ମୋଟର ସାଇକେଲ ଦୁର୍ଘଟଣା ରେ ଯୁବକ ମୃତ
ଡାବୁଗାଁ, ୩/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନାରେ ମୋଟରସାଇକେଲ ଦୁର୍ଘଟଣା ରେ ଜଣେ ଯୁବକର ମୃତ୍ୟୁ ଘଟିଥିବା ନେଇ ଶୁକ୍ରବାର ମଧ୍ୟାନ୍ନ ରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ୩୦/୪/୨୪ ଦିନ ଅପରାହ୍ନ ୧ ଘ. ସମୟରେ ଡାବୁଗାଁ ଥାନା ଅଧୀନ ଧାମନାଗୁଡା ଗ୍ରାମର ଆକାଶ ହରିଜନ (୧୮) ନିଜ ଜମିରେ କାମ ସାରି ଘରକୁ ରାଜ୍ୟ ରାଜପଥ -୩୯ ଉପରେ ଚାଲି ଚାଲି ଆସୁଥିବା ବେଳେ ଧମାନାଗୁଡା ଛକରେ ପଛ ପଟୁ ଆସୁଥିବା ଏକ ମୋଟର ସାଇକେଲ ନଂ ଓଡି ୧୦ କେ ୩୨୯୩ ଆସି ଧକ୍କା ଦେଇଥିଲା | ଫଳରେ ଆକାଶ ଆହତ ହୋଇଥିଲେ | ତାଙ୍କୁ ସଙ୍ଗେ ସଙ୍ଗେ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା | ସେଠାରେ ତାଙ୍କର ଅବସ୍ଥା ଗୁରୁତ୍ତର ହେବାରୁ ତାଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା | ସେଠାରେ ତାଙ୍କର ଉନ୍ନତ ଚିକିତ୍ସା ପାଇଁ ୧/୫/୨୪ ଦିନ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ କୁ ସ୍ଥାନାନ୍ତର କରାଯାଇଥିଲା | ସେଠାରେ ଚିକିତ୍ସିତ ଅବସ୍ଥାରେ ୨/୫/୨୪ ରାତି ୧୨ ଘ. ସମୟରେ ଆକାଶ ର ମୃତ୍ୟୁ ଘଟିଥିଲା | ଡାକ୍ତର ଙ୍କ ସୂଚନା ପାଇ କୋରାପୁଟ ଥାନା ପୋଲିସ ଶବ ବ୍ୟବଚ୍ଛେଦ କରାଇ ପରିବାର ବର୍ଗକୁ ହସ୍ତାନ୍ତର କରିଥିଲେ | ଏନେଇ ଶୁକ୍ରବାର ମଧ୍ୟାନ୍ନ ରେ ମୃତକ ର ମାମୁଁ ମଧୁ ହରିଜନ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା କେସ ନଂ ୧୧୬/୨୪ ରେ ଏକ ମାମଲା ରୁଜୁ ହୋଇଛି | ଥାନା ଏଏସଆଇ ଚନ୍ଦ୍ର ଶେଖର ହଜାରୀ ଘଟଣାର ତଦନ୍ତ କରୁଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
