ମନ୍ ମହୁଛେ ଫଲ୍ସା ଫୁଲ୍
ବଲାଙ୍ଗୀର // ବସନ୍ତ ଋତୁ ଆଗମନର ବାର୍ତ୍ତା ଦିଏ ପଳାସ ଫୁଲ । ପଳାସ ଫୁଲର ଅପରୂପ ଆଭାରେ ସଜେଇ ହୁଏ ପ୍ରକୃତିରାଣୀ। ଗଛରେ ପେନ୍ଥା ପେନ୍ଥା ପଳାସ ଫୁଲ ପରିବେଶକୁ ରଙ୍ଗୀନ କରିଦିଏ। ବାସ ନଥିଲେ ବି ପଳାସ ଫୁଲ ଦେଖିବାକୁ ଯେତିକି ମନୋରମ ସେତିକି ହୃଦୟସ୍ପର୍ଶୀ । ପଳାସ ଫୁଲ ଯୋଗୁଁ ଏବେ ସାରା ପରିବେଶ ରଙ୍ଗୀନ ଓ ମନଲୋଭା ।
ରାସ୍ତା କଡରେ ଥିବା ପଳାସ ଫୁଲକୁ ଦେଖିଲେ କବି ଓ ଭାବୁକ ପ୍ରାଣ ପୁଲକିତ ହେଉଛି। ପ୍ରତିଟି ଜୀବନରେ ଉଲ୍ଲାସ ଭରି ଯାଉଛି। ଚଇତର ପତ୍ର ଝଡା ସମୟରେ ପ୍ରକୃତି ଖାଁ ଖାଁ ଲାଗୁଥିବା ବେଳେ ପଳାସ ଫୁଲର ସୌନ୍ଦର୍ଯ୍ୟରେ ପ୍ରତିଟି ପ୍ରାଣ ପୁଲକିତ କରିଥାଏ । ଜୀବନରେ ଭରିଯାଏ ଉଲ୍ଲାସ I ସକାଳ ହେଉ କି ସଞ୍ଜ ପଳାଶ ଫୁଲର ମନଲୋଭା ରୂପ ଦେଖି ବାଟୋଇ ଠିଆ ହୁଏ କିଛି ସମୟ I ପଳାସ ଫୁଲ ପଶ୍ଚିମ ଓଡିଶାର ସବୁ ଜାଗାରେ ପ୍ରାୟତଃ ଦେଖୁବାକୁ ମିଳିଥାଏ। ଫୁଲର ବାସ ନାହିଁ ସତ ଅଥଚ ଏହା ମା’ ମଙ୍ଗଳାଙ୍କ ପ୍ରିୟ I ପଶ୍ଚିମ ଓଡ଼ିଶାରେ ଚୈତ୍ର ମଙ୍ଗଳବାରରେ ମଙ୍ଗଳାଙ୍କ ପୂଜାରେ ଏହି ଫୁଲ ବ୍ୟବହାର ହୁଏ । ଦଣ୍ଡ ଯାତ୍ରାର ପୂଜାବିଧୂରେ ବହୁଳ ବ୍ୟବହାର ପ୍ରଚଳିତ । ତନ୍ତ୍ର ପରମ୍ପରାରେ ମଧ୍ଯ ପଳାସ ଫୁଲର ବହୁବିଧ ପ୍ରୟୋଗ ରହିଛି। ପଳାସ ଫୁଲର ଶୋଭା କବି ମନକୁ ବିଭୋର କରେ । ଓଡିଆ ସାହିତ୍ୟ ପରମ୍ପରାରେ ଏହାର ବହୁଳ ବର୍ଣନା ରହିଛି। ପ୍ରାଚୀନ ଲୋକ ସାହିତ୍ୟରେ ପଳାସ ଫୁଲକୁ ନେଇ ଅନେକ ଛନ୍ଦ, କବିତା, ଗୀତ, ଢଗ ଓ ବଲାଣୀ ରହିଛି । ପଶ୍ଚିମ ଓଡିଶାରେ ବହୁ ପ୍ରଚଳିତ ଢଗ ହେଉଛି ‘ଦେଖେନ୍ ସୁନ୍ଦରୀ ଫଲସା ଫୁଲ୍ ।
ଏହି ଫୁଲକୁ ଦେଖ୍ ରାସ୍ତାରେ ଯାଉଥିବା ଲୋକେ ଫଟୋ ଉଠାଇ ଆନନ୍ଦ ନେଇଥାନ୍ତି । କଣ୍ଟାବାଞ୍ଜି ର ଅନେକ ଅଞ୍ଚଳରେ ଶ୍ଵେତ ପଲାସ ଫୁଲ ଦେଖିବାକୁ ମିଳେ । ଶ୍ଵେତ ପଳାସର ବହୁ ମୂଲ୍ୟ । ଏଥିପାଇଁ ପଶ୍ଚିମ ଓଡିଶାର ଅନେକ ଲୋକ ବାଉଳା ହୋଇ ଖୋଜି ବୁଲନ୍ତି ଶ୍ଵେତ ପଳାସ ଫୁଲ । ଏହା ପ୍ରାପ୍ତ ହେଲେ ସକଳ ଦୁଃଖ ଓ ଶୋକ ଦୂର ହୋଇଥାଏ ବୋଲି ଲୋକ ମୁଖରେ ଶୁଣିବାକୁ ମିଳେ। ସାଧାରଣତଃ ସୁନ୍ଦରତା ପାଇଁ ଏହା ଆକର୍ଷଣୀୟ । କୌଣସି ଦେବାଦେବୀ ମନ୍ଦିରରେ ପଳାସ ଫୁଲ ଲାଗି ନଥାଏ କିନ୍ତୁ ଆୟୁର୍ବେଦ ମତରେ ଏହାର ଗୁରୁତ୍ବ ଢେର ଅଧିକ । ପଳାସ ଫୁଲ, ଫଳ ଓ ପତ୍ର ମନୁଷ୍ୟର ଯାବତୀୟ ରୋଗ ଭଲ କରିବାରେ ସହାୟକ ହୋଇଥାଏ।
ବଲାଙ୍ଗିର ରୁ ଦୁର୍ଯ୍ୟୋଧନ ବର୍ଗେ ଙ୍କ ରିପୋର୍ଟ୍
