ମା ଅମ୍ବିକା ବିଶ୍ବ କଲ୍ଯାଣୀ ସାହିତ୍ୟ ସଂସଦର ବାର୍ଷିକ ଉତ୍ସବ
ବାଲେଶ୍ଵର,୨୨/୦୧/୨୪- ସମାଜରେ ଘଟୁଥିବା ଘଟଣାବଳୀକୁ ଜଣେ କବି ତା’ର କଲମ ମୁନରେ ନିଖୁଣ ଭାବରେ ଚିତ୍ରଣ କରିପାରେ । ସାହିତ୍ୟ ସାଧନା କବିର ହୃଦୟକୁ ଆନନ୍ଦୋତି କରିବା ସଙ୍ଗେ ସଙ୍ଗେ ପାଠକଙ୍କ ନିକଟରେ ନିଜର ପରିଚୟ ସୃଷ୍ଟି କରିଥାଏ ଏବଂ ସମାଜ ପରିବର୍ତ୍ତନ ବାର୍ତ୍ତା ଲେଖନୀ ମାଧ୍ୟମରେ ଜନମାନସରେ 
ପହଞ୍ଚାଇଥାଏ । ଏହି ପରିପ୍ରେକ୍ଷୀରେ ତା ୨୧/୦୧/୨୦୨୪ ରିଖରେ ବାଲେଶ୍ଵର ଜିଲ୍ଲା ଖଇରା ବ୍ଲକ୍ କୁପାରି ସ୍ଥିତ ମା ଅମ୍ବିକା ବିଶ୍ବ କଲ୍ଯାଣୀ ସାହିତ୍ୟ ସଂସଦର ଏକବିଂଶତମ ସାମ୍ବତ୍ସରିକ ସାରସ୍ୱତ ସମାରୋହ ମା ଅମ୍ବିକା ଉଦାସୀନ ଆଶ୍ରମ ପରିସରରେ ଅନୁଷ୍ଠିତ ହୋଇଥିଲା । ଅନୁଷ୍ଠିତ ହୋଇଥିଲା । ଏଥିରେ ଯୋଗଦେବା ପାଇଁ ବିଭିନ୍ନ ସ୍ଥାନରୁ କବି କବୟିତ୍ରୀ ମାନେ ଆସିଥିଲେ । ସୁଦୂର ଜଳେଶ୍ବର କବି ଜ୍ଯୋତ୍ସ୍ନାରାଣୀ ମହାନ୍ତି ଅତି ଆଗ୍ରହର ସହିତ ଛୁଟି ଆସିଥିଲେ କବିତା ପାଠ କରିବା ପାଇଁ । ଶ୍ରୀମତୀ ମହାନ୍ତିଙ୍କ ଆଗ୍ରହ ଦେଖି କବିତା ମଞ୍ଚର ସଭାପତି ଶରତ ଚନ୍ଦ୍ର ବିଶ୍ବାଳ ପ୍ରଥମେ କବିତା ପାଠ କରିବାର ସୁଯୋଗ ଦେଇଥିଲେ । ଯାହାର ଶୀର୍ଷକ ଥିଲା ” ନାରୀ ” । ଉକ୍ତ କବିତାଟି ସମସ୍ତ ପାଠକଙ୍କ ହୃଦୟକୁ ଛୁଇଁଥିବାରୁ ଶ୍ରୀମତୀ ମହାନ୍ତି ନିଜକୁ ଧନ୍ୟବାଦ ମନେ କରିବା ସହିତ ସମସ୍ତଙ୍କୁ କୃତଜ୍ଞତା ଜ୍ଞାପନ କରିଥିଲେ । ଶେଷରେ ସଭାପତି ଶ୍ରୀ ବିଶ୍ବାଳ ଶ୍ରୀମତୀ ମହାନ୍ତିଙ୍କୁ ପ୍ରଶଂସା ପତ୍ର ପ୍ରଦାନ କରି ସାହିତ୍ୟ ଜୀବନ ଚଲାପଥ କୁସୁମିତ ନିମନ୍ତେ ମା ଅମ୍ବିକାଙ୍କ ନିକଟରେ ପ୍ରାର୍ଥନା କରିଥିଲେ । ଅନୁଷ୍ଠାନ ଏକ ପ୍ଲାଟ ଫର୍ମ । ସୁନ୍ଦର କବିତା ରଚନା ମାଧ୍ୟମରେ ଆଗକୁ କିପରି ଅଧିକରୁ ଅଧିକ ପ୍ଲାଟ ଫର୍ମରେ ପାଦ ଥାପିବ, ସାରସ୍ୱତ ଜଗତରେ ଉଜ୍ଜ୍ୱଳ ତାରକାଟିଏ ହେବ ସେଥିପାଇଁ ଲେଖନୀ ଚାଳନା ଜାରି ରଖିବାକୁ ପରାମର୍ଶ ଦେଇ କଲ୍ଯାଣ କରିଥିଲେ । ଏବଂ କବିତା ପାଠ ନିମନ୍ତେ ୨୦୨୫ ମସିହା ବାର୍ଷିକ ଉତ୍ସବକୁ ଆସିବା ପାଇଁ କହିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
