ଅନ୍ତରା ମହୋତ୍ସବର ତୃତୀୟ ସନ୍ଧ୍ୟାରେ ଝଲସିଲା ସ୍କୁଲ ପଡିଆ
ବାଲେଶ୍ଵର,୧୨/୩/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ଅନ୍ତରା ପଞ୍ଚାୟତ ଅନ୍ତରା ହାଇସ୍କୁଲ ପଡିଆ ଝଲସି ଉଠିଲା ସମାଜସେବୀ ଓ କଳାକାରଙ୍କୁ ନେଇ ମହୋତ୍ସବର ତୃତୀୟ ସନ୍ଧ୍ୟା । ମହୋତ୍ସବ କମିଟିର ସଭାପତି ତଥା ବରିଷ୍ଠ ସାମ୍ବାଦିକ ତ୍ରିଲୋଚନ ଉପାଧ୍ୟାୟଙ୍କ ସଭାପତିତ୍ବରେ 
ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ବିଶିଷ୍ଠ ସମାଜସେବୀ ଶଶୀ କୁମାର ସାହୁ, ସମ୍ମାନିତ ବକ୍ତା ଭାବେ ଚେୟାରମ୍ୟାନ, ଜଗନ୍ନାଥ ଗ୍ରୁପ ଅଫ ଇନଷ୍ଟିଚ୍ୟୁସନ, ବାଲେଶ୍ଵରର ଗଙ୍ଗାଧର ଜେନା ଓ ଅନ୍ତରା ସମିତିସଭ୍ଯା ସବିତାରାଣୀ ପଣ୍ଡା, ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ରଶ୍ମିତା ଯେନା, ବରଦା ସରପଞ୍ଚ ପରୀକ୍ଷିତ ମହାପାତ୍ର, ଭଦ୍ରକ ସିଟି ଡିଏସପି ଅଂଶୁମାନ ଦ୍ବିବେଦୀ, ଅଭିନେତା ସବ୍ଯସାଚୀ ମିଶ୍ର ଓ ମହୋତ୍ସବ କମିଟିର ସମ୍ପାଦକ ଜ୍ଯୋତି ରଞ୍ଜନ ପଣ୍ଡା ମଞ୍ଚାସୀନ ହୋଇଥିଲେ । ପ୍ରଥମେ ଅତିଥିମାନେ ପ୍ରଦୀପ ପ୍ରଜ୍ଜ୍ବଳନ କରି ଜଗନ୍ନାଥଙ୍କ ଫଟୋଚିତ୍ରରେ ପୁଷ୍ପମାଲ୍ଯ ପ୍ରଦାନ କରିବା ପରେ 
ମହୋତ୍ସବ କମିଟି ମେମ୍ବର ମାନେ ଅତିଥି ମାନଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ । ସ୍ବାଗତ ସଙ୍ଗୀତ ପରିବେଷଣ ପରେ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ ମହୋତ୍ସବ କମିଟିର ସଭାପତି ତ୍ରିଲୋଚନ ଉପାଧ୍ୟାୟ । ଅତିଥି ମାନଙ୍କ ଭାଷଣ ଖୁବ୍ ସୁନ୍ଦର, ଶିକ୍ଷଣୀୟ ଓ ହୃଦୟସ୍ପର୍ଶୀ ଥିଲା । ପରେ ଅତିଥି ମାନେ ଅନ୍ତରା କ୍ଲଷ୍ଟର ସି ଆର ସି ଲମ୍ବୋଦର ଦାସ, ଆଇନଜୀବି ମାୟାଧର ମହାପାତ୍ର, ସମାଜସେବୀ ନିଶାକର ସାହୁ, କାର୍ଯ୍ୟରତ ସୈନିକ ଜୟନ୍ତ ଦାଶ ଓ କାର୍ଯ୍ୟରତ ଶିକ୍ଷକ ବସନ୍ତ ବିଶ୍ବାଳଙ୍କୁ ମାନପତ୍ର, ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ । ଏହାପରେ ଅଭିନେତା ସବ୍ଯସାଚୀ ଓ ଅର୍ଚ୍ଚିତାଙ୍କୁ ନେଇ ମେଲୋଡି କାର୍ଯ୍ୟକ୍ରମ ଆରମ୍ଭ ହୋଇଥିଲା । ମେଲୋଡି କାର୍ଯ୍ୟକ୍ରମ ଦେଖିବା ପାଇଁ ଶହଶହ ଦର୍ଶକ ମାନଙ୍କ ଭିଡ ଜମିଥିଲା ।ଏହି ମେଲୋଡି କାର୍ଯ୍ୟକ୍ରମ ଏତେ ସୁନ୍ଦର ହୋଇଥିଲା ଯାହା ଦର୍ଶକ ମାନଙ୍କ ମନମୁଗ୍ଧ କରିଥିଲା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
