ଲୋକସଭା ନିର୍ବାଚନ ସଂଚାଳନ ସମିତିର ନିର୍ବାଚନ ପ୍ରସ୍ତୁତି ବୈଠକରେ ତୋମର ଙ୍କ କର୍ଣ୍ଣ ମନ୍ତ୍ର
ରାଉରକେଲା : ଚଳିତ ୨୦୨୪ ସଧାରଣ ନିର୍ବାଚନ ପରିପ୍ରେକ୍ଷୀରେ ଆଜି ଅପରାହ୍ନ ସମୟରେ ସୁନ୍ଦରଗଡ଼ ଜିଲ୍ଲାର ବରିଷ୍ଠ କାର୍ଯ୍ୟକର୍ତ୍ତା ଓ ମଣ୍ଡଳ ସଭାପତିଙ୍କର ନିର୍ବାଚନୀ ବୈଠକ ଆଜି ରାଉରକେଲାର ମେଫେୟାର ହକି ଭିଲେଜ ଠାରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ରାଷ୍ଟ୍ରୀୟ ଉପସଭାପତି ତଥା ଓଡିଶା ରାଜ୍ୟ ପ୍ରଭାରୀ ବିଜୟ ଲାଲ ସିଂ ତୋମର ଆନୁଷ୍ଠାନିକ ଭାବେ ଶୁଭାରମ୍ଭ କରିଥିଲେ । ସେ ତାଙ୍କ ବକ୍ତବ୍ୟରେ ଲୋକସଭା 
ଓ ବିଧାନସଭାରେ ବିଜେପି ପାର୍ଥୀଙ୍କୁ ବିଜୟୀ କରିବା ପାଇଁ ରଣନୀତି ଉପରେ କର୍ଣ୍ଣ ମନ୍ତ୍ର ଦେଇଥିଲେ । ଜନତାଙ୍କୁ ମୋଦିଜୀ ଙ୍କ ” ସବକା ସାଥ ସବକା ବିକାଶ, ସବକା ବିଶ୍ୱାସ , ସବକା ପ୍ରୟାସ ” ଆତ୍ମ ନିର୍ଭରଶିଳ ଭାରତ ଓ ବିକଶିତ ଭାରତ ବିଷୟ ସହିତ ବିଭିନ୍ନ ଜନହିତ କାରୀ ଯୋଜନାକୁ ଲୋକଙ୍କ ପାଖରେ ପହଞ୍ଚାଇବାକୁ ପ୍ରୟାସ କରିବାକୁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମରେ ଲୋକସଭା ପାର୍ଥୀ ଓ ବିଧାୟକ ପାର୍ଥୀ ମାନେ ଉପସ୍ଥିତ ଥିଲେ । ପୂର୍ବାହ୍ନ ସମୟର ସୁନ୍ଦରଗଡ ଲୋସଭା ନିର୍ବାଚନ ସଂଚାଳନ ସମିତିର ନିର୍ବାଚନ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ସୁନ୍ଦରଗଡ ଲୋକସଭା ସାଂସଦ ଜୁଏଲ ଓରାମ ସଂଚାଳନ ସମିତିରେ ଥିବା ବିଭିନ୍ନ କାର୍ଯ୍ୟକ୍ରମର ଦାୟିତ୍ଵ ଓ ଦାୟିତ୍ଵରେ ଥିବା କାର୍ଯ୍ୟକର୍ତ୍ତା କିଭଳି କାର୍ଯ୍ୟକାରୀ କରିବେ ତା ଉପରେ ମାର୍ଗଦର୍ଶନ କରିଥିଲେ । ଶ୍ରୀ ତୋମର ସଂଚାଳନ ସମିତିର ଉଦ୍ଦେଶ୍ୟ ଓ ପରିଚାଳନା କିଭଳି କ୍ରିୟାଶୀଳ କରାଯିବ ତା ଉପରେ ଆଲୋକପାତ କରିଥିଲେ। ସମସ୍ତ ପ୍ରାର୍ଥୀ କିଭଳି ବିଜୟ ପ୍ରାପ୍ତି କରିବେ ତାକୁ ଦୃଷ୍ଟିରେ ରଖି କାର୍ଯ୍ୟ କରିବାକୁ କହିଥିଲେ । ଏହି କାର୍ଯ୍ୟକ୍ରମରେ ରାଜ୍ୟ ସାଧାରଣ ସମ୍ପାଦକ ମାନସ ମହାନ୍ତି, ରାଜ୍ୟ ସାଧାରଣ ସମ୍ପାଦକ ପୂର୍ଣ୍ଣିମା କେରକେଟା , ବରିଷ୍ଠ ନେତା ରଞ୍ଜନ ପଟେଲ, ତଳସରା ବିଧାୟକ ପ୍ରାର୍ଥୀ ସର୍ବଶ୍ରୀ ଭବାନୀ ଭୋଇ, ନରସିଂହ ମିଞ୍ଜ , କୁସୁମ ଟେଟେ, ଶଙ୍କର ଓରାମ,ଦୁର୍ଗା ତନ୍ତୀ ଓ ଜିଲ୍ଲା ପାନପୋଷ ଲୋକସଭା ନିର୍ବାଚନ ସଞ୍ଚାଳନ କମିଟି ପ୍ରଭାରୀ ଦିନେଶ ଜୈନ, ସଂଯୋଜକ ବଟ କୃଷ୍ଣ ମିଶ୍ର ଓ ବିସ୍ତାରକ ଆଶିଷ ଠାକୁର ରାଜ୍ୟ ମୁଖପାତ୍ର ଧିରେନ୍ ସେନାପତି, ଜିଲ୍ଲା ସଭାପତି ଲତିକା ପଟ୍ଟନାୟକ, ଅନିଲ ବାର୍ଲା, ରାଜ୍ୟ କାର୍ଯ୍ୟ କାରିଣୀ ସଦସ୍ୟ ନିହାର ରାୟ, ପ୍ରମିଳା ଦାସ , ଜିଲ୍ଲା ଓ ମଣ୍ଡଳ ସଭାପତିଙ୍କ ସହିତ ବରିଷ୍ଠ କାର୍ଯ୍ୟକର୍ତ୍ତାମାନେ ଉପସ୍ଥିତ ଥିଲେ । ଲୋକସଭା କ୍ଷେତ୍ରର ସଂଯୋଜକ ବଟ କୃଷ୍ଣ ମିଶ୍ର ଉକ୍ତ ବୈଠକର ସଂଚାଳନ କରିଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
