ଲେଖକର ଧର୍ମ
ଅତି ସୁଖେ ଅବା ଅତିସୁଖେ ଥିବା
ଜନ ହୃଦେ ଜାଗେଯେଉଁ ଚିନ୍ତନ,
ସେହି ଚିନ୍ତା କରେ ମାନବକୁ ଦିନେ
ସର୍ବୋତ୍ତମ କବି ହୃଦ କମ୍ପନ |1|
କବି ଆଣିପାରେ ସମାଜେ ସଂସ୍କାର
କବି ଦେଇପାରେ ଶ୍ରଦ୍ଧା ସୁମନ,
କବିଦେଇପାରେ ସାହିତ୍ୟ ସଂସ୍କୃତି
ଦିବ୍ୟଜ୍ଞାନ ହୃଦେ ଉତ୍ତମ ମନ,|2|
କବିତୋଳିପାରେ ଆକାଶ କୁସୁମ
କବିକରିପାରେ ଅଜ୍ଞାନେ ଜ୍ଞାନୀ
କବି ଦେଇପାରେ ମାନ ଓ ସମ୍ମାନ
କବିକରିପାରେ ଶୁଅଭିମାନୀ |3|
କବି କହିପାରେ ଅକୁହା କାହାଣୀ,
ସପ୍ତତାଳ ତଳ ଫରୁଆ ଖୋଲି
ଲେଖକର ଲେଖା ଅସରନ୍ତି ବାଣୀ
ଅମୂଲ୍ୟ ସଂଗୀତ ପାରଇ ବୋଲି,|4|
କବି ଓ ଲେଖକ ମନ ଗଢ଼ା କଥା
ଯେତେ ଗୀତାଶାସ୍ତ୍ର ପୋଥି ପୁରାଣ
ମାନବ ଜାତିର ଅନ୍ତର ବ୍ୟଥା
ମାନବ ଜାତିର ଜୀବନ ପ୍ରାଣ,|5|
ଲେଖକର ଧର୍ମ ସଂକୃତି ଉଦ୍ଧାର
କର୍ମର ସୁଫଳ ଜ୍ଞାନ ବିଜ୍ଞାନ,
ଶାନ୍ତି ପ୍ରଗତିର ଉତ୍ତମ ସଂସ୍କାର
ଦୟା କ୍ଷମା ସତ୍ୟ ଉଜ୍ଜଳ ମାନ,|6|
ଲେଖକର ଧର୍ମ ସତ୍ୟ ଉନ୍ମୋଚନ
ସତ୍ୟ ଆବିଷ୍କାର ସୁଉଦ୍ଭାବନ
ସତ୍ୟର ଆଲୋକ ଜନେ ବିତରଣ
ଅଜ୍ଞାନ ଲୋକକୁ ମାର୍ଗଦର୍ଶନ,|7|
ଶ୍ରୀବିଦ୍ୟାଧର ମହାନ୍ତ, ତମ୍ବାହରା,
କେନ୍ଦୁଝର,
ତା 20|03|2022
