ବହଳଦା ଲ୍ଯାମ୍ପରେରେ ଧାନ ମଣ୍ଡି ଉଦଘାଟିତ
ମୟୂରଭଞ୍ଜ- ୧୮/୧୨ ( ମସିହା) ମୟୂରଭଞ୍ଜ ଜିଲ୍ଲାର ଵହଳଦା ବ୍ଳକର ଵହଳଦା ଲ୍ଯାମ୍ପରେ ଧାନମଣ୍ଡି ଶୁଭ ଉଦଘାଟିତ ହୋଇଯାଇଛି ।ଲ୍ଯାମ୍ପର ସଭାପତି ଗୋପୀନାଥ ହାଁସଦା ନଡ଼ିଆ ଫଟାଇ ଧାନ ମଣ୍ଡିରେ ପୂଜାର୍ଚ୍ଚନା କରିଥିଲେ । ଉପଖଣ୍ଡ ଏଆରସିଏସ ଶ୍ରୀମତୀ ସୀମା ମୁର୍ମୁ ଫିତା କାଟି ଧାନମଣ୍ଡିର ଶୁଭ ଉଦ୍ଘାଟନ କରିଥିଲେ । ଲ୍ଯାମ୍ପର ଏମଡି ସନ୍ତୋଷ ଵସାଙ୍କ ସଭାପତିତ୍ବରେ ଆୟୋଜିତ ଉଦଘାଟନୀ ଉତ୍ସବରେ ଏସଆରସିଏସ ରାମଚନ୍ଦ୍ର ଵିଶ୍ଵାଳ,ଏମଆଇସି ବିଭୂ କଲ୍ଯାଣ ଦାସ, ଏବଂ ଅନ୍ୟ ମାନ୍ୟଗଣ୍ୟ ବ୍ୟକ୍ତି ପ୍ରମୁଖ ଯୋଗ ଦେଇଥିଲେ । ଚାଷୀମାନେ କିଭଳି ସରକାରଙ୍କ ନିୟମ କାନୁନ ଅନୁସାରେ ଧାନ ବିକ୍ରୟ କରି ଲାଭବାନ ହୋଇ ପାରିବେ ତାହା ଉପରେ ଅତିଥି ଗଣ ମନ୍ତବ୍ୟ ଦେଇଥିଲେ । ଏଫେ କର୍ମୀ ର ଧାନ ଆଣିବାକୁ ଚାଷୀମାନଙ୍କୁ ପରାମର୍ଶ ଦିଆ ଯାଇଥିଲା ।ଏହି ଲ୍ଯାମ୍ପ ରେ ଵହଳଦା ବ୍ଳକର ୮ ଟି ପଞ୍ଚାୟତର୧୫୩୮ ଜଣ ପଂଜିକୃତ ଚାଷୀ ଧାନ ବିକ୍ରୟ କରି ପାରିବେ ବୋଲି ଏମଡି ସନ୍ତୋଷ ଵସା ସୂଚନା ଦେଇଥିଲେ ।ଏହି କାର୍ଯ୍ୟକ୍ରମରେ ଲ୍ଯାମ୍ପର କର୍ମଚାର ରୂପଲାଲ ମହାନ୍ତ,ସନ୍ତୋଷି ଦାସ,ନନ୍ଦଲାଲ ଵେଶ୍ରା,କିଶାନ ଦତ୍ତ, ବିଶ୍ବଜିତ ମହାନ୍ତଏବଂ ଚାଷୀମାନେ ଉପସ୍ଥିତ ରହି ସହଯୋଗ କରିଥିଲେ । ଉଦଘାଟନ ଅବସରରେ ୨୪୦.୧୩ କ୍ଯୁଣ୍ଟାଲ ଧାନ ଚାଷୀମାନେ ବିକ୍ରୟ କରିଥିଲେ ।ଅଦିନିଆ ବର୍ଷା ଯୋଗୁଁ ଧାନ ଅମଳ ଧିମେଇ ଯାଇଛି । ସପ୍ତାହର ସୋମବାର ଏବଂ ବୁଧବାର ଦିନ ଚାଷୀମାନେ ମଣ୍ଡିରେ ଟୋକନ ପାଇଥିବା ଚାଷୀମାନେ ଧାନ ବିକ୍ରୟ କରି ପାରିବେ ବୋଲି ସନ୍ତୋଷ ଦାସ କହିଥିଲେ । ଠିକ୍ ସମୟରେ ଧାନ ମଣ୍ଡି ଖୋଲା ଯାଇଥିବାରୁ ଚାଷୀମାନେ ଖୁସି ହୋଇଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ୍
