ଜୁନାଗଡ ୧/୦୪ (ନି.ପ୍ର) ଜୁନାଗଡ ବ୍ଲକ ଅନ୍ତର୍ଗତ କଲେଇଗା ପଞ୍ଚାୟତ ର କୁଲିହାରୀ ଉଚ୍ଚ ବିଦ୍ୟାଳୟ ରେ କାର୍ଯ୍ୟରତ ଥିବା ପ୍ରଧାନଶିକ୍ଷକ ଙ୍କୁ ଅବସର କାଳୀନ ବିଦାୟ ସମ୍ବର୍ଧନା ଦିଆଯାଇଥିଲା | କୁଲିହାରୀ ଉଚ୍ଚ ବିଦ୍ୟାଳୟ ପରିସର ରେ ଆୟୋଜିତ ସଭାରେ ତାଙ୍କୁ ସମ୍ମାନିତ କରାଯଇଥିଲା | ଏହି କାର୍ଯ୍ୟକ୍ରମ ରେ ଅତିଥି ଭାବରେ କଲେଇଗାଁ ସରପଞ୍ଚ ମଳୟ ରଞ୍ଜନ ଆଚାର୍ଯ୍ୟ, କୃଷକ ନେତା ତଥା ବିଦ୍ୟାଳୟ ର ପୂର୍ବତନ ସଭାପତି ଲକ୍ଷଣ ରଣବୀର,,ଅନନ୍ତ ରାମ ବାଗ,ପରମାନନ୍ଦ ପୂଝାରୀ,ଆନନ୍ଦ ପୁଝାରୀ , ସୁଦାମ ଚରଣ ପାତ୍ର ଓ ପୂର୍ବତନ ଛାତ୍ର ଛାତ୍ରୀ ଓ କାର୍ଯ୍ୟରତ ଶିକ୍ଷକ ଯୋଗ ଦେଇଥିଲେ । ଶିକ୍ଷକ ବିଜୟ କୁମାର ପାଢ଼ୀ ମଞ୍ଚ ପରିଚାଳନା କରିଥିଲେ | ସମୀର କୁମାର ନାଏକ ଉକ୍ତ ଉଚ୍ଚ ବିଦ୍ୟାଳୟ ରେ ପ୍ରଧାନ ଶିକ୍ଷକ ଭାବେ ଦୀର୍ଘ ୩୬ ବର୍ଷ ଯାଏଁ କାର୍ଯ୍ୟ କରି ଆସୁଥିଲେ | ଉତ୍ତମ ଶିକ୍ଷାଦାନ ସହ କାର୍ଯ୍ୟରତ ଥିବା ସମୟ ରେ ବିଦ୍ୟାଳୟ ରେ ବହୁ ଉନ୍ନୟନମୂଳକ କାର୍ଯ୍ୟ ତାଙ୍କ ଅବଦାନ ରହିଥିବା ପ୍ରକାଶ କରିଥିଲେ | ଶେଷ ରେ ସ୍ଥାନୀୟ ସରପଞ୍ଚ ମଳୟ ରଞ୍ଜନ ଆଚାର୍ଯ୍ୟ ତାଙ୍କୁ ମାନପତ୍ର ଦେଇ ସମ୍ବର୍ଧନା ଜଣାଇଥିଲେ | ଜୁନାଗଡ ରୁ ନରେନ୍ଦ୍ର ଖିତି ଙ୍କ ରିପୋର୍ଟ।
