କୋକସରା,୮ା୪- କଳାହାଣ୍ଡି ଜିଲ୍ଲା କୋକସରା ବ୍ଲକ ଡୁଡୁକାଠେଙ୍ଗା ଗ୍ରାମ ପଞ୍ଚାୟତରେ ଶୁକ୍ରାବାର ସରପଞ୍ଚ ହରିପ୍ରିୟା ନାଗଙ୍କ ଅଧ୍ୟକ୍ଷତାରେ ଗ୍ରାମ ପଞ୍ଚାୟତର ଷ୍ଟାଣ୍ଡିଂ କମିଟି ଗଠନ ହୋଇଛି । ଗ୍ରାମ ପଞ୍ଚାୟତ ମାଧ୍ୟମରେ କାର୍ଯ୍ୟକାରୀ ହେଉଥିବା ବିଭିନ୍ନ ଉନ୍ନୟନ ମୂଳକ କାର୍ଯ୍ୟ, ସାମଜିକ ନିରାପତ୍ତା ଯୋଜନା, ଜୀବନ ଜୀବିକା ଯୋଜନା ଗୁଡିକୁ ସଠିକ କାର୍ଯ୍ୟକାରୀ କରାଯାଇ ଗ୍ରାମାଞ୍ଚଳର ସାମାଜିକ ଓ ଅର୍ଥନୈତିକ ବ୍ୟବସ୍ଥାକୁ ସୁଦୃଢ କରିବା ପାଇଁ ଷ୍ଟାଣ୍ଡିଂ କମିଟି ର ଗୁରୁତ ପୂର୍ଣ୍ଣ ଭୂମିକା ରହିଛି । ଏଣୁ ପଞ୍ଚାୟତର ସମସ୍ତ ନିର୍ବାଚିତ ପ୍ରତିନିଧି ଓ ପଞ୍ଚାୟତ କାର୍ଯ୍ୟନିର୍ବାହି ଅଧିକାରୀ ଙ୍କ ଉପସ୍ଥିତିରେ ୭ ଗୋଟି ଷ୍ଟାଣ୍ଡିଂ କମିଟି ଗଠନ କରାଯାଇଛି । ଏଥିରେ ଶିକ୍ଷା, ସ୍ୱାସ୍ଥ୍ୟ, ବିଦ୍ୟୁତ, ପାନୀୟ ଜଳ, ଗମନା ଗମନ, ଗ୍ରାମ୍ୟ ଗୃହ ନିର୍ମାଣ, କୃଷି ଭଲି ଅନେକ ଯୋଜନା ଓ ପ୍ରକଳ୍ପ ପ୍ରସ୍ତୁତ କରି ଆବଶ୍ୟକୀୟ ସମ୍ବଳ ପାଇଁ ପଞ୍ଚାୟତ ସମ୍ମୁଖରେ ତଥ୍ୟ ଉପସ୍ଥାପନ କରଯାଇଛି । ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସହଦେବ ଭଏଁସାଲ ସଭା କୁ ପରିଚାଲନା କରିଥିଲେ । ଏଥିରେ ନାଏବ ସରପଞ୍ଚ ଖଗେଶ୍ୱର ବାଣୁଆଁ, ଜିଆର୍ଏସ୍ ଶିବରାମ ଗହୀର, ସମିତ ସଭ୍ୟା ପାର୍ବତୀ ବାଗ, ସମସ୍ତ ୱାର୍ଡ ସଭ୍ୟ/ସଭ୍ୟା ସମେତ ପଞ୍ଚାୟତ କର୍ମଚାରୀ ପ୍ରମୂଖ ଯୋଗ ଦେଇଥିଲେ । ଯୋଗାଣ ସହାୟକ ସତ୍ୟସୁନ୍ଦର ପାଣିଗ୍ରାହୀ ଶେଷରେ ଧନ୍ୟବାଦ ଅର୍ପଣ କରିଥିଲେ। ମ ନି ସ
