କୋକସରା ଶିକ୍ଷା ବିଭାଗ ପକ୍ଷରୁ ଜାତୀୟ ଶିଶୁ କନ୍ୟା ଦିବସ ପାଳନ
କୋକସରା,୨୪/୧ // ଜାନୁୟାରୀ ୨୩ ତାରିଖ ହେଉଛି ଜାତୀୟ ଶିଶୁ କନ୍ୟା ଦିବସ । ଶିଶୁ କନ୍ୟାଙ୍କ ଉଦ୍ଦେଶ୍ୟରେ ଆଜି କଳାହାଣ୍ଡି ଜିଲ୍ଲା କୋକସରା ବ୍ଲକ ଗୋଷ୍ଠି ଶିକ୍ଷା ବିଭାଗ ଦ୍ଵାରା ଏହି ଦିବସ ପାଳନ କରାଯାଇଛି। ବ୍ଲକ ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ ତୋଫାନ ମାଝୀଙ୍କ ଦ୍ଵାରା କାର୍ଯ୍ୟକ୍ରମ ଉଦଘାଟିତ ହୋଇଥିଲା। ଏହି ଅବସର ବରିଷ୍ଠ ଓ କନିଷ୍ଠ ବର୍ଗର ଛାତ୍ରୀଙ୍କ ମଧ୍ୟରେ ରଚନା, ବିତର୍କ ଓ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। 
ପ୍ରତିଯୋଗିତାରେ ଉତ୍ତୀର୍ଣ୍ଣ କୃତି ଛାତ୍ରୀଙ୍କୁ ପୁରସ୍କୃତ କରାଯାଇଛି ଓ ପ୍ରଥମ ସ୍ଥାନ ଅଧିକାର କରିଥିବା ଛାତ୍ରୀ ମାନେ ଆସନ୍ତା କାଲି ଜିଲ୍ଲା ସ୍ତରୀୟ ହେବାକୁ ଥିବା ପ୍ରତିଯୋଗିତାରେରେ ଅଂଶଗ୍ରହଣ କରିବେ । ଏହି କାର୍ଯ୍ୟକ୍ରମରେ ଡ଼ହଗାଁ ସିଆରସିସି ଜତୀନ୍ଦ୍ର ମୋହନ ସାହୁ, ଟେମରା ସିଆରସିସି ସଞ୍ଚୟ ପୁଝାରି, ଡାଲଗୁମା ସିଆରସିସି ଈଶ୍ୱର ନାଏକ, ଶିକ୍ଷକ ମନୋଜ ମାଝି, କ୍ଷୀରସିନ୍ଧୁ ସୋରି, ତପନ ମାଝୀ, ରଶ୍ମି ରଞ୍ଜନ ନାଏକ ଓ ଅନ୍ୟ ଶିକ୍ଷକ ମାନେ ସହଯୋଗ କରିଥିଲେ। ସାନ ପୋଡ଼ାଗୁଡା ସିଆରସିସି ଅଜୟ କୁମାର ମାଝୀ କାର୍ଯ୍ୟକ୍ରମ ପରିଚାଳନା କରିଥିଲେ।
ମସିହା ନିୟୁଜ ସର୍ଭିସ
