉନ୍ନତି ରେ ସହାୟକ ହୁଅନ୍ତୁ ବୋଲି ଜନସାଧାରଣରେ ଆଶିର୍ବାଦ ଭିକ୍ଷା କରିଛନ୍ତି l ମୁଖ୍ୟମନ୍ତ୍ରୀ ଭୁବନେଶ୍ଵର ରେ ସୁରଭି ୨୦୨୩ ମଞ୍ଚରେ ଭାଷା ବୃତ୍ତି ଟପର ପୁରସ୍କାର ରେ ପୁରସ୍କୃତ କରିଛନ୍ତି ଏଇ ମେଧାବୀ ଛାତ୍ରୀ ନିହାରିକା ଙ୍କୁ l ତାଙ୍କୁ ପାଞ୍ଚ ହଜାର ଟଙ୍କା ଦେବା ସହ ମାନପତ୍ର, ଓଡ଼ିଆ ଭାଷା ସମ୍ପର୍କିତ ଉପାଦେୟ ପୁସ୍ତକ ଗୁଡିକ ଦେଇ ପୁରସ୍କୃତ କରିଥିଲେ ମୁଖ୍ୟମନ୍ତ୍ରୀ l ସମ୍ପୃକ୍ତ ବିଦ୍ୟାଳୟର ଶିକ୍ଷକ ସପନ କୁମାର ନାୟକ ଛାତ୍ରୀ ଙ୍କୁ ସାଥିରେ ନିଜ ତତ୍ତ୍ୱାବଧାନରେ ସୁରକ୍ଷିତ ଭାବେ ଭୁବନେଶ୍ଵର ନେଇ ମୁଖ୍ୟମନ୍ତ୍ରୀଙ୍କ ଠାରୁ ପୁରସ୍କୃତ ହେବାରେ ସହଯୋଗ କରିଥିଲେ ଓ ସେ ନିଜେ ଆତ୍ମ ସନ୍ତୋଷ ଲାଭ କରିଥିଲେ l ବିଦ୍ୟାଳୟର ସମସ୍ତ ଶିକ୍ଷୟତ୍ରୀ ଶିକ୍ଷକ ଙ୍କ ସମେତ ପ୍ରଧାନ ଶିକ୍ଷକ ଓ ଛାତ୍ରୀଛାତ୍ରମାନେ, ପରିବାର ଲୋକେ, ବୁଦ୍ଧିଜୀବୀ ମାନେ ମେଧାବୀ ଛାତ୍ରୀ ର କୃତିତ୍ଵ ନେଇ ଖୁସି ପ୍ରକଟ କରିଥିବା ବେଳେ ତାର ଉତ୍ତରୋତ୍ତର ଉନ୍ନତି ନିମନ୍ତେ ଭାଗବାନଙ୍କ ନିକଟରେ ପ୍ରାର୍ଥନା ଜଣାଇଛନ୍ତି l ପାଠ ପଢିବ ତ ନିହାରିକା ଭଳି ପଢ଼, ସମସ୍ତେ ଅନ୍ତତଃ ଚେଷ୍ଟା କରି ନିଜ ବିଦ୍ୟାଳୟ ସହ ନିଜ ଜିଲା ଓ ରାଜ୍ୟର ଟେକ ରଖିବାକୁ ଚେଷ୍ଟା କର l