ଡାବୁଗାଁ ବ୍ଲକ ର ବିଭିନ୍ନ ବିଦ୍ୟାଳୟରେ ଶିକ୍ଷା ସପ୍ତାହର ଦକ୍ଷତା ଓ ପ୍ରଯୁକ୍ତିବିଦ୍ୟା ଦିବସ
ଡାବୁଗାଁ, ୨୬/୭ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ର ବିଭିନ୍ନ ବିଦ୍ୟାଳୟରେ ଶିକ୍ଷା ସପ୍ତାହ ରଦକ୍ଷତା ଓ ପ୍ରଯୁକ୍ତିବିଦ୍ୟା ଦିବସ ଶୁକ୍ରବାର ପାଳିତ ହୋଇଯାଇଛି | ଏଥିରେ ବ୍ଲକର ୬୬ ପ୍ରାଥମିକ ବିଦ୍ୟାଳୟ, ୩୦ ଟି ଉଚ୍ଚ 
ପ୍ରାଥମିକ ବିଦ୍ୟାଳୟ ଓ ୯ ଟି ଉଚ୍ଚ ବିଦ୍ୟାଳୟରେ ଶିକ୍ଷା ଶପଥ ସପ୍ତାହ ପାଳନ ହୋଇଆସୁଅଛି | ଆଜି ଶିକ୍ଷା ଶପଥ ସପ୍ତାହର ୫ମ ଦିନକୁ ଦକ୍ଷତା ଓ ପ୍ରଯୁକ୍ତିବିଦ୍ୟା ଦିବସ ଭାବେ ପାଳନ କରାଯାଇଛି | ସୁସ୍ଥ ସମୃଦ୍ଧ ସାମାଜିକ ଜୀବନ ବଞ୍ଚିବା ପାଇଁ ଆର୍ଥିକ ଅଭିବୃଦ୍ଧି ଅପରିହାର୍ଯ୍ୟ । ଆଧୁନିକ ଯୁଗରେ ସମସ୍ତ କ୍ଷେତ୍ର ଦକ୍ଷତା ଓ ପ୍ପ୍ରଯୁକ୍ତି ବିଦ୍ୟା ଆବଶ୍ୟକ କରୁଛି । ଏହି ଆହ୍ଵାନ କୁ ଚରିତାର୍ଥ କରିବାକୁ ବିଦ୍ୟାଳୟ ସ୍ତରରୁ ଛାତ୍ରୀ ଛାତ୍ର ଙ୍କୁ ପ୍ରସ୍ତୁତ କରିବା ଅପରିହାର୍ଯ୍ୟ ହୋଇପଡ଼ିଛି। ପିଲାଟି ଭବିଷ୍ୟତରେ ସରକାରୀ ନିଯୁକ୍ତି ଉପରେ ନିର୍ଭର ନକରି କିପରି ଆତ୍ମନିର୍ଭର ହୋଇପାରିବ ଏଥି ପାଇଁ କ୍ଷେତ୍ର ପ୍ରସ୍ତୁତ କରିବାକୁ ପଡ଼ିବ । ଏହି ମହତ ଉଦ୍ଦେଶ୍ୟ ରଖି କେନ୍ଦ୍ର ସରକାର ଶିକ୍ଷା ସପ୍ତାହର ପରିକଳ୍ପନା 
କରିଛନ୍ତି । ଏହି ଅବସରରେ ଡାବୁଗାଁ ସ୍ଥିତ ସରକାରୀ ଏକ୍ସ ବୋର୍ଡ ଉଚ୍ଚ ପ୍ରାଥମିକ ବିଦ୍ୟାଳୟ ଓ ଉମୁରାହାଣ୍ଡି ଉଚ୍ଚ ପ୍ରଥମିକ ବିଦ୍ୟାଳୟ ଠାରେ ଏହା ଉପରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଛାତ୍ରୀ ଛାତ୍ର ମାନେ ବାଉଁଶ ପାତ, ଅଖା ବସ୍ତା, ଜରି , ନଡ଼ିଆ କତା, ପୁରୁଣା ଖବର କାଗଜ, ମାଟି କଳସ ଏବଂ ବିଭିନ୍ନ ବର୍ଜ୍ୟବସ୍ତୁ ରୁ ଆକର୍ଷଣୀୟ ଗୃହଉପକରଣ ଓ ସାଜସଜ୍ଜା ଜିନିଷ ପ୍ରସ୍ତୁତ କରିଥିଲେ । ଏଥିରେ ବିଦ୍ୟାଳୟ ର ଶିକ୍ଷୟତ୍ରୀ, ଶିକ୍ଷକ , ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ପ୍ରସନ୍ନ କୁମାର ଦଣ୍ଡସେନା, ଅତିରିକ୍ତ ଗୋଷ୍ଟୀ ଶିକ୍ଷା ଅଧିକାରୀ ଶ୍ରୀ ଭଗବାନ ମାଝୀ ଯୋଗଦାନ କରିଥିଲେ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
