ନୂଆପଡା: ଖଡିଆଳ ଠାରେ ଥିବା ୱେଷ୍ଟଣ୍ଣ ଓଡିଶା ରେସିଡେନ୍ସିଆଲ ପବ୍ଲିକ ସ୍କୁଲରେ ପୁରସ୍କାର ବିତରଣ ଅନୁଷ୍ଠିତ ହୋଇଛି । ଏଥିରେ ମୁଖ୍ୟ ଅତିଥି ଭାବରେ ଖଡିଆଳ ବିଜ୍ଞାପିତ ଅଞ୍ଚଳ ପରିଷଦର ନବ ନିର୍ବାଚିତ ଅଧ୍ୟକ୍ଷ ଉଜ୍ଜଲ ଗୁପ୍ତା ଯୋଗାଦାନ କରି ବିଦ୍ୟାର୍ଥୀ ବିକାଶ ସଂସ୍ଥା, ଔରଙ୍ଗାବାଦ, ମହାରାଷ୍ଟ୍ର ତରଫରୁ ସର୍ବଭାରତୀୟ ସ୍ତରରରେ ଆୟୋଜିତ ଜାତୀୟ ରଚନା, ହସ୍ତଲିଖନ ଓ ଚିତ୍ରାଙ୍କନ ପ୍ରତିଯୋଗିତାରେ ଉତ୍ତୀର୍ଣ ଛାତ୍ରଛାତ୍ରୀ ମାନଙ୍କୁ ମେଡାଲ ଓ ମାନପତ୍ର ପ୍ରଦାନ କରିଥିଲେ । 
ଚିତ୍ରାଙ୍କନ ପ୍ରତିଯୋଗିତାରେ ବିଦ୍ୟାଳୟର ଆରୋହୀ ଧଳ, ଦିବ୍ୟାସା ସୋରେନ ଓ ଶ୍ରେୟସ ଷ୍ଟିଫେନ ପଲ ଙ୍କୁ କଳାଶ୍ରୀ ସମ୍ମାନ, ରଚନା ବିଭାଗରେ ସଞ୍ଜିତ କୌର ଓ ଶ୍ରଦ୍ଧା ଶର୍ମା ଙ୍କୁ ବିଦ୍ୟାରନ୍ ସମ୍ମାନ ଓ ହସ୍ତଲିଖନ ପ୍ରତିଯୋଗିତାରେ ଶ୍ରଦ୍ଧା ଶର୍ମା ଙ୍କୁ ବିଦ୍ୟାର ସମ୍ମାନରେ ସମ୍ମାନିତ କରାଯାଇଥିଲା । ଦଶମ ଶ୍ରେଣୀ ଛାତ୍ରୀ ଶ୍ରଦ୍ଧା ଶର୍ମା ସର୍ବ ଭାରତୀୟ ସ୍ତରରେ ପ୍ରଥମ ସ୍ଥାନ ଅଧିକାର କରିଥିବାରୁ ତାଙ୍କୁ ସଂସ୍ଥା ତରଫରୁ ୮ ହଜାର ଟଙ୍କାର ଅର୍ଥ ରାଶି ପୁରସ୍କାର ପ୍ରଦାନ କରାଯାଇଥିଲା । ମୁଖ୍ୟ ଅତିଥି ଶ୍ରୀ ଗୁପ୍ତ ଶେଷରେ ତାଙ୍କ ବକ୍ତବ୍ୟରେ ବିଦ୍ୟାଳୟ ତଥା ଖଡିଆଳର ଉନ୍ନତି ନିମନ୍ତେ ସମସ୍ତ ପ୍ରକାର ଚେଷ୍ଟା କରିବେ ବୋଲି କହିଥିଲେ । ସମାରୋହରେ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟତ୍ରୀ ଓ ଛାତ୍ର ଛାତ୍ରୀ ଉପସ୍ଥିତ ଥିଲେ । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
