ବାଲି ଚୋରା ଚାଲାଣ ବେଳେ ୨ ଟ୍ରକ ଜବତ
ଡାବୁଗାଁ, ୭/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଦରଗୁଲା ବାଲି ଘାଟରୁ ବାଲି ଚୋରା ଚାଲାଣ ବେଳେ ୨ ଟ୍ରକ ଜବତ | ଶନିବାର ଅପରାହ୍ନରେ ଡାବୁଗାଁ ତହସିଲ ଅଧୀନ ଦରଗୁଲା ବାଲି ଘାଟରୁ ବାଲି ଚୋରା ଚାଲାଣ ହେଉଥିବା ବେଳେ ଜିଲା ଖଣି ବିଭାଗ, ରାଜସ୍ୱ 
ବିଭାଗ ଓ ପୋଲିସ ବିଭାଗ ମିଳିତ ଚଢାଉ କରି ୨ ଟି ଟ୍ରକ ଜବତ କରିଛି | ଦରଗୁଲା ବାଲି ଘାଟରେ ଟ୍ରକ ନଂ ଓଆର ୧୦ ଏଚ ୩୭୧୮ ଓ ଓଆର ୧୦ ଏଫ ୮୨୫୫ ଗାଡିରେ ବାଲି ଲୋଡିଙ୍ଗ କରି ବାହାରୁ ଥିବା ସମୟରେ ବିଭାଗୀୟ ଅଧିକାରୀ ମାନେ ପହଞ୍ଚି ଟ୍ରକ ଗୁଡିକୁ ଜବତ କରିଥିଲେ | ଜବତ ଗାଡିରେ ବାଲି କୋରାପୁଟ ଜିଲା ର ବିଭିନ୍ନ ସ୍ଥାନ କୁ ଚାଲାଣ କରାଯାଉଥିଲା | ରବିବାର ୨ ଟି ଟ୍ରକ ଠାରୁ ୬୦ହଜାର ଟଙ୍କାର ଜୋରିମାନା ଆଦାୟ କରାଯାଇଛି | ଜୋରିମାନା ଆଦାୟ କରାଯିବା ପରେ ଗାଡି ଗୁଡିକୁ ଛାଡି ଦିଆଯାଇଛି | ଏହି ଚଢାଉରେ ଜିଲା ଖଣି ଅଧିକାରୀ ଆଦିତ୍ୟ ଆଚାର୍ଯ୍ୟ, ତହସିଲଦାର ହରିଓମ ଭୋଇ, ଥାନା ଏଏସଆଇ ଚନ୍ଦ୍ରଶେଖର ହଜାରୀ ଓ ପୋଲିସ କର୍ମଚାରୀ ମାନେ ସାମିଲ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା ଙ୍କ ରିପୋର୍ଟ
