ବିଜେଡି ଆଇନଜୀବୀ ସାମ୍ମୁଖ୍ଯ ସମ୍ମିଳନୀରେ ଯୋଗଦେଲେ ଜିଲ୍ଲା ସଭାପତି
ବାଲେଶ୍ଵର,୨୬/୫/୨୪- ଚଳିତ ନିର୍ବାଚନ ପରିପ୍ରେକ୍ଷୀରେ ବିଜେଡି ଆଇନଜୀବୀ ସାମ୍ମୁଖ୍ଯ ତରଫରୁ ବାଲେଶ୍ଵର ଜିଲ୍ଲା ବାଲେଶ୍ଵର ସଦର ଓଟି ରୋଡ ସ୍ଥିତ ଭେନିଆ ପାରାଡାଇସ ପରିସରରେ ଏକ ସମ୍ମିଳନୀ ଅନୁଷ୍ଠିତ ହୋଇଥିଲା । ଏହି ସମ୍ମିଳନୀରେ ବିଜେଡି ବିଧାୟକ ଏବଂ ପୂର୍ବତନ ମନ୍ତ୍ରୀ ତଥା ବର୍ତ୍ତମାନର ବାଲେଶ୍ଵର ଜିଲ୍ଲା ସଭାପତି ଜ୍ଯୋତିପ୍ରକାଶ ପାଣିଗ୍ରାହୀ ଯୋଗ ଦେଇଥିଲେ । ଶ୍ରୀ ପାଣିଗ୍ରାହୀଙ୍କ ସମେତ ଅନ୍ୟ ଅତିଥି ମାନେ ମଧ୍ୟ ମଞ୍ଚାସୀନ ହୋଇଥିଲେ । ବିଜେଡି ଦଳର ସୁପ୍ରିମୋ ୫ମ ଥର ମୁଖ୍ୟମନ୍ତ୍ରୀ ଆସନ ଅଳଙ୍କୃତ କରିଥିବା ନବୀନ ପଟ୍ଟନାୟକ କିପରି ବିଜୟ ଲାଭ କରି ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ଆସନ ଅଳଙ୍କୃତ କରିବେ ସେଥିପାଇଁ ଆମକୁ ଆପ୍ରାଣ ଉଦ୍ୟମ କରିବାକୁ ପଡିବ । ନବୀନ ପଟ୍ଟନାୟକଙ୍କ ହାତମୁଠାକୁ ଟାଣ କରିବା ପାଇଁ ଯୋଡି ଶଙ୍ଖରେ ଭୋଟ ଦେଇ ବାଲେଶ୍ଵର ଜିଲ୍ଲାର ସମସ୍ତ ସାଂସଦ ଓ ବିଧାୟକ ପ୍ରାର୍ଥୀ ଏବଂ ପ୍ରାର୍ଥିନୀ ମାନଙ୍କୁ ଜିତାଇବା ନିମନ୍ତେ ଜିଲ୍ଲା ସଭାପତି ଶ୍ରୀ ପାଣିଗ୍ରାହୀ ସମସ୍ତଙ୍କୁ ଅନୁରୋଧ କରିଥିଲେ । ଶ୍ରୀ ପାଣିଗ୍ରାହୀ କଥାରେ ନୁହେଁ କାମରେ ବିଶ୍ୱାସ କରନ୍ତି, ଅତୀତରେ ମଧ୍ୟ ଅନେକ ଭଲ କାମ ଏବଂ ରାଜ୍ୟ ସରକାରଙ୍କ ଗୁରୁତ୍ୱପୂର୍ଣ୍ଣ ଦାୟିତ୍ୱରେ ରହି ସୁଚାରୁରୂପେ କାର୍ଯ୍ୟ କରି ସୁନାମ ଅର୍ଜନ କରିଛନ୍ତି । ଯେଉଁଥି ପାଇଁ ତାଙ୍କୁ ସମସ୍ତେ ଭଲ ପାଆନ୍ତି । ତାଙ୍କ ଅନୁରୋଧ କେବେ ବିଫଳ ହେବ ନାହିଁ, ସମସ୍ତେ ବିଜୟ ଲାଭ କରିବେ । ସମସ୍ତଙ୍କ ଉଦ୍ଦେଶ୍ୟରେ ତାଙ୍କ ବକ୍ତବ୍ୟ ଖୁବ୍ ତାତ୍ପର୍ଯ୍ୟ ପୂର୍ଣ୍ଣ ଥିଲା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
