ଡାବୁଗାଁରେ ଜାତୀୟ ଭୋଟର ଦିବସ ପାଳିତ
ଡାବୁଗାଁ, ୨୫/୧ – (ମ.ନି.ସ.) ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା ସରକାରୀ ମଧ୍ୟ ଇଂରାଜୀ ବିଦ୍ୟାଳୟରେ ଜାତୀୟ ଭୋଟର ଦିବସ ଗୁରୁବାର ପାଳିତ ହୋଇ ଯାଇଛି । ଏଥିରେ ପ୍ରଥମେ ବିଦ୍ୟାଳୟର ଛାତ୍ରୀ ଛାତ୍ର ମାନେ ଏକ ଶୋଭାଯାତ୍ରାରେ ବାହାରି ୧୮ ବର୍ଷ ହେବ ଯେବେ ଭୋଟ ଦେବ ସେବେ, ଜାନୁଆରୀ ୨୫ ଜାତୀୟ ମତଦାନ ଦିବସ ଭାରତକୁ କରିବା ମହାନ ସଭିଏଁ ଦେବା ଭୋଟଦାନ ଭଳି ବିଭିନ୍ନ ସ୍ଲୋଗାନ ଦେଇ ସହର ପରିକ୍ରମା କରିଥିଲେ | ପରେ ବିଦ୍ୟାଳୟ ଅନୁଷ୍ଠିତ ସଭାରେ ପ୍ରଧାନ ଶିକ୍ଷୟତ୍ରୀ ଗୀତାଞ୍ଜଳି ନିହାଲ ଭୋଟର ଦିବସ କାହିଁକି ପାଳନ କରାଯାଉଛି ସମସ୍ତ ଛାତ୍ରୀଛାତ୍ର ମାନଙ୍କୁ ବୁଝାଇ ସଚେତନ କରାଇବା ସହ ଶପଥ ପାଠ କରାଇଥିଲେ । ମତଦାନ ଦେବାନେଇ କାହାରି ଠାରୁ କୌଣସି ଉତ୍କୋଚ ନ ନେଇ ସଠିକ ବ୍ୟକ୍ତିକୁ ଚୟନ କରାଇବା ହେଉଛି ସଠିକ ବିଶ୍ଵ ଭୋଟର ଦିବସ କାର୍ଯ୍ୟକ୍ରମର ମୂଳଲକ୍ଷ୍ୟ । ଗଣତନ୍ତ୍ର ସୁଦୃଢ କରିବା ଲାଗି ଆମର ଭୂମିକା ବିଷୟରେ ବୁଥ ସ୍ତରୀୟ ଅଧିକାରୀ ପଙ୍କଜ କୁମାର ମହାନ୍ତି ନିଜ ର ବକ୍ତବ୍ୟ କହିଥିଲେ | ପରେ ଛାତ୍ରୀ ମାନଙ୍କ ମଧ୍ୟରେ କୁଇଜ ଓ ଚିତ୍ରାଙ୍କନ ପ୍ରତିଯୋଗୀତା ଅନୁଷ୍ଠିତ ହୋଇଥିଲା | ଏଥିରେ ବିଦ୍ୟାଳୟର ସମସ୍ତ ଶିକ୍ଷୟତ୍ରୀ ମାନସୀ ମହାନ୍ତି, ଶିକ୍ଷକ ଛାତ୍ରୀଛାତ୍ର ଓ ଭୋଟର ମାନେ ଉପସ୍ଥିତ ଥିଲେ | ଏହାସହ ଡାବୁଗାଁ ବ୍ଲକ ର ୫୫ ଟି ବୁଥରେ ଜାତୀୟ ଭୋଟର ଦିବସ ପାଳନ କରାଯାଇଛି |