ବିଦ୍ୟୁତ ଖୁଣ୍ଟରୁ ପଡି ଜଣେ ମୃତ
ଡାବୁଗାଁ, ୧୬/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ବଡକୋଇଲାରି ଗ୍ରାମରେ ଶୁକ୍ରବାର ସନ୍ଧ୍ୟାରେ ବିଦ୍ୟୁତ ଖୁଣ୍ଟରୁ ପଡି ମୃତ୍ୟୁ ଘଟିଛି | ସୂଚନଯୋଗ୍ୟ:- ଡାବୁଗାଁ ବ୍ଲକ ଅଧୀନ ବଡକୋଇଲାରି ଗ୍ରାମର ସନସାଏ ଗୌଡ (୩୫) ଶୁକ୍ରବାର ସନ୍ଧ୍ୟାରେ କୌଣସି କାରଣରୁ ବିଦ୍ୟୁତ ଖୁଣ୍ଟରେ ଚଢିଥିଲେ ଗୋଡ ଖସି ଯିବାରୁ ଖୁଣ୍ଟରୁ ତଳେ ପଡି ଯାଇ ଆହତ ହୋଇଥିଲେ | ପରିବାର ଲୋକେ ରାତିରେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ | ଏନେଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଡାକ୍ତର ଅଂଶୁମାନ ଦାଶ ଠାରେ ମୃତ୍ୟୁ ଘଟିବା ନେଇ ଏକ ରିପୋର୍ଟ ଦେଇଥିଲେ | ଡାକ୍ତରଙ୍କ ରିପୋର୍ଟ ଅନୁସାରେ ଥାନା ଏଏସଆଇ ଚନ୍ଦ୍ରଶେଖର ହଜାରୀ ଶନିବାର ଡାକ୍ତରଖାନା ରେ ପହଞ୍ଚି ଶବ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ପଠାଇଥିଲେ | ଶବ ବ୍ୟବଚ୍ଛେଦ ପରେ ପରିବାର ବର୍ଗ ଙ୍କୁ ହସ୍ତାନ୍ତର କରାଯାଇଛି | ଏନେଇ ପରିବାରର କୌଣସି ବ୍ୟକ୍ତି ଥାନାରେ କୌଣସି ଏତଲା ଦେଇ ନାହାଁନ୍ତି | ଏନେଇ ଥାନା କେସ ନଂ ୧୩/୧୬.୩.୨୪ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |