ବେଆଇନ ମଦ ଓ ନଲି ପଞ୍ଜାବରେ ବାମନଘାଟୀ ଉପଖଣ୍ଡ; ୭ ଜଣଙ୍କୁ ବାନ୍ଧିଲା ଅବକାରୀ ବିଭାଗ
ମୟୂରଭଞ୍ଜ – ୨୩/୦୪ ( ମସିହା) ନିର୍ବାଚନ ଋତୁ । ନିର୍ବାଚନ ବୈତରଣୀ ପାର ହେବାକୁ ହେଲେ ଯୁବଗୋଷ୍ଠୀଙ୍କୁ ସଵୁ ରାଜନୈତିକ ଦଳ ତରଫରୁ ମଦ ଓ ଟଙ୍କା ଦ୍ବାରା ଆକର୍ଷିତ କରାଯାଉଛି ।ବିନା ଟଙ୍କା ଓ ମଦ ହେଉଛି ଗୋଟିଏ ମାଧ୍ଯମ ଯେଉଁଠି ଯୁବଗୋଷ୍ଠୀଙ୍କ ଦୁର୍ବଳତା ଓ ଏକାଠି କରାଇବାର ଏକମାତ୍ର ସୂତ୍ର । ଏହାକୁ ଜାଣିଛନ୍ତି ଅସାଧୁ ମଦ ମାଫିଆ ।ତେଣୁ ଏହାର ସୁଯୋଗକୁ ହାତଛଡ଼ା ନ କରି ମଦ ମାଫିଆମାନେ ପ୍ରତ୍ଯକ ଗ୍ରାମର କିଛି କିଛି ବେଆଇନ ମଦ ବେପାରୀ ଏବଂ ମହିଳାଙ୍କୁ ହାତ କରି ମଦ ଵେପାର ଜୋରଦାର ଆରମ୍ଭ କରିଛନ୍ତି । ନକଲି ମଦ ପ୍ରସ୍ତୁତି କରି ଶସ୍ତାରେ ବିକି ଦୁଇ ପଇସା ଭଲ ଲାଭ କରୁଛନ୍ତି ।ରାତାରାତି ମାଲେମାଲ । ନିର୍ବାଚନ ଆଚରଣବିଧି କୁ ଲକ୍ଷ୍ଯ କରି ଧର୍ମକୁ ଆଖି ଠାର ଭଳି ରାଇରଙ୍ଗପୁର ଅବକାରୀ ବିଭାଗ ତରଫରୁ ବିଭିନ୍ନ ସ୍ଥାନରେ ଖାଁ ଭାଁ ଚଢ଼ାଉ କରୁଛନ୍ତି । ସମସ୍ତଙ୍କ ହାତ ଚିକ୍କଣ ତଳୁ ଉପର ପର୍ଯ୍ୟନ୍ତ। ରୋହି ମହାକୁଡ଼ ଛାଡି ମିରିକାଳି ଉପରେ ନଜର ରଖି ନିଜର ଦାୟିତ୍ଵ ସମାପନ କରୁଛନ୍ତି ବୋଲି ସାଧାରଣରେ ଚର୍ଚ୍ଚା ହେଉଛି ।ମମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଅବକାରୀ ବିଭାଗ ଅଧିନସ୍ଥ ପୁରୁଣାପାଣି, ବଡମଉଦା, ଗୋରୁମହିଷାଣୀ ଓ ରାଖାସାହି ଅଞ୍ଚଳ ରେ ଅବକାରୀ ବିଭା କୌଣସି ସୂତ୍ର ରୁ ବ ଖବର ପାଇ ବିଭିନ୍ନ ସ୍ଥାନରେ ଚଢାଉ କରି ସଫଳ ହୋଇଛି ।
