ପ୍ରବନ୍ଧ ପ୍ରତିଯୋଗିତାର ଫଳାଫଳ ପ୍ରକାଶ, ପ୍ରଥମ ସ୍ଥାନରେ ରଞ୍ଜୁଲତା
ବାଲେଶ୍ଵର,୨୪/୦୧/୨୪- ବର୍ତ୍ତମାନ ସାରସ୍ୱତ ସାହିତ୍ୟ ଜଗତରେ ସାଧକ/ସାଧିକା ମାନଙ୍କ ସଂଖ୍ଯା ଯଥେଷ୍ଟ ପରିମାଣରେ ବଢ଼ିବାରେ ଲାଗିଛି । ଜଣେ କବି ସମାଜରେ ଘଟୁଥିବା ଘଟଣାବଳୀକୁ ତା’ର ଲେଖନୀ ମୁନରେ ସ୍ଥାନିତ କରି ପ୍ରଶଂସା ସାଉଁଟିବାରେ ଯେଉଁ ଆନନ୍ଦ ଅନୁଭବ କରେ ତାହା କେଉଁଥିରୁ ପ୍ରାୟ ପାଏନାହିଁ ବୋଲି ମୋର ଅନୁମାନ । ସାହିତ୍ୟ କେବଳ ନିଜକୁ ଆନନ୍ଦ ଦେଇନଥାଏ ଅନ୍ୟ ମାନଙ୍କୁ ଆନନ୍ଦ ଦେବାରେ ମଧ୍ଯ ସହାୟକ ହୋଇଥାଏ । ଲେଖା ମାଧ୍ୟମରେ ଅଚିହ୍ନା ଅପରିଚିତ ବ୍ଯକ୍ତିଙ୍କ ନିକଟରେ ପରିଚୟ ସୃଷ୍ଟି ହୋଇଥାଏ । ଜଣେ ସାଧକ/ସାଧିକାଙ୍କ ଲେଖା ଯଦି କୌଣସି ଠାରେ ସ୍ଥାନ ଅଧିକାର କରେ କିମ୍ବା ଲାଇକ୍ କମେଟ୍ ମିଳେ ସେଇଠି ସ୍ରଷ୍ଟା ନିଜକୁ ଗର୍ବ ଅନୁଭବ କରିଥାଏ । କବିତା, ଗଳ୍ପ କିମ୍ବା ପ୍ରବନ୍ଧ ସବୁଥିରେ ସ୍ରଷ୍ଟାକୁ ଆନନ୍ଦ ମିଳିଥାଏ । ହେଲେ ନିଜର ସ୍ବରଚିତ ସୃଷ୍ଟିକୁ ବିକଶିତ କରିବା ପାଇଁ ଏକ ମାଧ୍ୟମ ଆବଶ୍ୟକ ହୋଇଥାଏ । ସେଭଳି ଏକ ମାଧ୍ୟମର ସ୍ଥାନ ଅଳଙ୍କୃତ କରିଛି ମୋ ଅନୁଷ୍ଠାନ ସାହିତ୍ୟ ସଂସଦ, ଆଳଦା, ଖଇରା, ବାଲେଶ୍ଵର । ଏହା ଏକ ଶିକ୍ଷା, ସୃଷ୍ଟି ଓ ବିକାଶର ଅନୁଷ୍ଠାନ । ପ୍ରତିଯୋଗିତା ମାଧ୍ୟମରେ କିଛି ନା କିଛି ଶିକ୍ଷା ଦିଆଯାଇଥାଏ । ପ୍ରତି ରବିବାରରେ ବିଭିନ୍ନ ପ୍ରକାର ପ୍ରତିଯୋଗିତା ଅନୁଷ୍ଠିତ ହୋଇଥାଏ ନୂତନ ଓ ପୁରାତନ ସାହିତ୍ୟ ସାଧକ/ସାଧିକା ମାନଙ୍କୁ ନେଇ । ଅନୁଷ୍ଠାନର ମୂଳ ଲକ୍ଷ୍ୟ ସମାଜ ପାଇଁ କିଛି ନୂତନ ସାହିତ୍ୟ ଶ୍ରଷ୍ଟା ସୃଷ୍ଟି କରିବା । ଏବଂ ସେମାନଙ୍କ ପ୍ରତିଭା ବୃଦ୍ଧି କରିବାରେ ସହାୟକ ହେବା । ଅନେକ ସମୟରେ ଅନୁଷ୍ଠାନ ସହିତ ଯୋଡି ହୋଇଥିବା ବନ୍ଧୁ ମାନଙ୍କ ଗଦ୍ଯ କିମ୍ବା ପଦ୍ଯ ଲେଖା ଗୁଡିକୁ ପତ୍ର ପତ୍ରିକାରେ ସ୍ଥାନ ଦେବାପାଇଁ ଚେଷ୍ଟା କରିଥାଏ । ଏହି ପରିପ୍ରେକ୍ଷୀରେ ଗତ ତା ୧୪/୦୧/୨୪ ରିଖରେ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଯାହାର ପ୍ରସଙ୍ଗ ଥିଲା ” ସମୟର ଏ ରକ୍ତ ଭୋଜି ” । ଏଥିରେ ରଞ୍ଜୁଲତା ପାଢୀ, ରାଉରକେଲା, ସୁନ୍ଦରଗଡ, ରଶ୍ମିରେଖା ସାହୁ, ଭୁବନେଶ୍ୱର, ଖୋର୍ଦ୍ଧା, ଅନ୍ନପୂର୍ଣ୍ଣା ସାହୁ, ଭୁବନପୁର, ଖୋର୍ଦ୍ଧା, ବୀଣାପାଣି ଦେବୀ, ବାଣପୁର, ଖୋର୍ଦ୍ଧା ଏବଂ ମୟୂରଭଞ୍ଜରୁ ଅଧ୍ଯାପିକା ସମାପ୍ତି ବେହେରା ଅଂଶ ଗ୍ରହଣ କରିଥିଲେ । ଏମାନେ ଜଣେ ଜଣେ ଉତ୍ତମ ସାରସ୍ୱତ ସାଧିକା । ସାରସ୍ୱତ ଜଗତରେ ବହୁ ପରିଚିତ ଓ ସୃଷ୍ଟି ମଧ୍ୟ ସୁନ୍ଦର । ସମସ୍ତଙ୍କ ଲେଖା ଗୁଡିକୁ ତନ୍ନ ତନ୍ନ କରି ସମୀକ୍ଷା କରିଥିଲେ ଅନୁଷ୍ଠାନର ସଭାପତି ସୁ ସାହିତ୍ୟିକ ନାରାୟଣ ଚନ୍ଦ୍ର ସେନାପତି । ତାଙ୍କ ସମୀକ୍ଷାରୁ ରଞ୍ଜୁଲତା ପାଢୀ ପ୍ରଥମ ସ୍ଥାନ, ରଶ୍ମିରେଖା ସାହୁ ଦ୍ବିତୀୟ ସ୍ଥାନ, ଅନ୍ନପୂର୍ଣ୍ଣା ସାହୁ ତୃତୀୟ ସ୍ଥାନ, ବୀଣାପାଣି ଦେବୀ ଚତୁର୍ଥ ସ୍ଥାନ ଓ ଅଧ୍ଯାପିକା ସମାପ୍ତି ବେହେରା ପଞ୍ଚମ ସ୍ଥାନ ଅଧିକାର କରିବାରେ ସକ୍ଷମ ହୋଇଛନ୍ତି । ତେଣୁ ଏ ଫଳାଫଳରେ କେହି ବିମୁଖ ନହୋଇ ଅନବରତ ଲେଖା ଜାରି ରଖନ୍ତୁ ଦିନେ ନା ଦିନେ ଭଗବାନ ଆପଣଙ୍କୁ ଉପଯୁକ୍ତ ସ୍ଥାନ ଦେବାରେ ଅବହେଳା କରିବେ ନାହିଁ । ଅନୁଷ୍ଠାନର ସମ୍ପାଦକ ନରେନ୍ଦ୍ର ପ୍ରସାଦ ବେହେରା ସମସ୍ତ ସ୍ରଷ୍ଟାଙ୍କୁ ଅଜଶ୍ର ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି । ପ୍ରକୃତରେ ଗଦ୍ଯ ସାହିତ୍ୟର ଉନ୍ନତି ପାଇଁ ଏ ଅନୁଷ୍ଠାନ ଗଠିତ । ଯଦିଓ କବିତା ପ୍ରତିଯୋଗିତା ଲକ୍ଷ୍ୟ ତଥାପି ବେଳେ ବେଳେ ଧ୍ଯାନ ଦିଆଯାଇଥାଏ । ପ୍ରତିଯୋଗିତାରେ କେବଳ ମୋବାଇଲ ଟାଇପ୍ ଗ୍ରହଣ କରାଯାଇଥାଏ । ତେଣୁ ସମସ୍ତେ ମୋବାଇଲ ଟାଇପ୍ ଦିଅନ୍ତୁ ବୋଲି ପରାମର୍ଶ ଦେଇଛନ୍ତି ସମ୍ପାଦକ ।।