ଭିନ୍ନକ୍ଷମ ମାନଙ୍କ ଉପରେ ଗୋଷ୍ଠୀ ଭିତ୍ତିକ ସଚେତନତା କାର୍ଯ୍ୟକ୍ରମ
ରାଉରକେଲା : ଟାଟା ପାୱାର ପଶ୍ଚିମାଞ୍ଚଳ ଶାଖା ସହାୟତାରେ ଶ୍ରଦ୍ଧା ଆନୁକୁଲ୍ୟରେ ଭିନ୍ନକ୍ଷମ ମାନଙ୍କ ଅଧିକାର ଉପରେ ବିଶ୍ରା ବ୍ଳକ ର ପଞ୍ଚାୟତ ସମିତି କାର୍ଯ୍ୟାଳୟ ଠାରେ ଗୋଷ୍ଠୀ ଭିତ୍ତିକ ସଚେତନତା କାର୍ଯ୍ୟକ୍ରମ ଶ୍ରଦ୍ଧା ର ସଭାପତି ପଶୁପତିନାଥ ଚାଟାର୍ଜୀ ଙ୍କ ପୈାରହିତରେ ଅନୁଷ୍ଠିତ ହୋଇଯାଇଛି । ଶ୍ରୀ ଚାଟାର୍ଜୀ 
ଟାଟା ପାୱାର ପଶ୍ଚିମାଞ୍ଚଳ ଶାଖା ଓ ଶ୍ରଦ୍ଧା ଦ୍ଵାରା ପରିଚାଳିତ ଗୋଷ୍ଠୀ ଭିତ୍ତିକ କାର୍ଯ୍ୟକ୍ରମ ଉପରେ ବିଶେଷ ବିବରଣୀ ରଖିଥିଲେ ଏବଂ ତୃଣମୂଳ ସ୍ତରରେ ଆପଣ ମାନେ ହିଁ , ସରପଞ୍ଚ , ଅଙ୍ଗନବାଡ଼ି କର୍ମୀ, ଆଶାକର୍ମୀ ଓ ଅନ୍ୟ ସମସ୍ତେ ଏହି କାର୍ଯ୍ୟକ୍ରମ ର ମୁଖ୍ୟ ପୁରୋଧା ବୋଲି ଦର୍ଶାଇ ଥିଲେ । ଆପଣ ମାନଙ୍କର ଆନ୍ତରିକ ସହଯୋଗ ଆମର ଏକାନ୍ତ କାମ୍ୟ ବୋଲି ଅନୁରୋଧ କରିଥିଲେ।ସ୍ଵତନ୍ତ୍ର ଭାବେ ବ୍ଳକ ଅନ୍ତର୍ଗତ ଅଙ୍ଗନବାଡ଼ି କର୍ମୀ, ଆଶାକର୍ମୀ, ସରପଞ୍ଚ, ଓ୍ଵାଡମେମ୍ବର ଓ ସ୍ଥାନୀୟ ଶିକ୍ଷକ ମାନଙ୍କ ପାଇଁ ଭିନ୍ନକ୍ଷମ ମାନଙ୍କ ଅଧିକାର ଉପରେ ଏହି କାର୍ଯ୍ୟକ୍ରମ କରାଯାଇଥିଲା । ଏନ୍ ଆଇ ଟି ର ଆସୋସିଏଟ ପ୍ରଫେସର ଡ଼ ରାମକୃଷ୍ଣ ବିଶ୍ଵାଳ ମୁଖ୍ୟ ଅତିଥି ଭାବେ ଯୋଗଦେଇ କହିଥିଲେ ଯେ, ଏବେ ବି ଆମ ସମାଜରେ ଭିନ୍ନକ୍ଷମ ମାନଙ୍କର ଉନ୍ନତି ନିମନ୍ତେ ଅନେକ ପ୍ରକାରର ବାଧା ଉପୁଜୁଛି । ଏହା 
କେତେବେଳେ ପରିବାର ଠାରେ, କେତେବେଳେ ଆମ ସମାଜ ଭିତରେ ଆଉ କେତେବେଳେ ସରକାର ଙ୍କ ନିକଟରେ । ଏହି ତିନୋଟି ଜାଗାରୁ ଏମାନଙ୍କର ସମସ୍ୟା ର ସମାଧାନ ହୋଇପାରିଲେ ଭିନ୍ନକ୍ଷମ ମାନେ ପ୍ରକୃତରେ ସେମାନଙ୍କର ଅଧିକାର ପାଇଁଁ ପାରିବେ । ଅଭିଭାବକ ସଂଘ ର ଉପସଭାପତି ଗଗନ ବିହାରୀ ଧଳ ଭିନ୍ନକ୍ଷମ ମାନଙ୍କୁ ମୁଖ୍ୟସ୍ରୋତରେ ସାମିଲ୍ କରିବା ଲାଗି ଗୋଷ୍ଠୀ ବା ସମାଜର ବିଭିନ୍ନ ବର୍ଗର ଯଥା : ସରପଞ୍ଚ , ଓ୍ଵାଡମେମ୍ବର, ଅଙ୍ଗନବାଡ଼ି, ଆଶାକର୍ମୀ ଓ ଶିକ୍ଷକ ଏବଂ ସବୁ ସମ୍ପ୍ରଦାୟର ଲୋକମାନଙ୍କର ଭୂମିକା ଉପରେ ଗୁରୁତ୍ବ ଆରୋପ କରିଥିଲେ । ଶ୍ରଦ୍ଧା ର ସ୍ଵୟଂପ୍ରଭା ପାଣ୍ଡବ ଭିନ୍ନକ୍ଷମ ଙ୍କ ଆଇନ୍ ଓ ଅଧିକାର -୨୦୧୬ ସମ୍ପର୍କିତ ଭିନ୍ନକ୍ଷମ ମାନଙ୍କ ପାଇଁ ଥିବା ସଂରକ୍ଷଣ, ପ୍ରକଳ୍ପ ଓ ସୁବିଧାସୁଯୋଗ ଉପରେ ବିସ୍ତୃତ ଭାବରେ ସୂଚନା ଦେଇଥିଲେ ଏବଂ ଅଂଶଗ୍ରହଣକାରୀ ଙ୍କ ବିଭିନ୍ନ ପ୍ରଶ୍ନର ଉତ୍ତର ଦେଇଥିଲେ । ପ୍ରାରମ୍ଭରେ ଶ୍ରଦ୍ଧା ର ଶିକ୍ଷୟତ୍ରୀ ପ୍ରୀତି ବାରିକ୍ ଅତିଥି ପରିଚୟ ଓ ସ୍ଵାଗତ ଭାଷଣ ଦେଇଥିବାବେଳେ ପ୍ରୋଗ୍ରାମ ମ୍ୟାନେଜର ଅମୃତ ଆଚାର୍ଯ୍ୟ ଓ ରିନୁଲତା ମହାରଣା ପ୍ରୋଗ୍ରାମ ର ଆଭିମୁଖ୍ୟ ଓ ବିଶ୍ରା ବ୍ଳକ ରେ ଟାଟା ପାୱାର ପଶ୍ଚିମାଞ୍ଚଳ ଶାଖା ସହାୟତାରେ ଚାଲୁଥିବା ଗୋଷ୍ଠୀ ଭିତ୍ତିକ କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ । ଏହି ଅବସରରେ ସମ୍ବିତା ସ୍ବାଇଁ ଭିନ୍ନକ୍ଷମ ଙ୍କ ପ୍ରକାର କାରଣ ଓ ନିରାକରଣ ସମ୍ପର୍କରେ ବକ୍ତବ୍ୟ ରଖିଥିଲେ। ବ୍ଳକ ର ସନ୍ତୋଷପୁର, ଦରେଇକେଲା, ମନକୋ, ଉଡୁଶୁ, କପାଟମୁଣ୍ଡା ଏବଂ ବିଶ୍ରା ପଞ୍ଚାୟତ ର ସରପଞ୍ଚ , ଓ୍ଵାଡମେମ୍ବର, ଅଙ୍ଗନବାଡ଼ି କର୍ମୀ ଆଶାକର୍ମୀ ଓ ଶିକ୍ଷକ ଙ୍କ ସମେତ ମୋଟ ୭୦ ରୁ ଉର୍ଦ୍ଧ୍ବ ଅଂଶ ଗ୍ରହଣ କରିଥିଲେ । ଶେଷରେ ପ୍ରକଳ୍ପର ପରିଚାଳକ ଅମୃତ ଆଚାର୍ଯ୍ୟ ଧନ୍ୟବାଦ ଅର୍ପଣ କରିଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
