ଲାଇସେନ୍ସ ପ୍ରାପ୍ତ ବିହନ ବିକ୍ରେତା ମାନଙ୍କୁ ନେଇ ବୈଠକ
ଡାବୁଗାଁ, ୨୮/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମାସ୍ଥିତ କୃଷି, ସୂଚନା ଓ ପରାମର୍ଶ କେନ୍ଦ୍ର ସଭାଗୃହରେ ଲାଇସେନ୍ସ ପ୍ରାପ୍ତ ବିହନ, ସାର ଓ କୀଟନାଶକ ବିକ୍ରେତା ମାନଙ୍କୁ ନେଇ ଏକ ବୈଠକ ମଙ୍ଗଳବାର ଅନୁଷ୍ଠିତ ହୋଇଯାଇଛି | ଏହି ବୈଠକରେ ସହକାରୀ କୃଷି ଅଧିକାରୀ ସୌମେନ୍ଦ୍ର ବିଶ୍ଵାସ ବିହନ, ସାର ଓ କୀଟନାଶକ ବିକ୍ରୟ ର ବିଭିନ୍ନ ନିୟମ ବିଷୟରେ ବିକ୍ରେତା ମାନଙ୍କୁ ଅବଗତ କରାଯାଇଥିଲା | ଠିକ ଦରରେ ସଠିକ ଗୁଣବତ୍ତାର ବିହନ ରସିଦ ମାଧ୍ୟମରେ ବିକ୍ରୟ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା | ସମସ୍ତ ବିକ୍ରେତା ମାନେ ବିହନ, ସାର ଓ କୀଟନାଶକର କ୍ରୟ ବିକ୍ରୟର ବିବରଣୀ ରେଜିଷ୍ଟରରେ ଲିପିବଦ୍ଧ କରିବା, କୃଷି ଅଧିକାରୀ ଙ୍କୁ ଠିକ ସମୟରେ କ୍ରୟବିକ୍ରୟର ସଠିକ ରିପୋର୍ଟ ପ୍ରଦାନ କରିବା ଆଦି ବିଷୟରେ ଆଲୋଚନା କରାଯାଇଥିଲା | ଠିକ ସମୟରେ ଚାଷୀ ମାନଙ୍କୁ ଆବଶ୍ୟକୀୟ ସାର, ବିହନ ଓ କୀଟନାଶକ ଯୋଗାଇ ଦେବା ପାଇଁ ନିର୍ଦ୍ଦେଶ ଦିଆଯାଇଥିଲା | ଚାଷୀ ମାନେ ସରକାରୀ ବିହନ କିଣିବାକୁ ଫାର୍ମର ଆଇଡି ସହ ଆସିବାକୁ ତଥା ଫାର୍ମର ଆଇଡି ନଥିଲେ କୃଷି ଅଧିକାରୀ ଙ୍କ ସହ ଯୋଗାଯୋଗ କରି ଫାର୍ମର ଆଇଡି ପାଇଁ ଆବେଦନ କରିବା ପାଇଁ ସୂଚନା ଦିଆଯାଇଥିଲା | ଏଥିରେ ଡାବୁଗାଁ ବ୍ଲକ ର ୧୫ ଜଣ ବିକ୍ରେତା ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
