ମିଶନଶକ୍ତି ଓଡିଆ କବି ସମ୍ମିଳନୀ
ନବରଙ୍ଗପୁର ୧/୨ ରାଜ୍ୟ ସରକାରଙ୍କ ମିଶନଶକ୍ତି ବିଭାଗର ନିର୍ଦ୍ଦେଶ ଅନୁଯାୟୀ ଆଜି ନବରଙ୍ଗପୁର ଜିଲ୍ଲା ପ୍ରଶାସନ ତରଫରୁ ମିଶନଶକ୍ତି ସଭା ଗୃହ ପରିଶରରେ ଏକ ଜିଲ୍ଲା ସ୍ତରୀୟ ମିଶନଶକ୍ତି ଓଡିଆ କବି ସମ୍ମିଳନୀ ଅନୁଷ୍ଠିତ ହୋଇଯାଇଛି।। ରାଜ୍ୟ ସରକାରଙ୍କ ଦ୍ଵାରା ଆସନ୍ତା ୩ ରୁ ୫ ତାରିଖ ମଧ୍ୟରେ ହେବାକୁ ଥିବା ବିଶ୍ଵ ଓଡିଆ ଭାଷା ସମ୍ମିଳନୀ ପରିପ୍ରେକ୍ଷୀରେ ଜିଲ୍ଲାର ମିଶନଶକ୍ତି ବିଭାଗ ଦ୍ଵାରା ଏହି ମିଶନଶକ୍ତି ଓଡିଆ କବି ସମ୍ମିଳନୀର ଆୟୋଜନ 
କରାଯାଇଥିଲା । ଜିଲ୍ଲା ସମାଜ କଲ୍ଯାଣ ଅଧିକାରୀ ଶିବାନୀ ଗୁହାଙ୍କ ପୌରହିତ୍ୟରେ ଅନୁଷ୍ଠିତ ଏହି ମିଶନଶକ୍ତି ଓଡିଆ କବି ସମ୍ମିଳନୀରେ ଜିଲ୍ଲାରେ କାର୍ଯ୍ୟରତ ସ୍ଵୟଂ ସହାୟକ ଦଳ ମାନଙ୍କ ମଧ୍ୟରୁ ୯୦ ଜଣ ମହିଳା କବି ଯୋଗଦେଇଥିଲେ । ପ୍ରାରମ୍ଭରେ ଜିଲ୍ଲା ସମାଜ କଲ୍ଯାଣ ଅଧିକାରୀ ଶିବାନୀ ଗୁହା , ଆଶାକିରଣ ବିଦ୍ୟାଳୟ ର ଅଧ୍ୟକ୍ଷ ଜଗନାଥ ବେହେରା ,ଡ଼ ସଂଯୁକ୍ତା ପଣ୍ଡା ମିଳିତ ଭାବରେ ପ୍ରଦୀପ ପ୍ରଯୋଳନ କରି ଏହି କବି ସମ୍ମିଳନୀକୁ ଉଦଘାଟନ କରିଥିଲେ । ମୁଖ୍ୟ ଅତିଥି ଭାବରେ ଯୋଗଦେଇ ଜିଲ୍ଲା ସମାଜ କଲ୍ଯାଣ ଅଧିକାରୀ ଶିବାନୀ ଗୁହା “ଭାଷା ଅତୀତର ଅସ୍ତିତ୍ଵ ଓ ଭାଷା ହିଁ ଭବିଷ୍ୟତ” ଉପରେ ଆଲୋଚନା କରିବା ସହିତ ଓଡିଆ ଭାଷା ସାହିତ୍ୟରେ କବିତାର ଗୁରୁତ୍ଵ ଉପରେ ଆଲୋକ ପାତ କରିଥିଲେ । ସମୀକ୍ଷକ ଭାବରେ ଯୋଗଦେଇ ଡ଼ ସଂଯୁକ୍ତା ପଣ୍ଡା ସମସ୍ତ କବିତା ଗୁଡିକୁ ସମୀକ୍ଷା କରିଥଲେ । ସମ୍ମାନିତ ଅତିଥି ଭାବରେ ଯୋଗଦେଇ ଆଶାକିରଣ ବିଦ୍ୟାଳୟ ର ଅଧ୍ୟକ୍ଷ ଜଗନାଥ ବେହେରା କବିତା ଲେଖନୀ ର ବିଭିନ୍ନ ଦିଗ ଉପରେ ଆଲୋକ ପାତ କରିଥିଲେ । ଆକ୍ସନଏଡ ସଂସ୍ଥା ର ଜିଲ୍ଲା ପରାମର୍ଶ ଦାତା ଫକିର ଚରଣ ରାଉତ ଙ୍କ ସଂଯୋଜନା ରେ ଅନୁଷ୍ଠିତ ଏହି କବି ସମ୍ମିଳନୀରେ ଉପସ୍ଥିତ ଥିବା ସମସ୍ତ ମହିଳା କବି ସେମାନଙ୍କର ସ୍ଵରଚିତ କବିତାକୁ ଆବୃତି କରିଥିଲେ । କବୟତ୍ରୀ ଜେନି ସିଂ ଙ୍କ କବିତା ନାରୀ କୁ ପ୍ରଥମ ପୁରସ୍କାର ମିଳିଥିବା ବେଳେ, କବୟତ୍ରୀ ମମତା ମହାରଣା ଙ୍କ କବିତା ଆଜିର ନାରୀକୁ ଦ୍ଵିତୀୟ ଓ କବୟତ୍ରୀ ଉର୍ମିଳା ମହାପାତ୍ର ଙ୍କ କବିତା ସ୍ଵୟଂ ସହାୟକ ଙ୍କୁ ତୃତୀୟ ପୁରସ୍କାର ମିଳିବା ସହିତ ଶ୍ରେଷ୍ଠ ବିବେଚନା କରାଯାଇଥିବ। କୋଡିଏ ଜଣ ମହିଳା କବୟତ୍ରୀ ଙ୍କୁ ଏହି ସମ୍ମିଳନୀରେ ମାନପତ୍ର ଓ ଉପଢୌକନ ଦେଇ ସମ୍ମାନିତ କରାଯାଇ ଥିଲା । ଅନ୍ୟ ମାନଙ୍କ ମଧ୍ୟରେ ବ୍ଲକ ମିଶନଶକ୍ତି ସଂଯୋଜକ ମାମୁନୁ କୁମାର କର ଓ ପ୍ରଜ୍ଞାଲିଷ୍ପା ସ୍ଵାଇଁ ପରିଚାଳନାରେ ସହଯୋଗ କରିଥିବାଲେ । ଶେଷରେ ଜିଲ୍ଲା ମିଶନଶକ୍ତି ସଂଯୋଜକ ହର୍ଷାନନ୍ଦ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।
ନବରଙ୍ଗପୁର ଜିଲ୍ଲା ରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
