460 ଜଣ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପରିଦର୍ଶନ ଲାଗି ଗଲେ
ପାପଡାହାଣ୍ଡି 6/2, ମନିସ – ମଙ୍ଗଳବାର ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ପ୍ରଶାସନ ଦ୍ୱାରା 460 ଜଣ ଯାତ୍ରୀ ପୁରୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପରିଦର୍ଶନ ଲାଗି ଯାଇଛନ୍ତି | ପ୍ରତି ପଞ୍ଚାୟତ ରୁ 20 ଜଣ ଲେଖାଏଁ ଭକ୍ତଙ୍କୁ ଶ୍ରୀ ଜଗନ୍ନାଥ ପରିକ୍ରମା ପ୍ରକଳ୍ପ ଦର୍ଶନ ପାଇଁ ପଠାଯାଇଛି | ବ୍ଲକ ପ୍ରଶାସନ 11 ଗୋଟି ବସ ଦ୍ୱାରା 23 ପଞ୍ଚାୟତ ରୁ 460 
ଜଣ ଭକ୍ତଙ୍କୁ ପୁରୀ ପଠାଯାଇଛି | ପ୍ରତି ଗାଡ଼ିରେ ଗୋଟିଏ ନୋଡାଲ ଅଧିକାରୀ ଏବଂ ଅନ୍ୟ ଏକ ବୋଲେରରେ ତିନିଜଣ ନିରକ୍ଷକ ଯାଇଛନ୍ତି | ବ୍ଲକ ପ୍ରଶାସନ ଦ୍ୱାରା ପ୍ରତି ଯାତ୍ରୀ ଙ୍କ ସୁରକ୍ଷା ଏବଂ ଖାଦ୍ୟ ପେୟ ର ବ୍ୟବସ୍ଥା କରାଯାଇଛି | ଏହି ଅବସରରେ ପାପଡାହାଣ୍ଡି ବ୍ଲକ ଉପାଧକ୍ଷ ସୁଶାନ୍ତ ବେହେରା ଏବଂ ବିଡ଼ିଓ ଦୁର୍ଯ୍ୟୋଧନ ଭୋଇ, ନୂତନ ଭାବେ ଯୋଗ ଦେଇଥିବା ବିଡ଼ିଓ କପିଳଦେବ ସାହୁ ସବୁଜ ପତାକା ଦେଖାଇ ଭକ୍ତଙ୍କ ଯାତ୍ରା ସଫଳ କାମନା କରିଥିଲେ | ଅନ୍ୟ ମାନଙ୍କ ମଧ୍ୟରେ ମକିଆ ସରପଞ୍ଚ ଜଗତ ଜୀବନ ନାୟକ, ବ୍ଲକ ଅଧକ୍ଷା ପ୍ରତିନିଧି ପରେଶ ଜେନା , ପାପଡାହାଣ୍ଡି ସରପଞ୍ଚ ଚନ୍ଦ୍ର ଶେଖର ମାଝୀ , ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ ଅକ୍ଷୟ ପଟନାୟକ ପ୍ରମୁଖ ଉପସ୍ଥିତ ଥିଲେ।
ପାପଡାହାଣ୍ଡି ରୁ ସ୍ଵପ୍ନ ଜିତ ପଟ୍ଟନାୟକ ଙ୍କ ରିପୋର୍ଟ୍
