ସାରସ୍ୱତ ଜଗତରେ ଆଗେଇ ଚାଲିଛନ୍ତି ସମାଜସେବୀ ଓ ନାରୀନେତ୍ରୀ ଜ୍ଯୋତ୍ସ୍ନା
ବାଲେଶ୍ଵର,୧୩/୦୧/୨୪- ସମାଜସେବାରୁ ସାରସ୍ୱତ ସାଧକ ଏହା କମ ବଡ଼ କଥା ନୁହେଁ । ମନର ଦୃଢବଳ ଥିଲେ ମଣିଷ କେତେ ଆଗକୁ ଯାଇପାରେ ଆଜି ତାହାର ପ୍ରମାଣ କଳା ଓ ସାରସ୍ୱତ ଜଗତରେ ବିଛୁରିତ । ଏପରି ଜଣେ ନାରୀ ସମାଜସେବାରୁ ସାରସ୍ୱତ ସାଧିକା ଭାବେ ନିଜର ପ୍ରତିଭାକୁ ବିସ୍ତାରିତ କରି ଚାଲିଛନ୍ତି । ଯେଉଁଥି ପାଇଁ ସାରସ୍ୱତ ଜଗତର ବିଭିନ୍ନ ସାହିତ୍ୟ ଅନୁଷ୍ଠାନ ଏବଂ ବିଭିନ୍ନ ସମାଜସେବା ଅନୁଷ୍ଠାନ କରିଛି କୋଳାଗ୍ରତ ଓ ସମ୍ବର୍ଦ୍ଧିତ । ବାଲେଶ୍ଵର ଜିଲ୍ଲା ଜଳେଶ୍ବର ନୂଆବଜାର ନିବାସୀ ଜ୍ଯୋତ୍ସ୍ନାରାଣୀ ମହାନ୍ତି ପାଠପଢା ସମୟରୁ ଆରମ୍ଭ କରିଥିଲେ ସାହିତ୍ୟ ସାଧନା । ଆକାଶର ଉଜ୍ଜ୍ବଳ ଧ୍ରୁବତାରା ପରି ଦିନେ ସାରାଜଗତକୁ ଉଜ୍ଜ୍ୱଳମୟ କରିବ ବୋଲି ବାପାଙ୍କର ଥିବା ଆଶାକୁ ଧୀରେ ଧୀରେ ପୂରଣ କରି ଚାଲିଛନ୍ତି ଜ୍ଯୋତ୍ସ୍ନାରାଣୀ । ସେ ଜଣେ ଖୁବ୍ ସୁନ୍ଦର, ସରଳ, ନିରୀହ, ହୃଦୟବାନ, ପରୋପକାରୀ, ସଚ୍ଚୋଟ, ନିଷ୍କପଟ, ଦୟାଳୁ ବ୍ଯକ୍ତିତ୍ବ ଅଟନ୍ତି । ନ୍ଯାୟ ପ୍ରଦାନ ଓ ପରୋପକାରୀ ଭାବେ ସାରା ବ୍ଲକ ତଥା ଜିଲ୍ଲାରେ ସୁନାମ ଅଛି । ଜଣେ ନାରୀନେତ୍ରୀ ଭାବେ ଜଳେଶ୍ବର ମାଟିରେ ମଦବିରୋଧି ଆନ୍ଦୋଳନ କରି ଜୀବନର ବହୁ ଦୁଃଖ ଯନ୍ତ୍ରଣା ସହି ସେବା ଆକାଶରେ ତାରକାଟିଏ ପାଲଟିଛନ୍ତି । ତା’ ଛଡା ଜଣେ ସାରସ୍ୱତ ସାଧିକା ଭାବେ ସାହିତ୍ୟ ଜଗତରେ ନିଜର ପ୍ରତିଭା ବୃଦ୍ଧି କରି ଚାଲିଛନ୍ତି । ସ୍ବରଚିତ ସୁନ୍ଦର, ଭକ୍ତିଭାବ, ଶିକ୍ଷଣୀୟ ଓ ସମାଜ ପରିବର୍ତ୍ତନ ବାର୍ତ୍ତା ଭଳି କବିତା ରଚନା ସାରସ୍ୱତ ବନ୍ଧୁ ମାନଙ୍କୁ କରିଛି ଆକୃଷ୍ଟ । ତାଙ୍କ ସାହିତ୍ୟ ସାଧନାରେ ମୁଗ୍ଧ ହୋଇ ଅନେକ ଅନୁଷ୍ଠାନ କରିଛି କୋଳାଗ୍ରତ ଓ ସମ୍ବର୍ଦ୍ଧିତ । ଯାହା ନିଜ ଜନ୍ମମାଟି, କଳା, ସାହିତ୍ଯ ଓ ସଂସ୍କୃତିର ମାଟି ବାଲେଶ୍ଵର ଜିଲ୍ଲାକୁ କରିଛି ଧନ୍ୟ । ସାହିତ୍ୟ ଜନକ ଫକୀରମୋହନ ସେନାପତିଙ୍କ ମାଟି ହୋଇଛି ଗର୍ବିତ । ତାଙ୍କ ସାହିତ୍ୟ ସାଧନାରେ ମୁଗ୍ଧ ହୋଇ ମୋ ଅନୁଷ୍ଠାନ ସାହିତ୍ୟ ସଂସଦ, ଆଳଦା, ଖଇରା, ବାଲେଶ୍ଵର ତା’ର ଚତୁର୍ଥ ବାର୍ଷିକ ଉତ୍ସବରେ କବିତା ପାଠକରି ପ୍ରଶଂସା ପତ୍ର ଓ ” କବିକୁସୁମ ସମ୍ମାନ-୨୦୨୩ ” ସମ୍ମାନରେ ଶ୍ରୀମତୀ ଜ୍ଯୋତ୍ସ୍ନାରାଣୀ ମହାନ୍ତିଙ୍କୁ ସମ୍ମାନିତ କରି ନିଜକୁ ଗୌରବ ମନେକରିଛି ଅନୁଷ୍ଠାନ । ଏଥି ପୂର୍ବରୁ ଲକ୍ଷ୍ମୀନାରାୟଣ ଗୋଲକ କ୍ଷତ୍ରିୟ ମାହେଶ୍ଯ ସମାଜ, ବାଲେଶ୍ଵର, ଉତ୍ତର ବାଲେଶ୍ଵର ଗ୍ରାମୀଣ ମହୋତ୍ସବ, ଡେମୁରିଆ, ଜଳେଶ୍ବର, ବାଲେଶ୍ଵର, ଆମ ସାହିତ୍ୟ ପରିବାର, ବ୍ଯାସନଗର, ଯାଜପୁର, ଓଡିଶା ଡ୍ଯାନ୍ସରର୍ସ ଷ୍ଟଣ୍ଟସ୍ ଆଣ୍ଡ ଜୁନିୟର ଆର୍ଟିଷ୍ଟ ଆସୋସିଏସନ, କଟକରୁ ମଧ୍ୟ ମାନପତ୍ର ପାଇ ନିଜକୁ ଗର୍ବିତ ମନେକରିଛନ୍ତି । ଏ ଖବର ପାଇ ବହୁ ସମାଜସେବୀ ଓ ସାହିତ୍ୟ ବନ୍ଧୁ ମାନେ ଶ୍ରୀମତୀ ମହାନ୍ତିଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇବା ସହିତ ଭବିଷ୍ୟତ ଚଲାପଥ କୁସୁମିତ ନିମନ୍ତେ ଶ୍ରୀଜଗନ୍ନାଥଙ୍କ ନିକଟରେ ପ୍ରାର୍ଥନା କରିଛନ୍ତି । ଏଥିସହିତ କଳା ଓ ସାହିତ୍ୟ ଜଗତରେ ଆହୁରି ଆଗକୁ ଆଗକୁ ବଢି ଚାଲନ୍ତୁ ବୋଲି ବିଭିନ୍ନ ଅନୁଷ୍ଠାନ ପକ୍ଷରୁ ଉତ୍ସାହିତ କରାଯାଇଛି । କବିତା ପାଠ ସହିତ ମଞ୍ଚାସୀନ ଅତିଥି ଆସନ ଅଳଙ୍କୃତ ପାଇଁ ରାଜ୍ୟର ବହୁ ଅନୁଷ୍ଠାନରୁ ନିମନ୍ତ୍ରଣର ସୁଅ ଛୁଟିବାରେ ଲାଗିଛି ବୋଲି ଶ୍ରୀମତୀ ମହାନ୍ତି ଗଣମାଧ୍ୟମ ସାମ୍ମାରେ ପ୍ରକାଶ କରିଛନ୍ତି ।।