ଏନ୍. ମୋହନ କୁମାର କ୍ରିକେଟ ଟୁର୍ଣ୍ଣାମେଣ୍ଟ ହେଲା ଉଦଘାଟିତ
ଡାବୁଗାଁ, ୨୭/୧ (ମ.ନି.ସ.) – ନବରଙ୍ଗପୁର ଜିଲା ଡାବୁଗାଁ ବ୍ଳକ ମେଦନା ଯିବା ରାସ୍ତା ପାର୍ଶ୍ଵରେ ଥିବା ମିନି ଷ୍ଟାଡିୟମ୍ ଠାରେ ଶୁକ୍ରବାର ଡାବୁଗାଁ ସ୍ଵାଧୀନତା ସଂଗ୍ରାମୀ ସନୁ ମାଝୀ ଯୁବକ ସଂଘଙ୍କ ସହଯୋଗରେ ଏନ୍. ମୋହନ କୁମାର କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି l ଉକ୍ତ ଟୁର୍ଣ୍ଣାମେଣ୍ଟ ଟି ଦିଲ୍ଲୀପ ନାୟକ ଙ୍କ ଦ୍ଵାରା ଉଦଘାଟନ ହୋଇଥିବା ବେଳେ ୩୨ଟି ଦଳ ଉକ୍ତ ଟୁର୍ଣ୍ଣାମେଣ୍ଟ ରେ ଅଂଶଗ୍ରହଣ କରିବେ l ଉଦଘାଟନ ଦିବସ ରେ ପାପଡାହାଣ୍ଡି ବ୍ଳକ ମାନିଗାଁ ଦଳ ସହ ଝରିଗାଁ ବ୍ଳକ ଡଙ୍ଗରିଗୁଡ଼ା ଦଳ ଖେଳିଥିବା ବେଳେ ମାନିଗାଁ ଦଳ ୧୦ ଓଭରରେ ୧୧୭ ରନ୍ କରି ୪ ୱିକେଟ ହରାଇ ଥିଲେ ପ୍ରତି ବଦଳରେ ଡଙ୍ଗରିଗୁଡ଼ା ଦଳ ୯ ଓଭରରେ ୧୧୮ ରନ୍ କରି ୨ ୱିକେଟ ହରାଇ ବିଜୟୀ ହୋଇଥିଲେ l ପରେ କୋଷାଗୁମୁଡ଼ା ବ୍ଳକ ଡଙ୍ଗାପଖନା ଦଳ ସହ ଝରିଗାଁ ବ୍ଳକ ମଙ୍ଗରାଚଚରା ଦଳ ଖେଳି ୧୦ ଓଭରରେ ୯୮ ରନ୍ କରି ୪ ୱିକେଟ ହରାଇ ଥିଲେ, ପ୍ରତିବଦଳରେ ମଙ୍ଗରା- ଚଚରା ଦଳ ୧୦ ଓଭରରେ ୮୭ ରନ୍ କରି ୬ ୱିକେଟ ହରାଇ ପରାସ୍ତ ହୋଇ ଥିଲେ l ତେବେ ଦୁଇ ବିଜୟୀ ଦଳଙ୍କ ମଧ୍ୟରେ ଟୁର୍ଣ୍ଣାମେଣ୍ଟ ଜାରି ରହି ଡଙ୍ଗାପଖନା ଦଳ ୧୦ ଓଭରରେ ୧୧୫ ରନ୍ କରି ୬ ୱିକେଟ ହରାଇ ଥିବାବେଳେ ଡଙ୍ଗରିଗୁଡ଼ା ଦଳ ୧୦ ଓଭରରେ ୧୩୮ ରନ୍ କରି ୪ ୱିକେଟ ହରାଇ ବିଜୟୀ ହୋଇଥିଲେ | ଏଥିରେ ଅଜିତ, ଭଗବାନ, ସୁମିତ, ଖେମେଶ୍, ସୁନୀଲ, ଗୋପାଳ ପାଢୀ, ଘନ, ସୁରେଶ, କାହ୍ନୁ, ପ୍ରଦୀପ, ମୋଟୁ, ଗୋରା, ପୁରୁସ୍ତମ, ବୁଦୁ, ଖୋଗୋ, ଲିମୁ ଓ ନକୁଳ ପ୍ରମୂଖ ବେଶ ସୁନ୍ଦର ଭାବେ ସହଯୋଗ କରିଥିଲେ l ଆଜିର ଟୁର୍ଣ୍ଣାମେଣ୍ଟ ଶାନ୍ତି ଶୃଙ୍ଖଳାରେ ସମାପନ ହୋଇଥିଲା l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
