ଜିଲା ମିଳିତ ଯୁବକ ଯୁବତୀ ସରକାରୀ ଚାକିରୀ ଆଶାୟୀ ସଂଘର ବୈଠକ
ଡାବୁଗାଁ, ୨୫/୨(ମ.ନି.ସ.)- ବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଡ଼ଙ୍ଗରିଗୁଡା ପଞ୍ଚାୟତ କାର୍ଯ୍ୟ|ଳୟ ଠାରେ ଜିଲା ମିଳିତ ଯୁବକ ଯୁବତୀ ସରକାରୀ ଚାକିରୀ ଆଶାୟୀ ସଂଘର ବୈଠକ ଜିଲା ସଂଘ ସଭାପତି ପ୍ରଶାନ୍ତ ନାୟକଙ୍କ ସଭାପତିତ୍ଵ ରେ ରବିବାର ଅନୁଷ୍ଠିତ ହୋଇଯାଇଛି | ଏଥିରେ ଜିଲାରେ ଥିବା ଶିକ୍ଷିତ ବେକାରୀ ଯୁବତୀ ଯୁବକ ମାନେ ମିଳିତ ହୋଇ ଜିଲା ଭିତ୍ତିକ ନିଯୁକ୍ତି, ୩ୟ ଓ ୪ ର୍ଥ ଶ୍ରେଣୀ କର୍ମଚାରୀ ସମେତ ସମସ୍ତ ଜିଲା ଭିତ୍ତିକ ନିଯୁକ୍ତି, ଅନୁସୂଚିତ କ୍ଷେତ୍ର ଅନୁଯାଇ ନିଯୁକ୍ତି କ୍ଷେତ୍ରରେ ପ୍ରାଧାନ୍ୟ ଦେବା ଓ ଉମରକୋଟ ଗୋଷ୍ଠୀ ଶିକ୍ଷା ଓ ପ୍ରଶିକ୍ଷଣ କ୍ଷେତ୍ରରେ ତାଲିମ ପ୍ରାପ୍ତ ପ୍ରଶିକ୍ଷାର୍ଥୀ ମାନଙ୍କୁ ଜିଲାସ୍ତରରେ ନିଯୁକ୍ତି ଆଦି ଦାବି ଉପରେ ଆଲୋଚନା କରାଯାଇଥିଲା | ଆଜି ନବରଙ୍ଗପୁର ଜିଲାକୁ ଓଡିଶାର ମହାମହିମ ରାଜ୍ୟପାଳ ଙ୍କ ଗସ୍ତ କରିଥିବାରୁ ତାଙ୍କୁ ୪ ଦଫା ଦାବି ସମ୍ବଳିତ ପତ୍ର ଦେବାପାଇଁ ନିଷ୍ପତି ନିଆଯାଇଥିଲା | ବୈଠକ ପରେ ସଂଘର କର୍ମକର୍ତ୍ତା ମାନେ ଅପରାହ୍ନରେ ରାଜ୍ୟପାଳ ଙ୍କୁ ଭେଟି ଉକ୍ତ ଦାବିପତ୍ର ପ୍ରଦାନ କରିବାକୁ ଯାଇଛନ୍ତି | ଏହି ବୈଠକରେ ସମ୍ପାଦକ କମଳ ଭତ୍ରା, ରଘୁନାଥ ଭତ୍ରା, ଅନିରୁଦ୍ଧ ନାୟକ, ଚୈତନ ଭତ୍ରା, ମନୋଜ ଭତ୍ରା ଙ୍କ ସମେତ ଜିଲାର ୧୦ ଟି ବ୍ଲକରୁ ପ୍ରାୟ ୫୦ ରୁ ଊର୍ଦ୍ଧ୍ଵ ଶିକ୍ଷିତ ଯୁବତୀଯୁବକ ମାନେ ଯୋଗ ଦେଇଥିଲେ |