କେସିଙ୍ଗା – ଗତକାଲି ପବିତ୍ର ଶ୍ରୀରାମ ନବମୀ ଅବସରରେ କେସୀଙ୍ଗା ବାସୀ ତରଫରୁ ପ୍ରଥମଥର ପାଇଁ ମହାପ୍ରଭୁ ଶ୍ରୀରାମଙ୍କ ରଥ ସହ ଏକ ବିଶାଳ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଏହି ଶୋଭାଯାତ୍ରା ସ୍ଥାନୀୟ ଜଗନ୍ନାଥ ମନ୍ଦିର ନିକଟରୁ ବାହାରି ସହର ପରିକ୍ରମା କରି ଅମ୍ବାଜୀ ମନ୍ଦିର ନିକଟରେ ପହଞ୍ଚିଥିଲା। 
ଏହି ଶୋଭାଯାତ୍ରାରେ ଜାତି ଧର୍ମ ନିର୍ବିଶେଷରେ ହଜାର ହଜାର ଶ୍ରଦ୍ଧାଳୁ ସାମିଲ ହୋଇ ମୃଦଙ୍ଗ, ଢୋଲ, ଶଙ୍ଖ, ଘଣ୍ଟଘଣ୍ଟାର ତାଳେ ତାଳେ ନାଚିବା ସହ ଜୟ ଶ୍ରୀରାମ ନାରା ଦେଇଥିଲେ। ଏହି ଶୋଭାଯାତ୍ରାରେ ଶହ ଶହ ସଂଖ୍ୟାରେ ମହିଳା ଶ୍ରଦ୍ଧାଳୁମାନେ ମଧ୍ୟ ସାମିଲ ହୋଇଥିଲେ।
ଶୋଭାଯାତ୍ରାରେ ଅଂଶ ଗ୍ରହଣ କରିଥିବା ଶ୍ରଦ୍ଧାଳୁମାନଙ୍କ ପାଇଁ ବିଭିନ୍ନ ସଙ୍ଗଠନ ପକ୍ଷରୁ ଥଣ୍ଡାପାନୀୟ ଓ ଦହି ସରବତ ବଣ୍ଟନ କରାଯାଇଥିଲା। ଶାନ୍ତିଶୃଙ୍ଖଳା ରକ୍ଷା ପାଇଁ କେସିଙ୍ଗା ପୋଲିସ ତରଫରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଥିବାରୁ ମହାପ୍ରଭୁ ଶ୍ରୀରାମଙ୍କ ଶୋଭାଯାତ୍ରା ଶାନ୍ତିଶୃଙ୍ଖଳାରେ ସମ୍ପନ୍ନ ହୋଇଥିଲା।
ଚନ୍ଦ୍ରମଣି ସ୍ବାଇଁ, କେସିଙ୍ଗା
