ଶିଂସାରିରେ ପୋଲିସର ଫ୍ଲାଗ ମାର୍ଚ୍ଚ
ଡାବୁଗାଁ, ୧୦/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ପୋଲିସ ପକ୍ଷରୁ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ବୁଧବାର ଡାବୁଗାଁ ଥାନା ଅଧୀନ ଶିଂସାରି ଫାଣ୍ଡି ର ଶିଂସାରି 
ଓ ତୋରେଙ୍ଗା ଗ୍ରାମରେ ବୁଧବାର ଅପରାହ୍ନରେ ଫ୍ଲାଗମାର୍ଚ୍ଚ କରାଯାଇଛି | ଏଥିରେ ଡାବୁଗାଁ ଆଇଆଇସି ସୁନୀଲ କୁମାର ପ୍ରଧାନ, ଶିଂସାରି ଫାଣ୍ଡି ଅଧିକାରୀ ଶିଶିରକାନ୍ତ ଘୋଷ ଓ ସିଆରପିଏଫ ବାହିନୀ ଯୋଗ ଦେଇଥିଲେ | 
ଡାବୁଗାଁ ଥାନା ର ୨ ଟି ପଞ୍ଚାୟତ ପଡୋଶୀ ଛତିଶଗଡ ରାଜ୍ୟ ର ସୀମାକୁ ଲାଗିଛି | ଏଣୁ ସୀମାନ୍ତ ବର୍ତ୍ତୀ ଗ୍ରାମ ଗୁଡିକରେ ଶାନ୍ତିପୂର୍ଣ୍ଣ ନିର୍ବାଚନ କରାଇବାପାଇଁ ପୋଲିସ ର ଏହି ସବୁ ପ୍ରୟାସ ଜାରି ରହିବ ବୋଲି ଡାବୁଗାଁ ଥାନା ଆଇଆଇସି ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
