ଗୁଡ଼ିଖାଳ ବଜାର ଏକ ଦୋକାନରୁ ଚୋରି
ବସ୍ତା,25/02 :ବସ୍ତା ଥାନା ଗୁଡ଼ିଖାଳ ବଜାର ଏକ ଭେରାଇଟି ଷ୍ଟୋର ଦୋକାନ ରୁ ଚୋରି ନେଇ ଥାନାରେ ଅଭିଯୋଗ ହୋଇଛି। ସୂଚନା ଅନୁସାରେ ଧୁଳିଉଡା ଗ୍ରାମର ରଞ୍ଜନ ସିଂହ ଗୁଡ଼ିଖାଳ ହନୁମାନ ମନ୍ଦିର ନିକଟରେ ଏକ ଭେରାଇଟି ଷ୍ଟୋର ଦୋକାନ କରି ଥିଲେ। ଗତ ମଙ୍ଗଳବାର ଠାରୁ ଶ୍ରୀ ସିଂହ ବନ୍ଧୁ ଘରକୁ ଯାଇଥିବା ବେଳେ ଦୋକାନ ବନ୍ଦ ରହିଥିଲା। ମାତ୍ର ଆଜି ଦୋକାନ ଖୋଲିବାକୁ ଆସି ଦେଖିଲା ବେଳକୁ ଦୋକାନ କେବିନରେ ଥିବା ତାଲା ଭାଙ୍ଗି କେହି ଦୁର୍ବୃତ୍ତ ଦୋକାନରୁ ସମସ୍ତ ବିକ୍ରି ସାମଗ୍ରୀ ସହିତ ମରାମତି ପାଇଁ ଥିବା କିଛି ସ୍ମାର୍ଟ ଫୋନ୍ ସିମ, ନଗଦ କୋଡ଼ିଏ ହଜାର ଟଙ୍କା ଆଦିକୁ ଚୋରି କରିନେଇଛି। ଶ୍ରୀ ସିଂହ ଏହି ଘଟଣା ସଂପର୍କରେ ବସ୍ତା ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଦେଖିବାକୁ ମିଳିଛି।