ବିଭିନ୍ନ କାର୍ଯ୍ୟକ୍ରମରେ ଯୋଗଦେଲେ ବିଧାୟକ
ପାପଡାହାଣ୍ଡି,16/3, ମନିସ —ଡାବୁଗାଁ ବିଧାୟକ ମନୋହର ରନ୍ଧାରି ଶନିବାର ପାପଡାହାଣ୍ଡି ବ୍ଲକକୁ ଗସ୍ତ କରିଥିଲେ | ଏହି ସମୟରେ ସେ ତଣ୍ଡାଗୁଡା, ଡକରାଗୁଡା ଓ ମିରିଗୁଡା ଆଦି ଗ୍ରାମ ଯାଇ ଆମ ଓଡିଶା ନବୀନ ଓଡିଶା ଦ୍ୱାରା ଅନୁମୋଦିତ ବିଭିନ୍ନ ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ କରିଥିଲେ | ଗ୍ରାମବାସୀଙ୍କ ତରଫରୁ ବିଧାୟକଙ୍କୁ ଭଵ୍ୟ 
ସ୍ୱାଗତ କରାଯାଇଥିଲା | ବିଧାୟକଙ୍କ ସହ ବ୍ଲକ ଉପାଧକ୍ଷ ସୁଶାନ୍ତ କୁମାର ବେହେରା ଉପସ୍ଥିତ ଥିଲେ | ସେହିପରି ଦୁର୍ଗମ ସାନବାର୍ଲି ଯାଇ ଲୋକଙ୍କ ସମସ୍ୟା ବୁଝିବା ସହ ସରକାରଙ୍କ ଜନ ହିତକର ଯୋଜନା ଦ୍ୱାରା ଲୋକେ କିପରି ଉପକୃତ ହେଉଛନ୍ତି କହିଥିଲେ | ଲକ୍ଷ୍ମୀ ଯୋଜନା, ମମତା ଯୋଜନା, 5ଟି ରୂପାନ୍ତରିକରଣ ସହ ବହୁ ଯୋଜନା ସମ୍ପର୍କରେ ଆଲୋକପାତ କରି ଲୋକଙ୍କ ସମସ୍ୟା ବୁଝିଥିଲେ | ନିର୍ବାଚନ ବିଗୁଲ ବାଜି ଯାଇଥିବାରୁ ପୁଣି ବିଜେଡି ସରକାରଙ୍କୁ ଜିତାଇବା ଲାଗି କହିଥିଲେ | କାର୍ଯ୍ୟକ୍ରମରେ ବ୍ଲକ ଉପାଧକ୍ଷ ସୁଶାନ୍ତ କୁମାର ବେହେରା, ବିଜେଡି ବ୍ଲକ ସଭାପତି ବିଦ୍ୟାଧର ମଳିକ, ସରୋଜ ଜାଲ ସହ ବହୁ ଜନ ପ୍ରତିନିଧି ଉପସ୍ଥିତ ଥିଲେ।
ପାପଡାହାଣ୍ଡି ରୁ ସ୍ଵପ୍ନ ଜିତ ପଟ୍ଟନାୟକ ଙ୍କ ରିପୋର୍ଟ୍
