ରାଜ୍ୟ ରାଜପଥ କଡରେ ଭାଲୁ
ଡାବୁଗାଁ,୧୨/୫(ମ.ନି.ସ.)- ରବିବାର ଅପରାହ୍ନ ପ୍ରାୟ ୩ ଘ. ସମୟରେ ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ମହେନ୍ଦ୍ରି ଛକ ନିକଟ ଡାବୁଗାଁ – ପାପଡାହାଣ୍ଡି ରାଜ୍ୟ 
ରାଜପଥ-୩୯ କଡରେ ଥିବା ଜଙ୍ଗଲ ମଧ୍ୟରେ ଦୁଇଟି ଭାଲୁ ବୁଲୁଥିବା ଦେଖିବାକୁ ମିଳିଛି । ଦୁଇ ଭାଲୁ ଦୀର୍ଘ ୫ ଘଣ୍ଟା ସେଠାରେ ଏପଟେ ସେପଟେ ବୁଲି ଖେଳୁଥିବା ଲୋକମାନେ କହିଛନ୍ତି । ସେହି ରାସ୍ତା ଦେଇ ଯାତାୟତ କରୁଥିବା ଲୋକମାନେ ଏତେ ବଡ଼ ବଡ଼ ଭାଲୁ ଦେଖି ଭୟଭୀତ 
ହୋଇଥିଲେ । ଅନେକ ଲୋକ ଫୋଟ ଭିଡିଓ କରୁଥିବା ମଧ୍ୟ ଦେଖିବାକୁ ମିଳିଥିଲା । ଡାବୁଗାଁ ରୁ ମାତ୍ର ୫ କିଲୋମିଟର ଦୂରରେ ଭାଲୁ ବାହାରିବା ଖବର ଶୁଣି ଡାବୁଗାଁ ଗ୍ରାମବାସୀ ମଧ୍ୟ ଭୟଭୀତ ଅଛନ୍ତି । କିନ୍ତୁ ଆଶ୍ଚର୍ଯ୍ୟ ର ବିଷୟ ଡାବୁଗାଁ ଠାରୁ ମାତ୍ର ୫ କିଲୋମିଟର ଦୂରରେ ଭାଲୁ ବାହାରିଥିଲେ | ଜଙ୍ଗଲ ନଷ୍ଟ ହେଉଥିବା ଯୋଗୁଁ ଖାଦ୍ୟ ସନ୍ଧାନ ରେ ବନ୍ୟ ଜନ୍ତୁ ଗ୍ରାମ ମୁହା ହେଉଥିବା ଆଖପାଖ ଗ୍ରାମର ଲୋକମାନେ ପ୍ରକାଶ କରିଛନ୍ତି ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
