ଗାଁ ଗାଁ ବୁଲି ଭୋଟରଙ୍କୁ ଭେଟୁଛନ୍ତି ପ୍ରାର୍ଥିନୀ
ଖଇରା,୨୮/୪/୨୪- ବାଲେଶ୍ବର ଜିଲ୍ଲା ସିମୁଳିଆ ନିର୍ବାଚନ ମଣ୍ଡଳୀ ଖଇରା ବ୍ଲକ ନୟାଖଣ୍ଡି ପଞ୍ଚାୟତ ଅନ୍ତର୍ଗତ ସୁନ୍ଦରପୁର ଠାରେ ବିଜୁ ଜନତା ଦଳର କର୍ମୀ ଓ ସ୍ଥାନୀୟ ଗ୍ରାମବାସୀ ମାନଙ୍କୁ ସାକ୍ଷାତ କଲେ ସିମୁଳିଆ ନିର୍ବାଚନ ମଣ୍ଡଳୀ ବିଜୁ ଜନତା ଦଳର ବିଧାୟକ ପ୍ରାର୍ଥୀନୀ ସୁବାସିନୀ ସାହୁ ଏବଂ ରାଜନେତା ତଥା ସମାଜସେବୀ ଶଶୀ କୁମାର ସାହୁ ଓରଫ ଶଶୀ ନନା । କିଛି ସମୟ ଗ୍ରାମବାସୀ ମାନଙ୍କ ସହିତ ବର୍ତ୍ତାଳାପ କରିବା ପରେ ସେମାନଙ୍କର ସୁବିଧା ଅସୁବିଧା ବିଷୟରେ ପଚାରି ବୁଝିଥିଲେ । ପ୍ରଥମ କରି ବିଧାୟକ ପ୍ରାର୍ଥିନୀ ହୋଇଥିବାରୁ ଭୋଟ ଦେଇ ଜୟଯୁକ୍ତ କରିବା ପାଇଁ ସମସ୍ତଙ୍କୁ ନିବେଦନ କରିଥିଲେ । ନିର୍ବାଚନରେ ଜିତିଲା ପରେ ନିଶ୍ଚୟ ନିଶ୍ଚୟ ଗ୍ରାମର ସମସ୍ୟା ପ୍ରତି ଗୁରୁତ୍ୱ ଦେବେ ବୋଲି ଉପସ୍ଥିତ ଗ୍ରାମବାସୀ ମାନଙ୍କୁ ପ୍ରତିଶ୍ରୁତି ଦେଇଥିଲେ । ପ୍ରାର୍ଥିନୀଙ୍କ ଠାରୁ ପ୍ରତିଶ୍ରୁତି ପାଇ ସମସ୍ତେ ଖୁସି ହୋଇ ସହଯୋଗ କରିବେ ବୋଲି କହିଥିଲେ । ପ୍ରାର୍ଥିନୀ ଓ ତାଙ୍କ ସ୍ବାମୀ ସମାଜସେବୀ ଶ୍ରୀ ସାହୁ ସମସ୍ତଙ୍କୁ ଧନ୍ୟବାଦ ଓ କୃତଜ୍ଞତା ଜଣାଇଥିଲେ ।।