ଜୁନାଗଡ଼ରେ ଦିବ୍ୟଶଙ୍କରଙ୍କ ହ୍ୟାଟ୍ରିକ ବିଜୟ
ଜୁନାଗଡ଼ ୭/୬ (ମ ନି ସ)କଳାହାଣ୍ଡି ଜିଲ୍ଲାର ବହୁ ଚର୍ଚ୍ଚିତ ଜୁନାଗଡ଼ ନିର୍ବାଚନ ମଣ୍ଡଳୀରେ କ୍ୟାପଟେନ ଦିବ୍ୟଶଙ୍କର ମିଶ୍ର ହ୍ୟାଟ୍ରିକ ବିଜୟ ହୋଇଛନ୍ତି । ନାଟକୀୟ ଢଙ୍ଗୀ ତଥା ଉତ୍କଣ୍ଠା ପୂର୍ଣ ପରିସ୍ଥିତି ରେ ତାଙ୍କର ଫଳାଫଳ ଘୋଷଣା ହୋଇଥିଲା।ସେ ତାଙ୍କ ନିକଟତମ ପ୍ରତିଦ୍ୱନ୍ଦୀ ବିଜେପିର ମନୋଜ ମେହେରକୁ ପରାଜିତ କରି ପୁଣିଥରେ ବିଜୟ ମୁକୁଟ ପିନ୍ଧିଛନ୍ତି । ଗୋଲାମୁଣ୍ଡା ବ୍ଲକ ଓ ଜୁନାଗଡ଼ ବ୍ଲକ କୁ ନିର୍ବାଚନ ମଣ୍ଡଳୀ ହୋଇଥିବା ବେଳେ ଏଥିରେ ବିଜେପି ପ୍ରାର୍ଥୀ ମନୋଜ ମେହେର ୭୫ ହଜାର ୧୦୪ ଭୋଟ ପାଇ ଦ୍ୱିତୀୟ ସ୍ଥାନ ଅଧିକାର କରିଥିଲେ । ସେହିଭଳି କଂଗ୍ରେସ ପ୍ରାର୍ଥି ତୁଲେଶ୍ୱର ନାଏକ ୩୯ ହଜାର ୫୨ ଭୋଟ ପାଇ ତୃତୀୟ ସ୍ଥାନରେ ଥିଲେ । ସେହିଭଳି ବିଜେଡିର ପ୍ରାର୍ଥୀ କ୍ୟାପଟେନ ଦିବ୍ୟଶଙ୍କର ମିଶ୍ର ୭୬ ହଜାର ୪୮୩ ଭୋଟ ପାଇଥିଲେ ଓ ବିଜେପିର ମନୋଜ ମେହେରଙ୍କୁ ମାତ୍ର ୧୩୭୯ ଭୋଟ ରେ ପରାଜିତ କରିଛନ୍ତି । ଜୁନାଗଡ଼ ବିଧାୟକ ଦିବ୍ୟଶଙ୍କର ମିଶ୍ରଙ୍କ ନାମରେ ଅନେକ ବାଦ ବିବାଦ ଯୋଡି ହୋଇଥିଲେ ସୁଦ୍ଧା ଜନମତ ଦିବ୍ୟଶଙ୍କର ସପକ୍ଷରେ ଯାଇଛି । ଏହି ବିଜୟ ପରେ କର୍ମୀ ଓ ସମର୍ଥକଙ୍କ ମହଲରେ ବେଶ ଉଷାହ ଦେଖିବାକୁ ମିଳିଥିଲା।
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
