ବିଜେଡି ର ୩ ଟି ସ୍ଥାନରେ କର୍ମୀ ସମ୍ମିଳନୀ
ଡାବୁଗାଁ, ୧୯/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଚଚରାଗୁଡା ପଞ୍ଚାୟତ ଅଧୀନ ଜନ୍ଦ୍ରୀଗୁଡା, ଅଞ୍ଚଳା ପଞ୍ଚାୟତର ପୁଜାରିଗୁଡା ଓ ମେଦନା ପଞ୍ଚାୟତର ମେଦନା ଗ୍ରାମ ଠାରେ ବ୍ଲକ ବିଜେଡି ତରଫରୁ ଏକ କର୍ମୀ ସମ୍ମିଳନୀ 
ଶୁକ୍ରବାର ଅନୁଷ୍ଠିତ ହୋଇଯାଇଛି | ଏହି ୩ ଟି ସ୍ଥାନରେ ବିଜେଡି ର ନବରଙ୍ଗପୁର ସାଂସଦ ପାର୍ଥୀ ପ୍ରଦୀପ ମାଝି ଓ ଡାବୁଗାଁ ବିଧାୟକ ପାର୍ଥୀ ଭାବେ ମନୋହର ରନ୍ଧାରୀ ଯୋଗ ଦେଇ ଏହି ନିର୍ବାଚନରେ ଭୋଟ ଦେଇ ଜିତାଇବାକୁ ନିବେଦ କରିଥିଲେ | ଏହାସହ କର୍ମୀ ମାନଙ୍କୁ ପ୍ରତି ଗ୍ରାମରେ ଘର ଘର ବୁଲି ଭୋଟ ମାଗିବାକୁ ପରାମର୍ଶ ଦିଆଯାଇଥିଲା | 
ଏହାସହ ଚଚରାଗୁଡା ପଞ୍ଚାୟତ ରୁ ୫୪ ଜଣ, ଅଞ୍ଚଳା ପଞ୍ଚାୟତରୁ ୩୮ ଜଣ ଓ ମେଦନା ପଞ୍ଚାୟତ ରୁ ୩୪ ଜଣ ବିଭିନ୍ନ ଦଳ ଛାଡି ବିଜେଡି ଦଳରେ ସାମିଲ ହୋଇଥିଲେ | ଉକ୍ତ ସଭାରେ ବ୍ଲକ ବିଜେଡି ସଭାପତି ସୁରେନ୍ଦ୍ର କୁମାର ମିଶ୍ର, ବିଧାୟକ ପ୍ରତିନିଧି ଏମ ବୁଲୁ ରାଓ, ଏମପି ପ୍ରତିନିଧି ଏମ ଆପ୍ପା ରାଓ , ଡାବୁଗାଁ ଜିଲାପରିଷଦ ସଭ୍ୟ ଧନସିଂ ଭତ୍ରା ଓ ଗୁପ୍ତ ବିଶୋଇ, ବ୍ଲକ ଅଧ୍ୟକ୍ଷା ବୀଣା ମାଝି, ଉପାଧ୍ୟକ୍ଷ ସଦାନନ୍ଦ ନାୟକ, ରାଜ୍ୟସଭା ସାଂସଦ ଙ୍କ ପ୍ରତିନିଧି ରାମାରାଓ ଚୌଧୁରୀ, ପୂର୍ବତନ ଜିଲା ପରିଷଦ ସଭ୍ୟ ବିଜଯ କୁମାର ବେହେରା, ୩ ପଞ୍ଚାୟତ ର ସରପଞ୍ଚ, ସମିତିସଭ୍ୟ ଓ ବହୁ କର୍ମୀ ମାନେ ସାମିଲ ଥିଲେ ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