ପ୍ରଥମ ଚଡାଉ ରେ ରାଇରଙ୍ଗପୁର ଅବକାରୀ ପୋଲିସ ୭ଜଣ ଵେଆଇ ମଦ ବିକ୍ରେତା ଙ୍କୁ ଗିରଫ କରି କୋର୍ଟଚାଲାଣ କରିଛି । ଚଢାଉ ବେଳେ ପୁରୁଣାପାଣି ରୁ ରାମପ୍ରସାଦ ମହାନ୍ତ (50) କୁନ୍ତଳା ମହାନ୍ତ (45) ଦେବେନ ମହାନ୍ତ ( 40) ଓ ସଜନ ମହାନ୍ତ ( 28) ତାଙ୍କ ପାଖରୁ ୨୬ ଲିଟର ୫୪୫ ମିଲିଗ୍ରାମ ର ଲିକ୍କର , ୧୯୫ ଖଣ୍ଡ ରଙ୍ଗ ଲେବେଲ୍ , ୧୬୪୩ ଖଣ୍ଡ ଫରେନ୍ ଲିକ୍କର ବୋତଲ , ୫୦ ଲିଟର ସ୍ପ୍ରିଟ୍ , ୧୦୫୨୯ ଖଣ୍ଡ ବୋତଲ ଟିପି , ୧୦ ଖଣ୍ଡ ଆର୍ ଏସ୍ ମଦ ବୋତଲ , ଏହି ଭଳି ବିଭିନ୍ନ ପ୍ରକାରର ବିଅର ବୋତଲ , ହୁସ୍କି , ବ୍ରାଣ୍ଡି ଓ ରୋମ୍ ମଦ ବୋତଲ ଜବତ ହୋଇଥିଲା । ଗୋରୁମହିଷାଣୀ ବଡମଉଦା ଅଞ୍ଚଳ ରୁ ରାମେଶ୍ଵର ବାରିକ୍ ( ୨୭) ପାଖରୁ ୧୮,୮୫୦ ଲିଟର ବିଅର ଓ ୩ ଲିଟର ବିଅର ଲେବେଲ ଜବତ । ଗୋରୁମହିଷାଣୀ ଅଞ୍ଚଳ ରୁ ବିଦ୍ଯାପତି ମହାକୁଡ ( ୩୨) ତପନ ମହାକୁଡ ( ୨୯) ଙ୍କ ପାଖରୁ ୧୩ ଲିଟର ନକଲି ବିଅର ଜବତ ଓ ମୁକେଶ ସାହୁ ( ୪୨) ନରେନ୍ଦ୍ର ଗିରି (45) ପାଖରୁ ୭ ,୧୫୦ ଲିଟର ନକଲି ବିଅର ଓ ଅଇ ଏମ୍ ଫିଲ୍ ୨,୭୦୦ ଲିଟର ଜବତ କରାଯାଇଥିଲା । ଏହା ବ୍ୟତୀତ ରେଡ୍ କଲର ହିରୋ ଏଚ୍ ଏଫ୍ ଡିଲକ୍ସ ବାଇକ୍ ନଂ ଓ ଡି ୧୧ ଏ ୨୯୭୯ ନଂ ଗାଡିକୁ ମଧ୍ଯ ଜବତ କରିଵା ସହ ଅବକାରୀ କେଶ ମାମଲା ରୁଜୁ କରି ୭ ଜଣଙ୍କୁ କୋର୍ଟ ଚାଲାଣ କରିଛି ।ଚଢ଼ାଉରେ ଅବକାରୀ ଡେପୁଟି ସୁପରିଣ୍ଟେଡେଣ୍ଟ ସୌମ୍ୟରଞ୍ଜନ ବେହେରା, ରାଇରଙ୍ଗପୁର ଅବକାରୀ ବିଭାଗ ଓଆଇସି ପୁଷ୍ପଲତା ବେହେରା, ଅବକାରୀ ଇନ୍ସପେକ୍ଟର ବିନୟ ତିର୍କି,ବହଳଦା ଅଧିକାରୀ ରଞ୍ଜିତ ଶବର ଙ୍କ ନେତୃତ୍ବରେ ବିଭିନ୍ନ ଅଫିସର ଓ କର୍ମଚାରୀଙ୍କୁ ନେଇ ଚଢ଼ାଉ କରାଯାଇଥିଲା ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ୍
